[hehe]《知音人》: 七十四：重新

Horace、Edmund、Roy和Steven晚上在飯堂吃飯，討論著剛才的歌唱比賽初賽。
 
Steven：「Horace我覺得你今年可以拎得冠軍啦，大家聽完你唱首《我的志願》之後拍哂手掌喎。」
Horace：「唔係啦，Edmund都唱得幾好呀，但你點解唔拎埋結他既，我覺得會殺食好多喎，特別呢排《未來見》咁heat。」
Edmund：「一時唔醒起啦，入到決賽咪彈埋囉。」
Roy：「合唱都係無咩好特別，以為會有人整隊樂隊挑戰下我地添。」
Horace：「係囉，都係得D男女對唱。」
Steven：「你地唱《無盡》果陣大家都真係好high呀。」
Horace：「係喎，Oscar唱成點呀，我地係後台聽唔到，佢合唱果陣成個人好似心情幾好咁。」
Roy：「幾好呀，唱完首《朋友身份》，佢朋友就真係同佢傾計啦。」




Steven：「哈哈，多得Darren捉埋Wilson黎，佢一聽完之後好似又諗通左。」
Edmund：「所以佢地而家？」
Roy：「兩個自己去左食飯呀，感覺到佢地應該知道點處理掛。」
 
另一邊廂，Oscar和Wilson在學校附近一間餐廳吃飯。雖說兩人開始恢復一點交流，但Oscar仍然感到有點尷尬。
 
Wilson：「原來你唱歌都幾好聽喎。」
Oscar：「一般啦，將軍佢地好聽好多。」
Wilson：「比多D信心自己啦，我覺得你一有信心，好多野都做得好好。」
Oscar：「多謝你。」不知為何會這樣見外。




Wilson：「係呢，楊俊朗。」
Oscar：「做咩呀？」
Wilson：「星期六有無約人？」
 
Oscar拿起手機，假裝看看日程表，但他知道當天是他的生日，過往多年都是和家人簡單地過，而Wilson今次是想和他慶祝。
 
Oscar：「過兩日先答你得唔得？」
Wilson：「好啦，純粹見你生日想同你食餐飯啫，果日唔得既話早一兩日都可以架。」
Oscar：「嗯，我諗諗再答你啦。」
 




此時Wilson的電話響起，他馬上接起，說：「喂，係，我同朋友食緊飯，夜D打比你？嗯，好啦，Bye。」
 
Oscar：「女朋友？」語氣很平淡。
Wilson：「嗯。」
Oscar：「你食完未呀，食完就埋單啦。」
Wilson：「食完啦，行啦。」
 
兩人拿起袋準備起行，Oscar到收銀台結賬，Wilson則走到門外等他。等Oscar結完賬走山餐廳，他便說：「不如一齊行下？」
 
Oscar點了頭。兩人並肩往中環方向走著，沿途兩人都沒有說什麼。
 
直到有一刻，Wilson突然用普通話唱起：「好想再回到那些年的時光～」
 
Oscar：「做咩又突然那些年呀？」
Wilson：「我係果間中學讀架嘛。」他指著不遠處的一個校園。




Oscar：「係喎，名校仔。」
Wilson：「所謂名校咪又係咁。」
Oscar：「唔係架，係有一種我地呢D村校仔無既氣質。」
Wilson：「我唔覺喎，反而覺得你地好陽光。」
 
兩人此時的眼神對上了，附近的空氣正在冷卻。
 
Oscar凝望著Wilson的眼神兩三秒後馬上擰過頭，不敢再直視。
 
Wilson卻一直站在原地不動，默默地看著逃避著他眼神的Oscar。
 
他褲袋的手機一震，拿起一看，就見到Darren傳來的訊息：「傾成點呀？」外加一個奸笑emoji。他反一反白眼，「已讀不回」他的訊息。
 
Wilson：「楊俊朗，我地行啦，送你搭車。」
 




Oscar向他點點頭，然後一同向最近的地鐵站方向離開。