[hehe]《知音人》: 四十：成長

Jordan：「張志鈞，其實如果你未ready既，可以慢慢黎，唔使咁大壓力。」
Horace：「唔好意思呀。」
Jordan：「無啦啦做咩唔好意思呀。」
Horace：「因為，我都唔知自己想點。」
Jordan：「我明既，所以當我無講過啦。」
 
兩人又沉默了一會兒。
 
Horace：「葉子康，其實唔關你事架，我都唔係對你無感覺，但我真係好驚。你可能唔知我究竟驚咩，但每次我一想行前一步，我就有種恐懼既感覺，我真係好怕。」
 




說著說著，Horace整個人身體都有點發抖，眼睛開始泛起淚光。的確，Horace不是對Jordan沒有感覺，但每次想到可能可以和他重新開始變成情侶關係，他就會有種擔憂，可能是因為以前的不愉快經歷，也可能他對自己談戀愛沒有任何信心。所以，由重新再見面開始這大半年時間，兩人雖然越走越近，但對「正式交往」這一步，Horace總是不願踏出。或許，他不想現時的平衡被打破。
 
Jordan見Horace越說越不對勁，便走到他身邊，拍了他的肩膀一下，說：「傻瓜黎架，無壓力既，我唔應該逼你既，Sorry。」
 
Horace：「對唔住呀，我唔係怪你呀。」
Jordan：「嗯，我明既，你唔好喊啦，D人以為我蝦你呀。」
 
Horace接過Jordan遞給他的紙巾，擦去眼淚後，他也慢慢平復心情。明明兩人相處應該輕鬆快樂，為何他總是憂慮？他有點懷疑，自己是否根本不適合進入一段關係？
 
Jordan仿佛看穿了他的心思，說：「如果你係擔心我會好似兩年前咁突然再消失既，我可以同你保證我唔會。」




 
Horace抬起頭望著Jordan，聽到他這麼堅定的承諾有點驚訝。
 
Jordan繼續說：「我唔再係當年只係聽呀媽話既葉子康啦，中學生果陣我唔識點樣保護自己、保護你，但而家我絕對唔會再比呢件事發生。」
 
Horace：「我唔值得你…」
Jordan：「唔會，唔准你咁講。」
Horace：「咁如果你呀媽又…」
Jordan：「我入左大學之後就搬左出黎住啦，上年住Hall今年同個同學夾份租屋住，自己返多幾份工搵多幾份補習幫補下生活，佢管唔到我好多架啦，除非佢唔肯幫我交學費架啫。不過好笑既係，我搬左出黎之後，反而同佢地關係好左，至少我覺得佢地多左去理解我諗咩。唔擔保佢地會接受我同你一齊，如果你肯既話，但至少我唔會再好似之前咁，比佢控制住，揀都無得揀。」
 




Horace驚訝地看著Jordan，沒想到他在這兩年間有這麼大的轉變，那就解釋到為何他的言行舉止比以前來得成熟，也沒有了以前貪玩的稚氣。
 
Jordan：「張志鈞，可能你覺得我比唔夠安全感你，唔緊要，我會努力令你有呢個感覺。果日你病左訓左係床度，我睇到你個人真係好攰、好大壓力，我好想話比你知，我會係你身邊陪住你。」
 
Horace：「我…」
 
Jordan：「你唔使而家應承我，我知你需要時間消化，但你唔可以再話自己唔值得人中意，問過我葉子康未？」
 
Horace此時覺得Jordan突然變了另一個人似的，一時之間不知給什麼反應。這也太超出他原本所想像的吧？
 
這個時候，Jordan的電話響起了。