[hehe]《知音人》: 三十二：籃球

Jordan：「呢排好忙咩？」
Horace：「係呀，準備mid-term，每日又來回學校同公司。」
Jordan：「唔怪得你呢排無咩點搵過我啦。」
Horace：「Sorry呀，我起碼忙要埋呢個幾星期。」
Jordan：「唔緊，你有時間再約我啦。」
 
Horace離開唱片公司錄音室時已經是晚上十時，加上他早上考完第一科中期試，回家的路上簡直是心力交瘁。趁著星期五而翌日沒有訓練，他決定不回宿舍，直接回家，而路上就收到Jordan的訊息，也發現已有數星期沒有跟他見面了。
 
由地鐵站回到家中有十多分鐘的路程，途中會經過Oscar住的大廈，兩人中學之所以會成為好朋友，除了高中同班外，也因為兩人住得較近，放學可以一起乘車或走路回家。
 




這時他突然想起兩人中學時在附近籃球場打球的時光，又對Oscar近來的行徑感到古怪，便拖著疲憊的身體，拐了一個彎到那個充滿回憶的籃球場。
 
雖然天色早已變黑，但在街燈的照耀下，仍有數人在打球。Horace在場邊坐下，看著場上幾位年青人，一邊回想高中的青春歲月。
 
Horace對籃球不算很熱衷，但中學時間小息或午飯「爭場」打球是同學間最典型的活動，而在Oscar、Frankie等好友的影響下，他也練得一身不錯的控球和投球技術，縱然沒有進入校隊，但也有代表過班和社出場。在中五時，他們5A班更晉身班際籃球的四強，當時抽中要面對以校隊成員組成的6B班，那時Oscar誓言要打敗對手，更和Horace等每天放學都在這個籃球場練習，雖然最終仍以數分之差落敗無緣決賽，但那些青春熱血的日子Horace至今仍然津津樂道。
 
當他仍沉醉在中學班際比賽的回憶時，他的頭突然被重擊了一下，眼鏡也飛脫。
 
「你無事嗎？」一把男聲在他身邊響起，有人替他拾了眼鏡。
「無野，無野。」剛才被籃球擊中的額角仍有些痛，但幸好眼鏡沒有破裂。




 
那年青人再三道歉並確認他沒有受傷後，便回到球場和朋友們繼續打球。
 
Horace此時也起程回家，偏偏還未走出球場，就見到Oscar拿著籃球向著他走來。
 
Oscar：「將軍？你點解係度既？」
Horace：「練完歌又唔想返屋企住，路過咪入去坐一陣囉。」
Oscar：「哦，咁你唔返hall？」
Horace：「難得聽日放假嘛。你又做咩咁夜先黎打波？」
Oscar：「呢排晚晚呢個鐘數都落黎打啦。」




Horace：「哦。咁勤力既？」
Oscar：「er..當減壓啫。」
Horace：「其實…都係無野啦。」
Oscar：「想講咩呀？」
Horace：「無咩野啦，我唔阻你練波啦，我返去先啦。」
Oscar：「將軍。」
Horace：「嗯？」
Oscar：「聽晚得唔得閒？」
Horace：「OK呀。」
Oscar：「我地兩兄弟，打返場波，食個飯？」
Horace：「好呀，你再call我啦。」
 
兩人道別，各自都在想著一些事情。