[hehe]《知音人》: 四十四：暗湧

Jordan和Charlie在家附近的茶餐廳食早餐。吃到中途，Jordan望一望電話，然後高呼一聲「YES!」，把對面的Charlie嚇到。
 
Charlie：「哇，做咩事呀你。」
Jordan：「你睇下。」他把電話遞給Charlie。
 
Charlie：「哈哈，恭喜你，快D請食飯。」
Jordan：「得啦，呢張單我埋。」
Charlie：「一餐茶記早餐就算？」
Jordan：「你想食窮我咩，你唔係唔知我咩環境啦。」
Charlie：「哈哈，講笑啫。話時話，其實佢真係幾可愛。」




Jordan：「係呢。」
Charlie：「尋晚你去左廁所，我同佢傾幾句，一開始都無咩特別，但一講到你，佢就無啦啦面紅，然後講野口疾疾咁，好可愛。」
Jordan：「哈哈，佢成日都係咁，講咩都無問題，一提到感情野佢就會唔知講咩，成個人勁尷尬咁。」
Charlie：「所以尋晚終於明白點解你咁想追返佢。」
Jordan：「約佢今晚食飯先。」他拿起手機準備回覆。
Charlie：「我使唔使迴避下，比間屋你地用？」
Jordan：「痴線，講埋呢D野。」
 
另一邊廂，Horace在上課時好不專心，不停跟Jordan互傳訊息。
 




Edmund：「講final exam啦，你係咪仲唔聽呀？」
Horace：「下？唔係呀，聽書聽書。」
Edmund：「春風滿面咁，一早叫你應承人地啦。」
Horace：「哎呀，聽書先啦。」
 
兩人這天的時間表一堂接一堂，無間斷在校園不同課室的穿梭，直至差不多三時才有時間到飯堂食個下午茶。
 
Horace一邊吃著餐蛋麵，一邊說：「好肚餓，我要快食，陣間要去練歌。」
Edmund：「其實你覺唔覺得辛苦架，好似成日都無得停低咁。」
Horace：「少少啦，但其實都enjoy既。」




Edmund：「好啦，你食完就行啦，我轉頭搵Steven。」
 
Jordan傍晚完成了私人補習，便前往到唱片公司接Horace，然後一同晚飯。
 
他收到Horace的訊息，知道他因為早前生病請了幾天，要追上進度，錄音練習可能遲些少完成，著他等多一會。
 
正當他在樓下等待的時候，看到一位男士從遠處走來，他認得出是星光娛樂的音樂總監張先生。由於兩人只見過一次，所以他認為張先生不會認得他，便沒有打招呼。
 
誰知，張先生向他走來，說：「葉生？」
Jordan：「係，你認得我？」
總監：「當然啦，做咩企係度既？」
Jordan：「約左Horace食飯，等佢練完野。」
總監：「上去等啦，呢度好大風。」
 
Jordan便跟著總監上去唱片公司的辦公室。




 
總監：「其實我地之前收到你既Demo，覺得你唱歌都幾OK，但而家未有資源住，可能下年果期再搵你啦。」
Jordan：「哦，我見無回音，以為你地唔再考慮我添。」
總監：「始終我地細公司，資源唔多，職員又少，所以可能甩左唔記得覆你，唔好意思。」
Jordan：「唔使。係呢，Horace係度練成點樣？」
總監：「聽講都幾好，幾enjoy咁。」
Jordan：「enjoy就好。」
 
到辦公室後，總監請Jordan在接待處坐著等，然後自己走去開會。
 
Jordan等了一會後，見到兩人從錄音室走出來，除了Horace還有Kenneth。
 
Horace：「Kenneth哥我走先啦，約左人。」
Kenneth：「嗯，我都搵老闆先，之後再傾。」
Horace：「Bye。」




 
然後，Horace才見到Jordan在接待處等著。