女兒，希望你能彌補我的遺憾: 第十二節 - 畫上句號

假使當初可以為了你 忘了愛所有人
分開手去追尋 足可擁抱千萬人
即使天空海闊沒有愛 還有你這個人
即使不再光臨 一想起你
怎麼可以 對任何人熱吻

「唔好意思，我唔可以收呢份咁貴重嘅禮物。」站在素妍房間門外，我將門票歸還給她。

「真係唔使客氣，免費架！」她應該是聽不懂我真正的意思。





「我當日要番香港，因為比賽當日係佢生日。Sorry」我唯有坦白將真相說出。

「It‘s alright. Good night. 」説罷這句後，她立刻把門關上。

曼聯一定有機會再次打入歐聯決賽，但一生中只有一次十八歲生日。

人人初戀得一次 太回味那時
人人自然自私 要耗盡才終止
以後無論再找十個他
不相似 甚或要 懷念到再來一次





五月十九日，我踏上前往冰島的旅途。

夏日的冰島，怡人的氣侯，清新的空氣，緩慢的節奏，確實是令人忘憂的地方。

可是，我的腦海只有那十八份富冰島特色的生日禮物，無睱、無心、無法，細味眼前風光。所有景點，都只是走馬看花，浮光掠影，七天的環島遊匆匆就過了。

五月二十七日，我站在天后廟道上。

「生日快樂！我啱啱去左冰島，買左啲生日禮物送比你。」





「點解你要咁傻啊？我唔值得你對我咁好架…」話口未完，她開始啜泣。

「因為我真係好鍾意你！好想同你係番埋一齊！」我不再轉彎抹角，一於單刀直入。

「我地暫時真係無可能再係埋一齊架啦，timing 眞係好大問題。下年，我要考A Level，我唔可以花太多時間陪你。之後到我入大學果時，你就要開始做野，我地既timing 真係唔夾。」看到她眼泛淚光地說出這番話，我選擇相信她口中的每一個字。

「咁你都收左我d禮物啦，唔係我要帶番歐洲架啦。我地keep住做朋友先啦！不過可能過幾年我會再追番你架。」我只好以苦笑去掩蓋我的悲傷。

「好啦，你永遠都會係我既好朋友。夜啦，我上去先啦，你以後要自己小心啦。你下次係法國翻來再搵我啦。拜拜！」

「拜拜！」我忍不住擁著她，她沒有迴避，不過只是像好友般輕輕的抱著我。

狂風給我吹 戀愛永遠告吹
不要勉強再追 我只說 我送你歸去

如果這份愛 早已被判 是死罪
情願我 一個别去 沒你的伴隨

我背著背囊，獨自在街上流連，找一間酒吧，隔著熒光幕支持曼聯。等待明天到來，我就會飛回法國。

這一個晚上，我被阿恩直接地拒絕，曼聯被巴塞技術性擊倒。

回到宿舍後，我發覺門口有一張字條，是素妍留給我的。

「我家中有事，要提早回韓國，希望你已經成功追回你的女友，保重。」

時至今天，我都沒有再收到任何有關素妍的消息了。

餘下的交換期都不着痕跡的渡過了，在巴黎的生活就草草地畫上句號。