一個中五女學生的故事: 12
「唔係..我覺得自己個樣好頹、好殘姐..」
「唔係啊，素顔係清純可愛，唔頹唔殘。不過你想戴就戴啦。」
「嗯。」
出門既時候都已經五點鐘。我住個度人流都唔算多，係行到出去市區先多啲。
「你想搭的士定搭地鐵？」
「無所謂。」
「地鐵啦好無？經過便利店個啲可以買樽野飲俾你。」
「嗯嗯。」
屋企去地鐵站沿途既路都幾舒服，好多植物，再加上微微海風，令人稍微覺得平靜。但我手依然捉緊袋既肩帶，Figo可能留意到，佢輕輕拉開我手臂，然後拖住左我。我有點愕然，
望左佢一眼，眼神帶有疑問。
「我覺得拖住你你會感到安全同安心。」佢似乎知道我心入面既疑惑。而呢一拖，令我感到安心同窩心。
便利店内。
「益力多啲friend啱唔啱飲？」
「...你又知我想飲咩既？」
「咁你無胃口嘛，我咪諗住買啲酸酸甜甜既野飲俾你。」説罷就去左俾錢。
「拿。」佢細心開埋樽蓋遞俾我。
「唔該..」佢既微笑好溫柔。
入閘後我地拖住手靜靜地等車，月臺人來人往既聲音，廣播既聲音，列車駛過既聲音，我都不自覺地屏蔽左。呢個係屬於我自己短短既發呆時間，因爲安心，所以腦袋一片空白。
「上車了。」佢見到列車黎到開門，但我依然發呆，輕輕拉我隻手，我先回過神。
「做咩發呆既？」
「因爲你係到，我覺得安全。」我衝口而出，將心底既感受講左出黎。佢輕輕拉我去佢既胸前抱緊。摸女仔既頭真係會令女仔感到被照顧。
去到油塘，某私人樓。
「入黎啊。我頭先問左屋企無人係到。」我行入門就四處張望。 裝修好簡潔，客廳以淺色同玻璃家具爲主。
「你入房坐下，要唔要飲啖水？」佢指住其中一間房。
「無所謂。」我行入佢間房，擺設都係好簡約，淺色調爲主，一個衣櫃，一張床同埋書枱，枱上一部電腦。男仔黎講算係好整潔。
「飲啲水先啦，唔可以净係飲野飲架。」佢遞左杯水俾我。
「唔該。。」我除低口罩飲水。
「我執幾套衫同校服就得。」佢拎左個背囊執左啲需要既衫同鞋。
「毛巾牙刷個啲可以唔洗拎都得，我屋企有多可以拎黎用。」
「好啊。攞埋對皮鞋同書包就走得。」
「書包..我幫你孭啊。」
「唔洗，你做個安靜美少女就得。」我被逗笑，打破面上既呆滯。
「笑返咪幾好。」佢篤一篤我面珠。
「行得喇。」佢孭住兩個袋好似走佬咁。
「買啲野返去食好無？」佢一抽二袋仲挂住問我。。。。
「嗯？」我感覺到雙眼發熱、濕潤。
人係軟弱既時候真係好容易因爲小小既舉動而感動，或者胡思亂想。。。
「你攞住兩個袋我地返去擺低先，再出去食。。」
「好啦。」點解佢面上可以成日挂住笑容....其實就算唔係因爲今次件事，我都唔知自己面上無太多表情呢個狀態究竟維持左幾耐...笑得真誠更係少之又少...
我依稀記得...曾經我成日笑，好容易因爲小事就滿足....
「其實你咁樣我會好大壓力...」記憶中既個個人經常話好大壓力。。。究竟係咪真係我既問題？
「又係我俾壓力你。我做咩你都話我俾到壓力你。」乜都話壓力，咁拍咩拖？
「我只係想簡簡單單...」有邊個唔想簡簡單單，但拍拖真係好複雜。。。
「我想要既都唔複雜。再係咁樣落去我真係唔知點繼續同你相處。」每次都係嘈同一樣既野，我真係好攰、好無心機。。。。
「千娜？」
「啊？」我回過神，雙眼通紅，原本只係眼眶打轉既液體，不自覺地流左落黎。。。
「做咩啊傻妹..」佢放低手上兩個背囊，雙手捧住我既臉蛋，爲我抹去個滴唔小心流下既眼淚。
「無..無野。。」除左daddy媽咪之外，好耐都無人咁叫我。。。
「其實你有咩事都可以同我傾。唔洗屈係心入面。」佢既擁抱、關心，似乎想成爲我既保護盾。
「嗯。。」我將雙手放係佢腰上。
返到屋企。
「擺啲野係凳先啦。」我幫佢拎左其中一個袋放係飯廳既凳上。
「你冲個涼先啦，個熱水爐有指示禁邊啲制，新牙刷係厠所玻璃櫃，我幫你拎毛巾。」宜家差唔多七點。
「好啊，我好快搞掂。你玩住手機或者睇住電視先。」
「嗯。」佢拎左衫褲就入左去。
望住燈光照射住空蕩蕩既客廳每一個角落，唯有呢個熟識既空間同洗手間入面傳出冲涼既水聲，令我感到溫暖、安心同平靜。
有一種人，即使身上既傷口有幾痛，都唔輕易流眼淚，但就會因爲其他人一句關心、問候既説話，而爆發積壓已久既淚水。。。
有一種人，即使平日幾想喊都欲哭無淚，唯有係夜幕降臨既時候先會默默流淚、失聲痛哭。。。
有一種人，即使知道唔適合，但偏偏想去嘗試，睇下可唔可以揾到個一份微妙既平衡。。。
重感情、怕受傷害，但又會去嘗試、去相信。。。。有人會話係執著，甚至犯賤，唔去相信一啲已經擺在眼前既事實，甚至選擇自欺欺人去無視，但有時並唔係自己控制範圍之内。
愛未必係卑微，但如果可以控制，那可能就不是愛。。。
「你又話俾毛巾同牙刷我既。」諗野諗到無左回事。。
「啊，唔記得左，宜家拎俾你。」我入房拎左條新毛巾。
【咯咯...】
「我開門喇。」我開門伸手俾左條毛巾佢。
「唔該。」
出到黎見佢上身著住t-shirt，下身著住孖烟通。雖然唔係未見過，但無諗過會係佢。
「我諗住通爽啲所以净係著左孖烟通，我陣間會著返褲。」佢都有啲唔好意思。
「嗯。你要唔要風筒..？」
「好啊。」
「你入黎吹啦。」佢走入我間房，坐係我梳妝枱前。
「好快。等我一陣。」
「搞掂！著返條褲行得，想食咩？」
「無所謂。。我好似都係無咩胃口。」
「買返黎食好無？」
「我想...」
「想咩？？？」
「飲珍珠奶茶....」
「無問題！我地一齊去買好無？」佢就好似氹小朋友咁氹我。。
我地去左間韓國餐廳叫左外賣，再去買珍珠奶茶就返屋企。
「你無咩胃口就食個紫菜包飯啦，配埋珍珠奶茶。食唔曬我會幫你清。」佢將份紫菜包飯同珍珠奶茶放我面前既茶几。
「開Netflix陪我睇Lucifer好無？」
「梗係無問題！」
我地就係咁靜靜地，坐係梳化食住簡單既晚餐配Netflix。有種溫馨感？安全感？
個紫菜包飯係Netflix同Figo既陪伴下，一舊接一舊咁送左入我口中，不知不覺就食曬。。。
「你終於食返多啲野，成日無乜點食野啊你。」Figo擔心我食唔夠。
「我仲可以飲埋杯珍珠奶茶。」
「咁就好。拿食飽飽就要早啲訓，宜家...十點幾。要准備訓教架喇唔係聽日無精神返學。」
「我..唔係好想返學...可唔可以唔返...」
「返多一個星期就放復活節假喇wor。我每日都陪住你架嘛，你諗下返學放學、一日三餐，净係選修課同我去厠所個陣唔可以係你身邊。我一落堂就會盡快趕返黎你身邊，
應承你好無？」佢一隻手撫摸我既頭髮，一隻手就伸出尾指打勾。
「嗯..」承諾...曾經都聽過好多，但唔係全部都有做到。。。
晚上十一點。
「我訓廳，你開住房門，有事就嗌我啦，早抖。」
「嗯嗯。」我返入房上床訓，訓上床後，兩日既倦意好快到來.....
「救命...救命啊！唔好啊！啊！」
「咩事！」Figo衝左入黎。
「我...夢到...個日既事..嗚....嗚....」我發噩夢，夢見自己差啲俾人强奸既畫面，再次嚇到喊。
「無事無事！我係到。」佢係床邊捉實我隻手。
「我好驚....好驚....唔好走...」我抽泣著講出呢番説話。
「唔走唔走，我陪住你。」
「你上黎陪我訓得唔得...」
「好好好。」佢係床既另一邊爬上床，上到黎就攬實我，摸住我個頭安撫我情緒。
「無事架喇。」佢係我耳邊輕聲咁講，我係佢懷抱中慢慢平復返情緒，逐漸步入夢鄉......
人在脆弱時意志力最薄弱，會不自覺表露出心底既説話。