【新手選項故】《2020》(一個光復香港嘅故事): 【Ch 1】元旦的煙火(9) #前傳1 831那天(中)#

[12:45]
 
我唔識好似John Wick咁爆門。既然門口走唔到，咁咪試下用窗口走囉。
 
不過，我似乎惗得太簡單。

先唔講點樣拆個窗花落嚟，淨係由10幾層樓高望落去地下都已經嚇到我心離一離。

一日最衰都係tvb d垃圾電視劇教壞哂人，咩踩住部冷氣機慢慢跳落去，連埋部冷氣機一齊say goodbye就真。就算俾我跌落去大難不死，我嘅下半身同下半生都無啦。





好在，某日俾我見到屋企部電視播CCTVB嘅時候，我嬲到打爛咗部電視，自此新買嘅電視機再無8字頭嘅台，以後起碼唔會再接收到一大堆垃圾不良資訊。

 

「迷霧裡 最遠處吹來 號！角！聲！ 捍自由，來齊集這裡，來全力抗對。勇氣、智慧也永不滅~~~」唔通係老豆打俾我？

「喂你搞咩啊？又話搭半尖沙咀等？我中大過嚟都快過你嘅？你死咗去邊啊？就算你旺角行過嚟都係半個鐘左右啫。」我居然唔記得咗打俾蕙解釋添。

「施主救命啊~我房門嗰鎖壞咗，依家出唔到嚟啊。」





「去Whatsapp開視像，睇吓你間房有d咩可以打救到你。」估唔到可以打救我嘅人係佢。

「OK！首先睇吓你個鎖點壞法先。」我將部手機對住個鎖頭，示範下點樣開唔到度門。

經過一大輪嘅檢查，佢似乎得到咗結論。

「蕙？做咩唔出聲？我點樣先可以出得返去？」

「……同你講個事實先，你個鎖……應該係俾人由外面打爛咗。」





「又係佢？」

「你講緊邊個「佢」？」

「無嘢，你繼續，我點先走到啊~」

「搵下有無……」如是者，搞咗一大輪，終於成功將成個鎖拆咗出嚟。

「Yes！走得！」我滿心歡喜咁再一次推開度門。
















「唔？？點解都係打唔開嘅？」