一個中五女學生的故事: 8
【Figo視覺】
好耐無試過約女仔咁緊張。。。
「喂Figo，望咩望到入曬神。」死黨Shawn突然係我隔離出現。
「屌嚇死我。」
「做虧心事啊？望緊邊個姐。」
「Scarlett。」
「李千娜？」
「嗌人全名你同佢好熟？」
「唔係，之前一齊坐個陣有幾句咁囉。」
「佢份人點架？」
「斯斯文文咁囉，讀書幾好，樣ok，身材有啲肉、胸望落ok咁囉。」
「屌你净係識望人副計，我講性格啊。」
「都話斯斯文文咯，個陣都係同佢傾下閑計、功課，講下啲啊sir壞話咋嘛。啊！試過係街撞到佢，差啲唔認得。」
「點解？」
「佢出街個look同係學校個look完全兩個人黎，著到成個abc咁，個樣化完妝成熟左又再靚啲，我都想溝佢。」
「咁你唔去？」
「個陣我見到佢同條仔一齊嘛。」
「喂咪住先，睇黎我地康哥有興趣wor，有無興趣同佢條仔拗返場手瓜啊。」
「你都on尻既，搶人條女。」
「屌你又唔係未撚試過，扮乜尻。」
「睇下點先啦。」
「你不嬲好快搞掂一條女架wor，宜家玩咩？」
「唉你咪鬼理我。唔好搗亂係啦。」
返左屋企諗左諗，第二日我就決定約Scarlett食lunch。
佢僕左係枱，但我都係叫左佢。
「Scarlett！」
「啊Figo，咩事？」
「無，想約你食個lunch姐，賞面嘛？」
「可以既。」咁易約到？
「咁等間上完選修科係樓下大堂等啦。」
「嗯」
呼~ 點解我會鬆一口氣？
~Lunch hour~
「你咁快落到黎既？李sir唔係成日都遲放人既咩？」
「佢今日轉死性，上剩十分鐘俾我地做自己野，然後準時落堂。」
「食咩啊？」
「唔。。你想食咩？我陪你。」
「Scarlett」突然有把男人聲嗌Scarlett，個男人叫Vincent。
「諗住俾個surprise你陪你食飯啊嘛。。呢位係。。。？」surprise？唔通呢個就係Scarlett男朋友？
「佢係我同學Figo。」
「Scarlett一齊食飯啊。」
「但Figo約左我。。Figo你介唔介意。。一齊食？」
「我ok既」ok個鬼，本身諗住約Scarlett單獨食飯，宜家殺出個程咬金，去到薩莉亞又見到佢斟茶遞水咁款。
「佢係你男朋友？」
「er。。。朋友姐。」
「朋友好少咁主動架wor。」唔係男朋友，咁即係想追佢。
「真係朋友黎，唔洗諗咁多。」
「咁聽日我可唔可以再約你食lunch？」
「可以啊」
「單獨wor。」
「可以。」咁爽快？！
食完飯條仔就衝出去埋單，仲話唔洗俾返佢，好似我係中學生俾唔起錢請餐百幾蚊既飯咁。
「佢似係想追你wor，Scarlett。」作爲男仔我都知男仔點諗野，條仔仲約埋放學去街，無十成都有八九成。
既然第二日約左Scarlett食lunch，索性乘勝追擊，約埋佢放學去溫書。
第二日返學個陣又偶遇到佢，見到佢發呆個樣都幾得意，就走埋去同佢打招呼，然後話想一齊行返去學校。食lunch個陣我當然請佢啦，畢竟只係百零蚊，何況男仔請女仔都好應該，又係我主動約佢。見過佢笑真係覺得好吸引、瞬間覺得平易近人左。然而，食lunch前後都有聽到啲閑言閑語係講緊Scarlett，但令我對Scarlett產生更强烈興趣既原因，係聽到同校既人講佢係蒲妹又公厠。咁啱lunch之後調位又抽到同到佢坐，即係個天都俾機會我了解佢更多，約佢放學一齊溫書就啱曬。
暫時爲止，呢個女仔俾我既感覺同其他人唔同，雖然佢會係咁話我【男神wor】去調侃我，但佢同我傾計又唔似得其他人會將我捧上男神既神臺，反而當我只係普通同學咁相處，呢種關係令我感覺好自然、舒服，可以無壓力咁相處。
有關Scarlett既流言蜚語都只係局限於今日聽到個幾句，但佢既基本資料就無咩人講過，我想知道更加多。所以，我約左佢星期六出街。
但估唔到以前溝女經驗不少既我，竟然會重現前一晚緊張到難以入睡既情況，好比初戀既時候一樣，甚至係第二日好早醒左，執正自己，去琴日送佢返屋企既位置等佢，
等左差唔多一個鐘，我明白女仔係要花時間打扮，不過唔緊要，因爲終於等到佢！
佢著住件吊帶背心、黑色短褲、腰綁恤衫加對converse，真係同Shawn講既一樣係abc style，我離遠眼甘甘咁望住佢。雖然佢唔係好瘦有啲肉，但我覺得咁樣啱啱好，好好睇。
「Scarlett！」我大叫左佢一聲佢先知我係到，仲好似有啲驚訝添。到佢企係我面前之後，我望住佢個樣覺得佢好吸引、好靚，佢唔係咩女神外貌，但我覺得會係好耐看。
「Sorry啊，你wts我啊嘛，等我快手少少搞掂你咪唔洗等咁耐。」
「唔緊要啦，聽住音樂等你時間好快過姐，而且wts你好似催你咁樣唔係咁好既，陣間見唔到你悉心打扮既樣我咪走寶。」
「都係同平時差唔多姐。」
「唔係啊，你今日比平時更靚。」
「可能著返自己衫同埋放左頭髮無紮起姐。你今日都比起平時更有型啦。」
「你咁講我會怕醜架。」其他人咁講我都唔覺得點，但佢講既話我真係會怕醜，又見到佢笑，真係好charm。。。
我地行到地鐵站既時候，撞到我出面既fd，仲以爲我地係一pair，我怕尷尬所以急住澄清。雖然唔係啲咩大事，但Scarlett對呢啲情況好似無咩反應咁。
搭緊車既時候越黎越多人上車，我唔想其他人撞到佢，所以我地既身體距離越黎越近，而佢應該係開車企唔穩失重心仆左落我到。
「sorry啊。。」
「唔緊要，你無整親就得。」
我對手好自然咁攬住左佢，佢亦都攬住左我腰，呢一刻時間好似靜止左咁，曖昧、尷尬既氣氛圍繞住我地。Scarlett既身高令佢個頭離我有少少距離，但我都聞到佢洗頭水既香味，
我忍唔住再dup低頭去聞。好似好變態咁，但男仔其中一樣抵抗唔到既野就係女仔頭髮既香味。佢昂高頭望住我個陣，我真係覺得佢似係我女朋友多過同學。
人流開始慢慢散去，我先慢慢鬆手，但我好想一直攬住佢。。我對佢認識唔深，但唔知點解，我覺得個個人就係佢。
到落車個陣，我行錯方向，佢直接拉住我手臂行去另一邊，嗌左一句傻佬，個一刻我心跳加速。。。。我明明溝女無數。。。點解。。。同Scarlett一齊既時候，所有感覺都唔同曬。。。我竟然會係人流擠迫既時候拖起佢隻手唔係為左曖昧。。。
上到旺中，佢成個小朋友咁拉住我衝去買野食，仲叫我行快啲，好似眼裏面得野食既爲食貓咁，好可愛。
佢成日見親我都會話好多人望我，話我男神，而且我留意到佢比起平時返學多左野講，活潑好多，佢話因爲有得出街心情好。
「咁我以後多啲約你出黎啦。」
「好啊，等你約我。」
個傻妹手上既野都未食完就話要買第二樣，唔係拉住佢，怕且都衝走左。見佢買野買到一抽二袋咁，梗係幫佢拎。
睇一睇手機先醒起，今晚約左fd落老蘭，挂住同Scarlett行街都無左件事，但Fiona都會黎。。。都仲未知點拒絕佢。。。。
「係wor，今晚有朋友問我去唔去飲野，你。。。有無興趣一陪我去？」
「um。。。全部你啲朋友，我一個女仔係到好咩？」
「唔緊要架佢地，而且有男有女，我都會take care你架嘛。」
「好啦，見你好想去咁，陪你啦。」
腦海突然有一個問題出現：聽到既流言蜚語究竟係謠言，定係事實？