[喪屍][愛情][奇幻] 滅屍救港: 四十三 九龍塘(9)刀

「咁你有咩策略? 同啲喪屍合作?」阿Nick問。
允恆打了他一拳。「你講咩話!?」允恆罵道。
「我依家唔參與,我要人幫手攞翻我身上粒子彈出嚟。」阿Nick說。
我們關上大門。
「我哋幫你。」小華和英秀說。
「咁我都去。」我說。
我們上樓幫阿Nick取出子彈,隱約還聽到允恆在罵Nick。
後來,一心說允恆已經消氣了,我們便去找武器。
我們拿齊可以用作武器的東西,準備踏出門口。
但突然,我們幾個都感到頭暈,勉強回了房休息。




 
醒來時,已經是第二天的早晨了。
我們遍尋不獲Nick,難道他真的是刀派的人?
我們走出屋外,看見如樂富一般屍橫遍野的景象! 肯定是解放軍做的,而我肯定與喪屍和刀派必定有關。
我們一路走到十字路口。
只見刀派首領霍立廷拿著一把長劍站在軍營外面,好像在等誰。
為何我會知道他的名字? 是昨晚某個軍官說的。

 「六個凡人,一個預知者。 我哋正要咁嘅人。」霍立廷說。
「霍立廷,你想點?」允恆怒道。




「做生意。我要你哋做槍手,俾我通過防禦考試。
如果唔係,全香港冇人保到你哋條命!
阿興同老馬呢兩個名,你哋好熟㗎啦? 佢哋都係我嘅人啦,我地就嚟可以控制到全香港!」霍立廷說。
「你咪使旨意啊! 阿興一定唔會歸順於你,佢冇勢力;老馬有勢力,點會俾你控制佢地頭啊?」允恆指罵。
「今時唔同往日,我地玩攬炒: 你班暴徒話報仇,做得啲咩? 
我兇佢幾句,話俾阿興聽阿火跟咗隊喪屍走,又話俾馬哥聽佢地頭會變淪陷區,搵幾隻喪屍搞佢地頭,咪搞掂囉傻仔。
唔好以為有咗條女就代表個世界跟你玩,允恆? 帶你個一心翻香城啦!」霍立廷羞辱我們。

「不用說太多,槍斃吧。」一個軍官說。
「等陣。霍立廷,你本身係白警,後來中大之戰之後就變做黑警,走私刀,劍,槍,唔拉毒販,

仲有Professor P助手Alfred係你冇捉到嘅毒販係唔係?
你要打嘅,呢度人少,隻揪啦! 你用刀,我用槍。」英秀挺身而出,力挽狂瀾。
「士可殺,不可辱!」允恆說,舉起槍。
「你哋點知我咁多嘢㗎? 唉,死就死! 我用匕首!」霍立廷慌張地道。
「我仲有一個條件。」允恆提出。
「咩料? 你同我求生仲要條件?」霍立廷不滿地問。
「要喺豪宅打。」允恆說。
「去咪去。」霍立廷不忿地跟著允恆和英秀回到豪宅。
我們都十分擔心,一心更是哭了。
「放心啦,霍立廷又唔係喪屍,允恆一定會冇事嘅。」我安慰她。 

他們一進豪宅,允恆便掃射霍立廷,怎知此時允恆的槍沒有子彈了!
霍立廷正想偷襲換彈的允恆,但被英秀一槍打中腳。
霍立廷立即拿起匕首刺向英秀的背部,但允恆向他的手開槍。
這一槍射偏了! 英秀強忍著痛,向霍立廷的肚子開槍!




霍立廷被擊中,千鈞一髮間插向允恆的大腿近下體處!
允恆用手抓住地氈擋住,但匕首刺穿了地氈,傷及他的手。
「我...要提你...一樣嘢。良心。」允恆強撐著,對霍立廷說。
霍立廷倒地,允恆和英秀沒有補刀。
他們回來了。