由我小降為大家踢爆一個驚世大秘密: 人物簡介~~~皇上 筆名陳裕恆 (軒氏二佬)

我二哥皇上，佢人如其名真係好似 一個皇帝咁成日都對人哋呼呼喝喝， 佢一返到屋企好似佢大曬咁又要攞水呀要攞拖鞋畀佢，真係癡線㗎， 記得有一次我跌咗條頭髮落地， 就話咗我三個月， 呢啲都算少嘢😥，佢對鞋每次著完抹乾淨一定要放返入鞋盒， 啲衫褲鞋襪要摺到起角喎， 最恐怖嘅係如果啲餐具擺錯0.1度都會畀佢鬧㗎，佢唔鍾意又黑口黑面， 佢鬧人好惡㗎， 我哋個個都怕咗佢架。


天呀！成日都搵唔到佢又唔知去咗邊度潛水，佢話淨係書信溝通wor 唔用whatsapp, ig,咁倒不如飛鴿傳書吖，佢話佢係小王子， 我話佢係古代人就真， 仲有成日因為唔完美而煩惱而唔開心咗好耐， 盡咗力咪得囉 ！！！成日要氹真係好麻鬼煩🙄


但係佢雖然成日都係咁麻鬼煩， 不過佢啲taste真係好好，令人冇辦法挑剔佢作嘅歌， design出嚟嘅嘢真係好perfect， 我最鍾意嘅呢係嗰個珍珠頸鏈蛋糕真係好靚好有少女心㗎， 同埋土屬性嗰件衫，最衰畀軒軒肥到跪爆咗，仲有呀佢睇書同埋著西裝嗰陣個樣好靚仔㗎，望到我啲心心眼都出曬嚟😍😍😍，果然係有我地軒氏一族嘅優良基因😏😏😏😏