[hehe]《知音人》: 五十：落泊

Oscar離開後，Steven便跟Wilson說：「你join唔join埋我地呀？」
Wilson：「唔啦，同佢地又唔熟，好尷尬啫。」
Steven：「咁你跟Darren佢地食啦。」
Wilson：「嗯，咁拜託你地睇住楊俊朗啦，不過有Horace佢地係度應該無事啦。」
Steven：「OK，有咩再搵你啦。」
 
Horace、Edmund和Roy在體育館大門外討論著剛才的比賽，順便等待Steven和Oscar一起吃飯。本來高興的氣氛，在Oscar出現的時候開始冷卻。
 
Roy見Oscar從遠處走來時便向他打招呼，但他沒有回應，三人只見他一臉疲累，完全不似剛贏完球的狀況。
 




Roy：「你無事呀嘛？」
Oscar：「我好攰呀，其實我想返屋企抖下。」
Horace：「咁不如我陪你返去啦，我今日都返屋企，順路。」
Oscar：「你唔食啦？」
Horace：「我食唔食都無所謂啦，我唔太放心你一個人走。」
Edmund：「咁你地行啦，我同Steven講聲。」
Roy：「咁將軍你睇住佢啦。」
 
兩人登上巴士，走到上層最後方坐著，沒有出聲。Horace覺得或許需要給Oscar更多空間獨自思考，不論是籃球、Wilson還是自己究竟想怎樣。
 




直至巴士駛過西隧的時候，Oscar終於開聲。
 
Oscar：「將軍，你唔使陪佐敦咩，平安夜喎。」
Horace：「佢飛左台灣啦。」
Oscar：「你唔陪佢去？」
Horace：「佢好耐之前訂架啦，我又要keep住練習，行唔開。」
Oscar：「哦。」
Horace：「咁你今晚點呀？」
Oscar：「無呀，係屋企食飯囉。」
Horace：「你唔介意同我兩個人hehe既話，今晚我同你兩個食飯啦，我都無人約。」




Oscar：「下？佐敦知道會唔會殺左我架。」
Horace：「咪傻啦。你返去好好訓陣，起身再搵我啦。」
 
兩人晚上在區內找到一間普通餐廳，不用等太久便可進內。
 
Horace：「你而家個樣好返好多啦，頭先個樣嚇死我地。」
Oscar：「有無咁誇張呀？」
Horace：「你自己問下呀Roy囉，你果個樣我真係唔放心你一個人走。」
Oscar：「無呀，有D灰啫，雖然都預左。」
Horace：「你講今日場波？定呀Wilson？」
Oscar：「場波啫。」
Horace：「尋晚你同Wilson又傾成點呀？」
Oscar：「無呀，都係咁，你地又識搵佢既？」
Horace：「Steven幫手啫。」
Oscar：「我都唔知呀，我覺得自己同佢差距好大。」




Horace：「你唔好咁諗啦，你比太大壓力自己啦。」
Oscar：「其實你覺唔覺得我好似做咩都唔掂？」
Horace：「點會呀，做咩突然對自己咁嚴苛呀。」
 
Oscar沒有回應，Horace看到他從心底裡的一種失落，不知如何開解他。
 
過了一會，Horace再問：「聽日聖誕節點過呀？」
Oscar：「無呀，休息下啦，呢排都訓得唔係幾好。」
Horace：「下場比賽幾時？」
Oscar：「廿八號下午。」
Horace：「呢幾日唔使再練？」
Oscar：「後日要呀。」
Horace：「放假約下Wilson啦。」
Oscar：「下？做咩叫我約佢？」
Horace：「我諗得佢先幫到你解決問題。」




Oscar：「算啦，佢都成日唔得閒，唔係練習我廢事煩住佢。」
 
說到這裡，Horace放下水杯，望著Oscar，說：「楊俊朗，認真答我。」
Oscar：「做咩呀？」
Horace：「你係咪中意左人？」