[hehe]《知音人》: 五十三：原來

Jordan在行李認領處等了約半小時，終於見到自己行李出現，拿起後便步出抵港大堂。
 
正當他走向巴士總站的時候，有人從後方拍了他的肩膀一下。
 
Jordan轉身，露出興奮的笑容，說：「點解你會黎既？」
Horace：「估唔到呢。」
 
Jordan馬上給Horace一個擁抱，然後說：「好感動呀，岩岩仲諗住上車再同你講，然後你就出現左啦。」
 
Horace看著眼前這個突然變得很興奮的大男孩，自己也笑出來。




 
兩人一同步向巴士站，途中Horace問：「你食左飯未呀？」
Jordan：「飛機食左少少野啦。」
Horace：「你放低行李之後陪你食宵夜？」
Jordan：「好呀。」
 
雖然台北至香港的機程不足兩小時，但Jordan也感到很睏，上車不夠十分鐘便在Horace的肩膀上睡著了。Horace乘機自拍了一幅相，並WhatsApp給Edmund，結果數分鐘後他收到Edmund以同樣姿勢躺在Steven肩膀的相片，忍不住笑了。
 
Jordan在巴士臨到達他的家之前約五分鐘左右醒了。
 




Jordan：「Sorry呀，太眼訓，訓著左添。」
Horace：「攰就訓下啦，但你唔係係台灣歎世界咩，做咩會咁攰既？」
Jordan：「尋晚訓得唔好啦，加上今日行左好多，所以體力上有少少透支。」
Horace：「今晚訓返好啦，到啦，落車啦。」
 
兩人從巴士站前往Jordan住處的路上，Jordan突然說：「唔記得話比Charlie聽我返到添。」
Horace：「都到樓下啦，上去佢咪知囉。」
Jordan：「嗯，希望佢唔會搞到成屋企亂哂大龍。」
 
然而，還未到樓下，兩人就見Charlie和一位男士從他們所住的大廈走出來，而且開心傾談著。




 
當Horace對事情發展有點好奇的時候，Jordan大聲向前面的兩人說：「你地終於係埋一齊啦，恭喜哂。」他是一直笑著說的。
 
一直沒發現兩人的Charlie和該男友人聽到Jordan的聲音後馬上抬起頭，然後一同大笑。
 
Horace搞不清楚情況，頭頂充滿問號。
 
Jordan看到Horace一臉迷茫的樣子，笑著說：「我地上去放低行李先，轉頭落黎食飯再講。你地兩個食唔食呀？」
 
Charlie：「唔做電燈膽啦，Nick BB我地行先啦。」兩人又笑著離開。
 
還未進電梯，Horace已忍不住問：「佢地兩個…」
 
Jordan：「頭先我玩下啫，兩個都直到無人有。不過我成日同Charlie講佢好適合做hehe，而且覺得果個呀Nick同佢好襯，其實兩個好朋友黎，中學識到而家，講笑咁叫佢考慮下。佢地都知我成日玩佢地，咪一齊笑囉。」
 




Horace：「哦，仲以為…。」
Jordan：「你以為佢地兩個真係一對？係咪好襯呀？」
Horace：「你咁講又幾似，哈哈。」
Jordan：「不過Charlie同佢女朋友拍左好多年拖啦，應該拆唔散，哈哈。」
Horace：「佢有女朋友架啦？」
Jordan：「唔似呢，都話佢似hehe啦。」
 
電梯剛好到達樓層，Horace沒有回應。他發現，自己之前亂想得也太離譜了吧。