[喪屍][愛情][奇幻] 滅屍救港: 二十 食人的誘惑
今天,我們到了暢運道(即是收費亭那邊)。
手足們努力地守住那條防線。暫時沒有喪屍進入原本紅隧的範圍。
「有兩條防線,去邊條好?」阿綺問。現時有兩條防線把喪屍包夾了。
「近原本紅隧嗰條要人。」Andy說。
我們走到那條防線,舉起傘陣作戰。
「電能!」五哥叫喊。
閃電落在喪屍身上,但它們突然跑過來!路障被閃電擊中,燒成火堆!
「咩事啊五哥? 你做咗咩啊?」阿絲質問。
「走啦!!!」五哥大叫。
喪屍從四面八方襲來,我們只好跑到原本紅隧的位置。
「我哋要盡最後努力阻止佢哋!」Kelvin說。他跑過去,將汽油彈扔向他們。
其他人也開始用技能或槍打倒它們。
但這群喪屍的速度之快無人能及,阿曹的罰跑技能無法使用!
子彈,汽油彈無法射準;看來只有我的手機陣有用了。
「手機陣!!!」我大喊!最近我們的一群喪屍停止了動作。有槍的人立即射殺它們,開始出現曙光了。
但我總覺得有點不妥。
「你哋聞唔聞到陣味?」阿綺問。
果然好像有種奇怪的氣味。有點香,又像是汗味。
我突然覺得肚子餓,前面好像有肉。不,那好像是人。
「可能未食早餐啫...」我自言自語。
「小心!」五哥突然抱緊我。
原來,有一大群沒變成喪屍的人張開口,想吃掉我們!
「五哥,你有冇事?」我問。這時,我發現五哥差點吃了我的手,我連忙想掙脫他的懷抱,但不行! 我只好用手機陣把他迷暈。
這下,他鬆開了手。
前面有人又想吃掉我了! 我連忙踢他們,但我覺得有點暈,想找些東西靠著。
迷糊間,我好像看到了阿晨的身影。
「阿...晨...幫...我...」我氣若柔絲地說完這句話,就失去了意識。
醒來時,我發現自己在一間白色的房間內。
「你醒啦?」阿綺問。
「其他人呢?」
「出面...唉我唔講啦費事刺激到你啦...
總之佢哋喺出面打緊。」
「有冇見過阿晨?」
「我喺度。」阿晨原來在我身旁。
「點解你會喺度? 你唔係要喺漆南做FA咩?」我感覺到我的心又在怦怦直跳了,看來我是真的喜歡上他了。
「冇,咁啱休息嚟呢度唞下,聽講你出咗事,咪過嚟睇下你點囉。」阿晨說。
「你唔驚俾你女朋友知咩?」
「分咗手啦...我今朝經過一間課室,佢竟然喺入面同一個poly人...扑嘢...
我唔意外,亦都唔覺得唔開心,我預咗。
佢見到我,話都係分手啦。我話我同佢一齊根本都唔開心,咪做番單身,專心打仗囉。」
「踐格。佢一定會俾人綠。」我竟然因為他和女朋友分手而覺得開心,畢竟我其實對他一見鐘情。
「其實... 你好啲未? 我想出翻去...」他靦腆地說。
我想他留下來陪我,想我們之間多一點時間見面...
但我最後也是說: 「我有阿綺睇住ok啦。你快啲翻去啦! 好多人等你幫手。」
於是,他離開了。在對抗喪屍的路途上,有幸有他。
(下一章將會轉翻做允恆一行人(即係主角),小芳視角)