[hehe]《知音人》: 二十二：進發

Horace晚上找到了一個機會和媽媽兩人談話。
 
Horace：「媽。」
媽：「做咩呀？」
Horace：「有樣野想問下你意見。」
媽：「咩野呀？好少見你咁緊張wor。」
Horace：「er..係咁既，我之前參加左學校既歌唱比賽，然後有唱片公司搵我，希望我參加佢地既計劃。」
媽：「哦，咁你想唔想參加？」
Horace：「想既，我之前都上左去同佢地傾過，交流左D諗法，佢地話呢個係做歌手既機會，佢地比資源去train我。」
媽：「你想做既話，我實支持你既，不過呀媽想提醒你，如果要簽咩合約果D，小心睇清楚，魔鬼在細節，有咩事唔係咁容易解決，同埋你唔好因為掛住唱歌而唔讀書，你中意做咩都好我支持，但記得留自己一條後路。」




Horace：「爸爸果邊…」
媽：「而家唔好同佢講住，你知佢啦，睇時機啦。」
Horace：「嗯。」
 
Horace聽完後很感動，眼泛淚光，亦很驚訝媽媽如此支持他。
 
Horace高興地致電Jordan，告訴他這個好消息。
 
Jordan：「你決定左去啦？」
Horace：「嗯，你覺得點？」




Jordan：「你做咩我都支持既，但你睇清楚合約果D，你知你仲要讀書，我驚你最後兩頭唔到岸。」
Horace：「哈哈，你講野好似我呀媽。」
 
一周後，他又在前往唱片公司的辦公室的路上，不同的是，今次他自己一人，因為Jordan那天家裡有事無法陪他出席，何況這些事情他也得自己解決。
 
和唱片公司代表討論了他未來一年的計劃，對方明白他仍是學生，上到大學三年級功課也變得忙碌，會持續就培訓內容和時間表和他緊密溝通。對方也透露，每年獲邀請參與此計劃的人不多，所以資源也會較為集中。而他作為參與者，責任是需要在完成培訓後通過唱片公司的審核，並留在唱片公司不多於兩年的時間，期間收入與公司分賬。
 
經過多次檢視條款後，Horace最終簽署了參與計劃的意向書，正式成為星光娛樂的一份子。
 
道別之際，總監從後叫住了他。




 
總監：「係wor，今日唔見上次同你黎果位朋友既？」
Horace：「哦，佢今日有事黎唔到。」
總監：「我早兩日收到佢send比我地既demo，似乎佢都有興趣wor。」
Horace：「係咩？佢無話我知呀。」
總監：「佢唱得都幾好既，不過你知我地資源有限，要再諗真D先。」
Horace：「嗯。多謝你地比我呢個機會。」
 
回家的路程中，他的電話又響起。
 
「今晚出唔出黎食飯呀，有手信呀。」電話的另一段傳來一把興奮的聲音。
「有手信梗係黎啦Edmund哥。」Horace回應。
「好野，Roy同Oscar都黎呀，轉頭send地址比你啦。」Edmund。