[hehe]《知音人》: 二十六：呷醋

Horace：「Hi，又會咁岩既？」
Jordan：「係囉，無諗過係度見到你。」臉上仍是毫無表情。
Horace：「同師兄食飯啫。」指著Kenneth。
 
Kenneth本想站起來介紹自己，但Jordan拋低了一句：「我搵返我呀媽先啦。」，然後就走了。
 
Horace不知道Jordan在想什麼，但知道他有點情緒，也無謂此時去刺激他。
 
Kenneth：「你朋友？好似唔多開心咁wor。」
Horace：「係呀，唔知佢做咩，唔好理佢啦。」




 
晚飯完，兩人散步了一會後，Horace就準備起程回宿舍。Kenneth本想送他回去，但他堅持婉拒。
 
Horace：「唔使啦，都唔同路，你早D返去休息下。」
Kenneth：「咁好啦，你小心D。」
Horace：「我又唔係小學生，放心啦。」
Kenneth：「同你傾計好開心，再約啦。」
Horace：「嗯，Bye。」
 
回到512室，Roy仍不在，他繼續執拾今天才搬來的行李。持續的執拾下，不知不覺都已經半夜，他暫時放下，準備上床休息。




 
拿起電話，發現有數個未讀訊息，全都是Jordan。
 
「張志鈞。」10:45pm
「做咩唔覆我？」11:20pm
「同人一齊？」11:23pm
「唔理我啦而家。」11:45pm
 
Horace呆了，一頭霧水，便回覆一句：「做咩呀？今日先返hall，岩岩執緊野呀所以無睇到電話，Sor。」
 




這個訊息馬上變「雙藍剔」，然後他的電話響起了。
 
Horace：「你做咩呀？」
Jordan：「做咩帶人去果間餐廳？」
Horace：「唔係啦，佢約我架，我去到先知。」
Jordan：「咁個男仔係邊個黎架？未見過既？」
Horace：「唱片公司既師兄。你今日對住人做咩咁惡呀？」
Jordan：「佢既眼神，不懷好意咁。」
Horace：「下？你今日眼神先不懷好意囉。」
Jordan：「你信我啦，佢望住你既眼神唔係咁簡單囉，男人既直覺。」
Horace：「唔通你…？」
Jordan：「我咩？」
Horace：「呷醋？」
 
Jordan聽到Horace說「呷醋」兩字時正在奸笑，他也估不到Horace會這麼直接說出，一時回應不過來。




 
Horace：「葉子康，你唔好以為我唔知你諗緊咩啦，同以前一樣，咩都放哂上塊面度，我唔知既話你應該要好懷疑我智商啦。」
Jordan：「你..知就好。」
Horace：「你有咩就直接講啦，其實估你諗咩好攰架。」
Jordan：「咁你幾時得閒同我食飯呀？」
Horace：「我睇下schedule再覆你啦，開左學我都要練野架。」
Jordan：「好啦，咁我訓先啦，聽朝十點有堂。」
Horace：「唔好亂諗咁多野啦，早D休息啦。」
Jordan：「嗯，bye bye。」
Horace：「Bye。」
 
收線後，Horace望著電話，想起Jordan這個醋呈，淺淺笑了一下。
 
此時，Roy推門進來，看到Horace這個笑容。
 




Roy：「哇，將軍你做咩對住個電話淫笑呀？」
 
Horace沒理他，埋首準備睡覺。