[hehe]《知音人》: 五十八：深情

「高佬，攬夠啦，有無諗過我地感受呀？」一把熟悉的聲音在Steven旁響起。
 
他擁抱Edmund至少抱了三、四分鐘，聽到Darren的這句說話才放開手。
 
然後，Darren和一眾隊友及教練都在旁對著兩人笑著，仿佛在看一場精彩的電影。
 
Edmund極度尷尬地轉過身走回Horace的身邊，也放棄即時送Steven紀念品的念頭。
 
Darren走去Steven旁說：「你使唔使激動到咁，真係當身邊所有人無到？」
Steven：「哎呀，我太感動啦。」




Darren：「睇得出啦MVP，過黎影埋幅大合照先啦，叫埋你班Friend啦。」
 
然後數張大合照和多張分組合照又擾攘了半小時，人群才慢慢散去，隊員總算可以回休息室。
 
Steven在回休息室前跟Edmund說了兩句話，然後再跟Horace說：「我帶埋Edmund跟大隊食呀，你地一唔一齊呀？」
 
Horace：「唔啦，你地食啦。」
Steven：「Oscar都係度喎。」
Horace：「唔啦，同佢地又唔太熟，之後再約你地啦。」
Roy：「嗯，我陣間同Oscar講多兩句都走啦。」




Steven：「好啦，咁再約啦。」
Jordan：「恭喜你呀MVP。」
Steven：「多謝，之後再搵你打波啦Jordan。」
Horace：「咁我地兩個走先，你地慶功慶得開心D啦。」
Roy：「你地兩個去拍拖啦，我同Edmund傾多陣，順便等Oscar。」
 
Horace和Jordan離開體育館，而Steven也回到更衣室裡，場館只剩下Roy、Edmund和數位仍未捨得離開的觀眾。
 
Roy：「你跟佢地去慶功？」
Edmund：「係呀，Steven叫我一齊。」




Roy：「咁真係公開架啦喎。」
Edmund：「其實佢地應該好多都知啦。」
Roy：「咁又係，你男人咁出名，遮唔住。」
Edmund：「哈哈，不過知還知，咁樣一齊見都係第一次。」
Roy：「好緊張？」
Edmund：「少少啦，但OK既。」
Roy：「係呀，頭先佢攬住你果陣，有好多對眼光係你背後金睛火眼咁望住你地。」
Edmund：「你指？」
Roy：「頭先送野比Steven班女仔，佢地果陣仲係場邊望緊仔，然後就見到你地深情擁抱幾分鐘。」
Edmund：「Oh my god。」
Roy：「佢地似食花生，哈哈。」
 
此時，Oscar、Wilson和數名隊友從更衣室走出來。Oscar見Roy和Edmund仍在，便過來加入對話。
 
Oscar：「仲係度既？」




Roy：「同你講兩句呀。」
 
Edmund目送兩人走到球場的一個角落，細聲說著一些只有他們兩人知的秘密。
 
正當他想思考兩人在談什麼秘密的時候，有人拍了他的膊頭一下。
 
「Edmund？」
「你係？」
「我叫Gary呀，籃球隊既隊員。」
「哦，有咩事呀？」
「無呀，我見大家都係工程系，同你打聲招呼啫。」
「哦，你好，你今年year幾？」
「Year 2，你Year 3嘛師兄。」
「唔好叫我師兄啦，打冷震。」
 




Oscar和Roy此時重新在兩人身旁出現。
 
Oscar：「喂Gary，同我老友講咩呀。」語氣充滿少許敵意。
Gary：「無，見係Engine師兄講兩句啫。」然後便走開了。
 
Oscar向Edmund說：「呢個Gary平時練波成日痴住Steven，我都唔知佢想點。」