在校園發生的那些事: rm1210 - 4

我跟林佩君找了找馮Sir後，便一同在校園裡找回屬於自己的記憶。
「林文康，記唔記得依間班房？」
「緊係記得啦。我地中一咪就係依間班房。」

「咁依到呢？」
「依到咪我地放學之後鬥操卷嘅地方囉。」
「我仲Keep住條班房匙。」她拿出了我們中五班房的鎖匙，打開了房門。
我們便走進去班房裡。




真懷念。
每一張木桌，每一張木椅，都盛載了每個學生的歲月與回憶。

「你仲記唔記得，果時你陸運會幾咁搏命？」
「後尾幾年你就冇玩過陸運會喇。」
「哈哈，點會唔記得呀。果時真係好有衝勁，想做就做。」我說，
「家下好多野都要諗過度過，先有勇氣決定去做。呼。」
「或者，我同林文康你好唔同......有啲野我當初唔夠膽話做就做......」

「林文康。」




「做咩呀？」
「對唔住。」淚水從她雙眼流下。
「你樓下發生嘅事？冇野啦，都過左咁耐。」

「你一定要幸福。」她說。
「嗯。」

原來她早已搬離了杏花邨。
我們便一同走到地鐵站，乘車回家。
在地鐵站裡，她拿出一個酒紅色銀包，拍卡入閘。




等等。
為甚麼她還留住這個銀包？

我回到家中，找出那放在櫃底下的深藍色銀包。
即使搬了數次家，我仍留住這個銀包。
「我一早就明左依句點解喇，謝佩君。」
「To the world you may be one person, but to one person you may be the world.」
「但係咪一切都太遲？」
．．．．．．．．．．．．．．．．．．．．．

半年後。
「我地向依對新婚夫婦舉杯呀。」酒宴上的MC說著。
我拿起杯子，祝福眼前這一對新人。

謝佩君，謝謝妳出現在我的青春裡。






．．．．．．．．．．．．．．．．．．．．．
(小記: 我知道林阿p寫rm1210是寫給rm1210的，但歌詞裡的故事很觸動我，因此有感而寫下這小篇。)