《EU超時任務》續作: 2016年4月1至3日(下)
2016年4月2日08：00
一覺醒來，多害怕再次失去對渠頭的記憶，現在有點頭痛。
下樓時，他們在吃早餐，渠頭在，但小美不在。
「渠頭，咁早啊。」我說。
「早啊，訓嘰笠，頭先睇完媽子，再同你屋企人打好關系啊，反正我真係得閒，你咁
既面色既？」渠頭說。
我坐在他身邊，他靠得很近注視。
「啊女作感冒啊，今日天氣唔好，我聽日上山摘野煲比你飲，同五青汁一樣好飲。」
爸說。
五青汁其實味道怪，不過爸一番心意就算了。
「你得唔得啊？唔該幾十歲唔好成日上山啦，叫個女食頭痛藥咪得囉。」媽說。
「你識咩，西藥幾有問題。」爸說。
「好啦，唔好嘈。」我說。
「咪啦，叫威爺睇緊你。」渠頭說。
今日威爺恢復工作，他是個好手足，說起來，因為他當初一句安慰，間接令我開始了
穿越時空，最後與渠頭一起。我希望他與威嫂有好結果。
「小美呢？」我問。
「佢一早就去探祥媽，好似好擔心。」光仔說。
總覺得這幾天，小美心事重重。以前多次穿越時空，令我看清很多事情，不同人的真
面目，不過小美就是如此簡單天真的人，沒有機心，所以我不怕她會有一日出賣我。
渠頭電話響起。
「咩事周生？個班嘔泥又嘈啊？真係煩。好啦，我而家去。」渠頭說。
「本來想同你行街，不過訓嘰笠你抖下啦。」渠頭說。
「你小心啊。」我說。
「知啦，海叔，燕姐慢慢食。」
渠頭離開，我吃過早餐與藥之後，只好回房睡多一會。
繼承記憶得到的可以是快樂的經歷，亦同時是過去痛苦的圍繞，夢裡一幕幕的畫面：
父親死去，光仔死去，以及最後與啊正同歸於盡......
「你做咩啊？！」酒醉發瘋的啊正說。
「既然我阻止唔到你，一於同你同歸於盡！」我說。
「訓嘰笠！」
渠頭在房間力竭聲嘶叫喊，我引爆石油氣.....
「Boom！」
我從惡夢中清醒，不能再讓這些事情發生。
手機收到短訊，是啊正第二個信息：
「風，大家一場相識，唔係一齊都可以係朋友見面，係唔係關鼎名阻住？我知你地一齊左。關鼎名......一直都係我地之間既問題。」
不知道啊正是否恢復記憶，他的說話中帶有非一般恨意，一直？問題不在渠頭身上，他還不知道自己錯失，但我忍住不回覆他，也是時候上班了。
小美回來了，心情沉重的坐在這裡。
「小美？祥媽有咩事？」我說。
「長期病暈左入院，可能捱唔過聽日，我知道佢唔掂既。我去左搵啊哥，睇下有冇可能通融見最後一面，不過都好難。」小美說。
「takecare，我諗賀展祥都唔想個妹咁難過，我番工先，有咩whatsapp我，光仔睇住小美。」我說。
「我會啦，byebye。」光仔說。
有一些事情就算穿越時空也阻止不了，這是大自然的規則。
出村時看見久違的筲箕，他恢復警察身份已經有一年。
「筲箕，好耐冇係錦發圍見到你，最近點啊？」我說。
「係啊，Madam，今日得閒搵喊爆佢地吹下水，打比渠頭哥又冇信號。最近你同渠頭哥好野啊，收收埋埋我地而家先知。」筲箕說。
「我問你，你又講番我地。」我說。
「我去左聯絡事務科到見習，國際刑警組個邊，follow單大case。聽完就算，冇咩人知，Madam你做番自己野好啦，其他危險野交比我，渠頭哥幾想你平安。」
不知道他所指的大案與icac劉世邦所說是否同樣？暴風雨來到之前總是平靜的。
「你小心啊。」我說。
「邊夠以前危險？做UC係最低層，自生自滅。MADAM，唔阻你番工啦，走先。」筲箕說。
「再見。」我說。
他離開，人人都心事重重，好像為了保護我而將所有責任放上身，但如果他們有事，我是會冒生命危險去救。
回到總區，已經見到威爺一個在茶水間，他先於我開口：
「Madam，村長叫我睇緊你，我盡人事啦，千其唔好有咩大頭佛。」威爺說。
「以前既威爺番左黎，一樣咁hea。」我笑說。
「咩以前而家，我就係我啦，我哩D唔係hea，係小心。Madam你都經歷過咁多野，應該好明白一世人最緊要平安，有屋企人等你番屋企。」威爺說。
「更何況超出自己能力以外既野，真係唔好諗同佢鬥勁。我都應付唔到，你去搞，結果會痛苦收場。」
威爺的道理我現在明白了，不能夠以工作為上就可以令人擔心。
「我知啦。」我說。
二哥，tim，Dee來到。
「威爺，交番部車比你啦。」二哥說。
「番黎就好啦。」Dee說。
tim一面擔心的按手機。
「tim，你個仔出世咁耐，我都未見過。」威爺說。
「啊.....啊仔琴日打完針有問題，檢查緊，遲D啦。」tim說。
「應該檢查清楚冇野既。」我說。
「希望啦，我又冇咁多時間睇佢，要老婆咁辛苦。上次李sir講完，我都有諗好唔好申
請調文職，起碼唔使有危險。」tim說。
「你諗清楚啦，安全定做eu緊要。」威爺說。
「我會諗清楚。」tim說。
大家準備好就上車出發。
2016年4月2日12：00
一路上，威爺還是沉默地開車，今日有他在，我份外感到安心。
「啊Madam，做咩望住我呢？」威爺說。
他停下車到一旁休息。
「Madam一定係琴日聽到大SIR講威爺既威水史，對威爺改觀，以前三句唔埋就同威爺嘈，黑面，今日兩個好似和好左。」二哥說。
「大家一TEAM人，要正常合作，以前Madam係好煩好嘈好衝動，癡線到大家用槍指住。不過今日唔係咁，大家都經幾事，長一智。」威爺說。
「又係啊，Madam以前真係好格硬......威爺Madam你地有用槍指住對方咩？幾時？」DEE說。
「佢意思嘈起上黎，有可能係咁姐。」我說。
雖然其他人不知道發生甚麼事，但還是注意說話好。
這時響起電台通知：「Eu181，收到消息，有不明貨車係圍村就近地方出現，懷疑同琴日事件有關，請去調查。」
「番工第一日又有野。」威爺說。
「Madam，琴日個部空貨車冇料到，今次又係唔係個局啊？」tim說。
「都要去睇睇，威爺，開車。」我說。
「係既。」威爺說。
到了圍村以外地方，一輛貨車看見我們，就停在這裡，我與tiM下車檢查。
如此情景非常熟悉，當天與四個犯人展開槍戰，馬鈴薯和手榴彈讓我非常深刻。
車上面有兩個人，一個是司機，他身旁還有個男人是本地人，tim檢查他們證件。
「車入面係咩黎？」我問。
「醫療用品，運去醫院既。」男人說。
如果是醫療用品，為何貨車沒有用品公司的LOGO。
「出示文件，落車去後面比我檢查下。」我說。
「MADAM，話check就check，有咩閃失咁點啊？你比唔比得起？」男人說。
全程司機沒有說話，眼神閃避我們，這個男人態度又不合作，十成貨車入面有不見得
光的事物。但上次與四悍匪的經驗所得，硬要檢查的話，說不定馬上引起混亂。
又不可以明知奇怪都要放走。
我們只好回車問威爺意見。
「Madam，點？」威爺說。
「車係有問題，但係你明啦......」我說。
「我明，不過我責任係睇住部EU車，check定唔check都係你決定，小心咁做定格硬咁做。」威
爺說。
「咁你地著定裝先，standby，以免一間有事，TIM換野。」我說。
我們換上保護裝再走過去時......
天下起冰雹來，還在閃電，這是影響時空的異象。
「madam，係咁落雹......」tim說。
落雹影響視線，話未說完，貨車急於向後退！果然是有問題，想借天氣而逃之夭夭？
「想走？tim，上車！」我說。
我們跑回EU車裡，威爺說了句：
「天有不測之風雲啊，madam，真係追？不如收隊，通知O記啦。」
「威爺，你又知我想咁講既？」二哥說。
天有不測之風雲這句本來是二哥的話，威爺當然知。
「大家小心就冇問題，追啦。」我說。
男人探頭出來向我們開槍！司機卻膽怯急停下了，他推司機下車換成自己駕駛。
車一轉方向，貨車落半門，看不清裡面收藏甚麼，三個人手拿槍械出來，不只是一般武器，向我們開火。
「呯！呯！呯！呯！呯！呯！呯！呯！」
威爺停車閃躲，眼角看看我，說了句：
「Madam，又黎啊？」
我們發現到一樣事情，一年前解決了，未發生過的，好像是會以另一個方式，不同時間，重新出現，亦即是說我們從沒有離開過命運？
時空太過大，我們不能掌握。
「Madam，車正面玻璃唔擋得好耐。」Tim說。
我二話不說下車，Tim，二哥，dee從旁cover，大家上前還火，威爺半個身子伏下，說道：
「早知又黎單咁既野，我唔番工啦。」
對方起初火力強勁，但也許不想和我們浪費太多時間，改為全力離開，我們再上車追，追到一半時候，對方一個動作......
是手榴彈！
「boom！」
威爺急停車，如果再上前幾步就一定炸中，貨車成功逃走。
「死差婆！再有下次收屍啦！」
「呼......癡線。」威爺說。
「calling電台，頭先調查既貨車有重火力，逃走緊，請各單位注意。」我說。
「大家有冇事？」我問。
「冇事。」Tim說。
「個班咩人黎？」dee問。
「毒販大坤手下 羅波，Madam你記唔記得？」威爺說。
之前賀展祥與四悍匪交易失敗，大坤找羅波裝作新買家，目的搶毒品。
所以歷史注定，我們不是和四悍匪起衝突，就換來大坤的人，但他們的目的是？
「Madam？你做咩係到諗野啊？收隊未？」威爺說。
「收隊，咁大件事要report李SIR。」我說。
2016年4月2日13：30
回總區期間，小美發whatsapp給我。
「警方比啊哥去見，一間會帶佢到醫院。」
又會這樣？正常申請都要時間，沒有可能即日批準。雖然說通融，但看起來似是一場交易，天知道還有多少黑警，而賀展祥還有後著。
「Madam，邊個？」威爺問。
「威爺你幾時變得咁八？」我說。
「你估我想問？啊村長叫我睇緊你，你知啦，你一個人可以引起幾多單頭先既野。」威爺說。
「好啦好啦，小美話警方批左賀展祥一間去見啊媽最後一面。」我說。
「哦......都好既，唔見冇得見，唔似其他人可以不斷見，千其唔好有事，想見親人姐。」
永遠都不知威爺裝冷靜還是無感覺，就算對話都摸不清，好像有暗示但其實沒有。
「賀展祥咁多仇家。」二哥說。
「有手足係到唔會有事既。」TIM說。
回到總區，李SIR很自然的又罵人，無論如何做也是錯的。
我都沒有好氣解釋，只能點頭和應，一出房間，前總警司蔡興國來到找威爺。
「陳勁威。」蔡SIR說。
威爺還是一副不在意的模樣，說道：
「我聽同事講，啊蔡SIR你搵我。」
「好耐以前你救左我老婆，人才，一直冇機會答謝你，賞面今晚食餐飯，大家傾下。」蔡SIR說。
「多謝啦，我老婆身體唔好，要同佢食飯，煮糖水比佢，所以唔同得你食。」威爺說。
「老婆係重要既，唔緊要，哩張我卡片，你有需要就打電話搵我，走先啦。」蔡SIR說。
他接過卡片，蔡SIR就離開。
「威爺真係我行我素，前大SIR都唔比面，幾多人想同佢食飯。」二哥說。
「你要啊？我比你。」威爺說。
這時他電話響起，於是接聽。
「老婆，點啊，今日煲新劇啊，ICU超時任務，暈就唔好睇咁耐啊，今晚緊係煲紅豆沙，我煲哩樣最好......」
見到威爺這樣幸福的家庭，未來我與渠頭都有這一天。
2016年4月2日18：00
小美whatsapp：
「祥媽走左啦，佢地而家帶啊哥番去。」
「takecare，今晚收工再傾。」我說。
手機信號又開始出現問題了，不知道信息她有沒收到。
「MADAM，賀展祥個邊點？」Tim說。
「祥媽過左身，手足帶賀展祥佢番去。」我說。
「就收工千其唔好有事發生。」威爺說。
「威爺通常咁講完，冇一次係冇事發生。」二哥笑說。
威爺冷笑，不過直覺也告訴我，自4月1號開始不能平安生活。
巡邏半小時後，電台斷斷續續通知：
「沙沙沙.....各單....沙沙沙...位注意..」
「威爺，整整佢好。」二哥說。
「冇得整啊，係個天干擾我地。」威爺說。
「181收唔收到？.....賀展祥係醫院停車場殺....沙沙沙..左幾個手足逃走，181,182巡邏時睇下有冇可疑車輛。」
「收到！」我說。
賀展祥居然會這樣做？！而且一個人如何解決幾個有槍的人？難道事先安排有人幫手？但以他性格，都不希望做逃犯令小美擔心吧，還是他一直等待機會逃亡？
難道又與黑警有關？實在太多疑點。
「沙沙沙..」
「嘩！殺警好大件事！」二哥說。
「但賀展祥唔似會咁做野。」tim說。
「會唔會OT？」DEE說。
威爺沒有任何表情，繼續注視四周環境，只是一句：
「哩啲留番比其他人跟啦，唔知咩事最好唔好理。好啦，巡埋哩到就收工。」
2016年4月2日20：30
下班時收到水晶梨來電。
「風，小美好唔開心，我地而家係酒吧，你過黎啦，大家姐妹好耐冇傾過。」水晶梨說。
「OK，睇住佢，我而家收工啦。」我說。
「好。」水晶梨說。
還想叫渠頭不用開車接我，他已經來到我面前。
「訓嘰笠，今日真係好大件事。」渠頭說。
「車我去酒吧啦，小美同水晶梨係到。」我說。
開車後，我們繼續討論關於賀展祥的事情。
「賀展祥一個人點逃走啊？實有幫手，冇左喪Q碩士仲有邊個？」渠頭說。
「我今日係圍村見到神秘貨車，同毒販大坤手下羅波班人開火，會唔會關事啦？」我說。
「以前就啊辣哥佢地四個嘔泥，而家就羅波班嘔泥出場，咁亂既。」渠頭說。
「唔知啊，我只係覺得我地會唔會又出事。」
「揚過你啊訓嘰笠！有我係到唔會比你有事。到啦。」渠頭說。
「我入去得啦，你番去先。」我說。
「你地三姐妹，我係到都冇野講啦，一間番黎車你同小美。」渠頭說。
「Bye。」我說。
渠頭離開，我一進酒吧，只見小美喝了很多酒，。
「水晶梨，又話睇住小美，比佢飲咁多。」我說。
「冇辦法啊。」水晶梨說。
「風，啊哥......殺警啊？你話有冇理由！佢同我講等佢坐完出黎，同埋我，祥媽去旅行，唔再掂犯法野。我知道既野唔應該咁，點解會變成咁？」
我搶去小美的酒一飲而下，她們看著我。
「咳.......直覺話我知賀展祥哩單案冇咁簡單，所以我唔評論，小美你作為佢親人，繼續信係冇錯。」
我能體會她的感覺，上次父親被懷疑殺害周炳仁，家人的支持是很重要。 「水晶梨，唔飲酒既？」我說。
「唔啦，又冇叫老公接我。」水晶梨說。
「做左人老婆變左WO，以前做記者咩都跟好搏。」我說。
「我而家都好搏，哈哈，好啦，我飲啦。」水晶梨說。
還是沒有知道她現在做甚麼，丈夫是誰。
安慰小美期間，身旁有一中東裔的西裝人士行過，他離開酒吧。這個人讓我想起兩天，第一次追趕貨車，電台通知下白泥村有事發生，
是渠頭與南亞工人的金錢問題，今早也是，可能只是一般事情，是我多心？西裝人士......又讓我想起第一天探威嫂時，在醫院看見的兩個人。
「你諗咩咁入神啊？」水晶梨問。
「啊......水晶梨睇住小美先，我行行出去抖氣。」
我離開她們，快步跟隨該中東人，記得第一次跟蹤啊辣，渠頭開車阻止我繼續，今次又會否重複？
中東人似是察覺有人跟著，停下來打電話，我不能聽清楚他的話，但明顯他是有可疑的。
之後他又繼續走，正當我想上前查問之時，一把熟悉的聲音，令我心情複雜的人叫喚我：
「風，你係到做咩？」
我轉身，眼前的是啊正？但他與我們一樣恢復記憶了嗎？
「我......冇野，你又會係到既？」我說。
「我黎接啊婷走，係啊，我地結左婚冇通知你地。」
原來水晶梨是與啊正結婚，也好的，大家最後都找到屬於自己既人。
「啊正你......」
「我知你想講咩，我記得哂所有野......」
他輕描淡寫地說出，樣子似是平靜，當日我與他同歸於盡，難道就沒有半點憎恨感？
「你會唔會怪我？」我問。
「我一諗起啊爸比人殺死，你係我女朋友同個殺人兇手一齊，仲咁對我，我當時真係好痛，怪？要怪既都唔係怪你，邊個迫到我同你走上不歸路？所有野係個個渠頭問題......」
「係我啊！點啊？裙腳仔郭尚正！我冇殺到郭偉誠，不過都拉左佢，係咪想報仇，黎啦！」
是渠頭？他手拿一袋物品出現，我明明要他轉頭過來的。
「渠頭？你做咩係到啊？」我問。
「我打你電話唔通，打比水晶梨，佢話你神神秘秘行左出去，我買埋解酒野比小美即刻過黎，好啦，整定一過黎就見到個打把仔！風，今次我係到擋住。」
渠頭擋在我面前，啊正叫喊：
「渠頭！無論幾多次，你係都唔放過我啊爸，佢係監獄中風，冇得安享晚年，既然大家恢復記憶，注定繼續之前既野，唔會好過。但風.....我唔會傷害你。」
他這個模樣有如當天酒醉的兇惡，但我不會畏懼他的。
「正，唔好啊，算啦好唔好啊？你而家都有水晶梨過幸福生活，所有過去既都應該過去。如果係都要咁，我話過同渠頭一齊面對！」我說。
啊正與渠頭互相怒視，這時水晶梨扶著酒醉的小美出來，看見啊正，說道：
「老公？你係到既？」
「我......怕你醉咪黎接你，就見到啊風一個。」啊正說。
「風，你扶住小美佢先。」水晶梨說。
我上前照料她，小美在喃喃低語，我也聽不清楚她說甚麼。
「郭尚正......」小美說。
小美鬆開我，腳步浮浮走到阿正面前，差點倒下，說道：
「郭尚正......啊風同渠頭...係.....一齊......你唔好再搞佢地...你老豆黑警！害到我啊哥咁.......」
她再說話就會火上加油，我馬上要帶她離開。
「渠頭，我地同小美走啦，水晶梨，阿正......小美冇心，唔好再記住唔開心既野，重新開始啦。」
阿正一直看著渠頭，說道：
「我唔會同小美計較，我知佢唔開心，不過有啲人有啲野我點都會記住.......啊婷，你番去先，我一個人行下。」
「咁......你早啲番。」水晶梨說。
反而我擔心水晶梨，阿正恢復記憶，可能到頭來影響他們關系。
他們離開，渠頭還叫喊：
「我未驚過你個裙腳仔啊，有種就黎。」
「渠頭！唔好嘈啦，行啦，幫我一齊扶小美。」我說。
上車之後，我多次想說話但吞回去，渠頭主動開口：
「訓嘰笠，唔講野係咪怪我？sorry，見到個郭尚正就好燥，諗起爆炸。」
「冇怪你......只係我唔知點面對，以後會發生好多野，唔好同阿正鬥啊，為左伯母。」我說。
「唔通佢而家真係夠膽咁做咩，冇左郭偉誠佢做得出咩？。」
渠頭還是以為解決過阿正父親，面對所有事情就天下無敵。
「上次咪出事囉。點知啊正哩年做緊咩姐，可能為左保住老豆，有同黑警繼續保持聯絡呢？所以你答應我，下次見到佢唔好再刺激佢，我真係唔想再見到身邊人有事。」我說。
「好啦好啦，訓嘰笠，我都怕再一次冇左你.......不過咁，我可以唔理佢，但郭尚正對我有仇，好難阻佢癲。」渠頭說。
「希望佢可以為水晶梨而放低所有野，開始新一頁。」我說。
小美低語著：
「.....渠頭.....風....新一頁。」
2016年4月2日22：20
渠頭送我們入家裡，父親與光仔還未睡。
「我睇新聞話.......唔怪得小美醉成咁。」父親說。
「係啊，爸，唔講住啦，我帶小美上去先。」我說。
「光仔，哩到有解酒茶，識做啦。」渠頭說。
光仔從他手中接過東西，入廚房，父親說道：
「你識唔識煮啊？等我幫手。」
「渠頭你早D休息啦。」我說。
「你都係啊，訓嘰笠，早抖啦，有咩記得call我。」
渠頭離開，我扶小美上房，幫她更換衣衫，忙一番以後，解酒茶煮好，光仔拿到來。
「麻煩你地.......」小美輕說。
她喝過之後，光仔看著她睡著了才離開，我還想問光仔一些問題，所以未去休息。
「有野想問下你。」我說。
「咩啊？」光仔說。
「你唔同小美坦白？」我說。
「我覺得對一個人好，唔一定要公開。世界上好多唔同既人做好事，都係冇比人知，佢地冇係新聞，冇係我地記憶存在過。咁係咪代表咩都冇做？佢地一樣默默守護人。」
沒錯，渠頭正是默默守護人的例子，在我沒有記憶期間解決所有事情，讓我平安過活。
「其實我想問其他野，穿越時空發生左既事，改變過，係唔係始終會再出現番？如果一個人因為穿越時空失憶，點解會恢復記憶？又會唔會消失番？」
我為甚麼問這些，是因為經過今天，內心更加對未來不安，對命運所畏懼。
「咁夜無啦啦問哩啲野？你係咪最近睇左新劇ICU超時任務唔明啊？我眼訓就簡單講少少啦，你覺得穿越時空之後好多野好似冇改變。我聽過個講法係Time is circle，又或者永劫回歸，宇宙會不斷以相同既形式循環，有一個學派講宇宙中所有野，係過去以同樣既形式出現無數次。」
他又說簡單？我只聽得明循環二字。
「簡單D啦，我冇你咁多知識，聽唔明。」我說
「家姐睇你都係聽唔明，簡單講姐係好多野都係個循環，記憶都係一樣。你有冇覺我地日日做既野，成個人生都好似重複？」
就是說沒有可能真正解決事情？
「咁點先可以解決？」我說。
「如果要再冇循環，唔只係冇穿越時空咁簡單，要將蝴蝶效應消除，有蝴蝶就有效應，引起所有野既本身，姐係最後答案係來自個個人。唉，唔講啦，再傾落去你都唔明，我訓啦，你都訓啦。」
「唔阻你休息啦。」我說。
我回到房間，在床上回想今天事情。
1：渠頭又去同工人解決問題。
2：小美同祥媽入院。
3：知道筲箕入國際刑警組個邊。
4：威爺番工，tim個仔打完針有問題做檢查。
5：圍村發現大貨車，同羅波開火。
6：前總警司蔡興國搵威爺。
7：賀展祥見啊媽最後一面之後，懷疑殺警逃走。
8：同水晶梨，小美飲酒，發現可疑人。
9：見到恢復記憶既阿正，同渠頭嘈。
10：請教光仔穿越時空的事。
2016年4月3日00：00
2016年4月3日08：30
下樓時只有看見小美與父親。
「媽同光仔呢？」我說。
「出去買野，今日天氣唔錯，我晏啲就上山採野行下。」父親說。
他是個固執的人，有其父必有其女。只希望他只是上山，不再像上次亂走到大鼎物流倉發生意外。
「咁你採完野就唔好四周圍去，仲有唔好自己一個啦搵埋光仔。」我說。
「得啦，你放工有得飲。」父親說。
小美在輕按頭部，酒醉後還有頭痛。
「小美，訓多陣啦。」我說。
「啊哥既律師打電話比我，話一早交低祥媽既遺物，仲有他比祥媽既錢，要我處理。」小美說。
賀展祥對小美算是愛護有加，只要改過，沒有人是十惡不赦的，如果不是他殺警的話，我會找出真相還他清白。
「我叫渠頭同你去。」我說。
Whatsapp：
「渠頭，有冇時間同小美去祥媽處理既遺物？」
「得！我一間處理埋周生啲野即過，你放心番工。啊，係啊，媽子話好耐冇見你。」
「好啊。」
我吃過早餐後，就去找她，居然在村內看見白頭男人，他是蔡興國前總警司。
「大SIR，黎搵人啊？」我問。
「凌晨風......係啊，我有個舊相識，知道佢搬左入錦發圍，諗住搵佢，唔熟路，你會幫到我。佢個仔名仔係哩到村長。」蔡興國說。
原來他認識渠頭媽，還真是巧合。
「我要去佢到，一齊啦。」我說。
「呵，出路遇貴人，唔該。」蔡興國說。
一路上，他很少說話，只是問我：
「我聽講MADAM同名仔一齊，世事估唔到，我識笑薇，你又識佢地，咁都可以有關系。」蔡興國說。
所以蔡SIR與我，渠頭，啊正，啊正父親，威爺都算是有關聯吧。
「你同渠頭媽好熟？」我說。
「名仔有個咁既名叫渠頭，哈哈。佢細個個時見過啦，之後我去左外國，十幾年冇見啦。」
我沒有再問下去，到了她的家，她看見蔡興國也感到意外。
「笑薇？你......」蔡興國錯愕說。
「冇左腳係唔方便啦啊......入黎先講，風，煲左野比你飲。」
「收到，我飲哂先走......」
不久收到威爺Whatsapp：
「芷澄暈左入院，我要請假，唔批就唔做。今日4月3，果然係咁，個天又出手。」
難道威嫂注定有事？我也奇怪為何她有末期癌症都可以活多一年，最後還恢復正常水平？
「發生咩事？」蔡興國問。
「威爺老婆又入左院。」我說。
蔡興國搖頭說道：
「唉，人好化學，生老病痛好唏噓。」
「我就番工走先啦，大SIR咁你同伯母傾下計。」我說。
「好。」他說。
「得閒再過黎。」渠頭媽說。
我離開，趕去醫院找威爺。
2016年4月3日09：45
「威爺。」我說。
威爺坐在這裡直視我，好像冷靜，但又像腦中空白一片的模樣。
「Madam，醫生話檢查啊澄個腦，之前就影響記憶神經，而家就有腦死亡風險，點解
會咁？冇cancer就到個腦出事？街市買菜等價交換啊？」
「我覺得威嫂之前失蹤成年好有問題。」我說。
「你咁講，係咪想我唔請假同你搵真相，又番4月1？」威爺說。
「我冇咁既意思，冇人有事就唔需要番去。」我說。
威爺不妥協地說道：
「既然大家都知道遊戲規則，咁我繼續留係到睇老婆，假就一定要請，係咁先，有咩事你會自動見我出現。」
我需要威爺幫我，但沒有辦法說服他。
「威爺，我以madam身份話你知，假唔可以話批就批，要李SIR決定。以朋友身份希望一間見到你番工。」
他沒有理會我，在按動手機。
我離開，上的士的時候收到個短訊。
「大鼎物流倉會有事發生！今日開始引起未來好多蝴蝶效應，小心，希望今次唔使再穿越時空解決。」
這個神秘人到底是誰？知道我電話？只有我，渠頭，威爺，啊正才知道穿越時空一事，發短訊是威爺嗎？他明明關心但裝作沒事，但如果不是他，難道是啊正？
這次又再重現大鼎物流倉的事情，我想起光仔所說的話，還是打電話看看爸在哪裡好。
「爸，係屋企啊？」我說。
「係啊，你啊媽話要睇大戲，我同完佢去先上山。」他說。
「好啦，睇得開心D，BYEBYE。」我說。
他不到大鼎物流倉，就不會有事的，起碼將風險降低。
收到神秘人短訊一事，還是通知渠頭好。
「渠頭，我收到神秘人短訊，話大鼎物流倉會有事發生！仲知穿越時空既野，唔知係邊個，我覺得係威爺，但威嫂又入醫院，佢唔番工唔理野。」
「下？又大鼎啊？咁奇怪？會唔會係郭尚正玩野啊？小美有野搵番左大屋，我地就出去啦，你番去報告比你啊頂聽睇下點。今日4月3樣樣都小心，唔係又要穿越人都癡。」渠頭說。
「你地都係，今晚見。」我說。
天氣還是預期一樣，雷聲不斷。
我回到總區，李SIR說半小時後與大家開會。
「夠鐘啦，威爺仲未出現，唔係威嫂又有事啊？MADAM。」tim說。
我本想等威爺回來，但還是照直向李SIR說。
「SIR，威爺佢今日......」
「我今日差D遲到。」
是威爺......他剛才明明在醫院表示不會上班，為甚麼改變想法？
「威爺你又話死都唔番？」我說。
「我冇話死都唔番，我話有咩事你會自動見我出現。」
「開會。」李SIR說。
今日的例會沒有特別事務，我將短訊中的事通知李SIR：
「SIR，收到線人可靠消息，大鼎物流倉會有野發生。」我說。
威爺看看我，他的表情告訴我，發短訊的人九成九是他。
「我唔知你邊到收線報，但今日照正常巡邏。」李SIR說。
「但係李SIR......」
「我講多次，唔好自把自為！散會！」
李SIR離開。
「MADAM又邊到收線報啊？咁多線報，我地好唔得閒。」
二哥永遠都喜歡單單打打，不要緊。
「大家上車啦。」我說。
4月3日12：00
開車之後，我一直在想大鼎物流倉，但看看威爺卻沒有任何反應。
「威爺，既然巡邏冇咩野，去大鼎物流倉睇睇。」我說。
「你冇聽李SIR講咩？」威爺說。
「madam又亂黎啦，聽講大公司買左大鼎物流倉，亂入私人地方比人port。」二哥說。
「而家我話去就去，有咩我負責。」我說。
「哦，你話負責就得啦。」威爺說。
很快到了大鼎物流倉，暫時沒有異樣，我們換上保護裝出去，威爺留在車裡。
「madam，有咩唔對路就好閃啦，我幫唔得你幾多。」
「你會幫就得。DEE，二哥，睇下四周有冇可疑人，tim跟我去倉睇睇，大家小心，非必要唔好開火。」我說。
我在倉外地上看到血跡與彈殼，似乎剛才進行過槍戰，現在卻靜得很，難道來遲一步了？
「大家注意四周圍，威爺，有可能要叫182幫手。」我說。
「唔係啊？仲拉埋其他TEAM落水？我地已經成日唔跟order做野。」二哥說。
我們入倉內，只見一片混亂，有幾具南亞人屍體在這裡，添上前查看。
「仲暖既，死左無耐。」添說。
如果照二哥所說這裡是大公司地方，有可能是搶劫物品。
「Madam，李SIR話我地去左大鼎物流倉，要我地收隊WO。」威爺在對講機說。
「二哥係咪你通知李SIR？」我說。
「我都係想大家安全姐。」二哥說。
「咁收定唔收？」威爺問。
「我發現哩到發生過槍戰，仲有死左幾個人，call人黎跟啦......收隊。」我說。
正當我們離開倉的時候，卻聽見有聲響，現場鏡面反射到有其他人在這裡。
我示意添在外面埋伏準備，而我走到另一方向打算引他們出來......
冷不防一個人出來襲擊我，是羅波！
「死差婆，又見面啦！」
另一邊出現槍聲。
「呯！呯！呯！呯！呯！」
對方已經發現添，兩邊在開火。
論打鬥，我難以應付，只有把握時間離開，開槍還擊。
「二哥，DEE！倉哩邊需要BACKUP！」
「收到！」他們說。
「MADAM，你個邊點？我哩邊有三個人。」添說。
「我要有人幫。」
我藏在一個位置，羅波繼續向這邊射擊。
「打還打，小心批野，一有機會馬上就帶走！」羅波向他的兄弟叫喊。
「呯！呯！呯！呯！呯！」
「又黎多個？」
我知道是威爺，他終於出手。
「Madam。」威爺說。
在他指示下我們合作還火，雖然威爺身手，槍法超班，但對方火力非一般人所能有的。
但在羅波出現空位，威爺射中他一邊手臂，他馬上一個動作.......我們伏下
今次是煙霧彈，現場煙霧瀰漫影響視野，他逃走了。
「咳，咳，威爺有冇事？」我說。
「咳，冇啊。」威爺說。
「其他人點？」我說。
「比佢地走左。」dee說。
「一間李SIR有排講啦。」二哥說。
雖然不知神秘人所說的事是甚麼，但看來我沒有阻止到。
回總區期間，我分別打電話給爸與小美，知道他們沒有大問題就放心。4月3日15：00
EU總區。
「凌晨風！又私自行動！」李SIR叫喊。
「我冇野講，但事實證明冇錯，係有事發生。」我說。
「我諗你要暫時停職，重新評估你帶領同處事能力。」李SIR說。
「SIR，唔使咁啊？」添說。
「MADAM有時係心急，不過比多次機會。」二哥說。
「MADAM好做得野。」DEE說。
「已經好多次，唔好幫口。」李SIR說。
「算啦，我冇做錯，反正我冇放過大假，學威爺抖下。」我說。
「都好既，想做就做，唔做就唔做。」威爺說。
我放下槍與證件離開，今天可以早回家了，或者想清楚EU適合我嗎？
4月3日16：30
回家不見小美，而光仔與父親剛採完東西回來，他的腳受傷了。
「都叫你唔好去啦，整親啦。」媽說。
「爸，快D坐低啦，使唔使去睇？」我說。
「唔使，D冇公德心既人，山上亂扔玻璃，我包個傷口就冇野。我去煲野先。」爸說。
「唔好煲啦，休息下啦，光仔扶啊爸入房。」我說。
他們離開，媽入廚房準備晚飯。
4月3日19：00
晚飯還未見小美回來，我打電話找不到她只好找渠頭。
「渠頭，小美仲係唔係同你一齊啊？」
「我咪同佢番左屋企囉。」渠頭說。
「唔係屋企WO。」我說。
「佢唔會去得邊，會唔會有事啊？再等下，一係我搵搵。」渠頭說。
「好，再講。」我說。
「咁唔好等小美啦，留野比佢。風，叫你啊爸出黎食飯。」媽說。
我入房，他背對著我在睡覺。
「爸，食飯啦。」我說。
他沒有回應，房間安靜得只聽見我的聲音，這種感覺有如在當天在大鼎物流倉一樣......
他合上眼臉如灰白，傷口在流暗紅色的血，我馬上探他的呼吸，停止了......不會吧？他死在家中？！
「爸！咩事啊？你起身啊！點解會死係到！冇理由！」
他們聽見我的叫喊跑上樓。
「女，咩事？」媽說。
我沒有說話，讓她看，光仔說道：
「媽......啊爸佢......」
她走到床前，輕搖他的身體。
「海？起身啦，唔好嚇我啊！起身啊！點解會咁？！」媽說。
「光仔，睇住啊媽。」我說。
我報警，手足很快來到，我們前往醫院，醫生要時間檢查死因。
Whatsapp。
「渠頭，啊爸係屋企過身.......」
「下！海叔發生咩事？！我搵唔到小美啊，你冷靜等我過黎。」渠頭說。
父親沒有到大鼎物流倉，不應該會出事，到底我在甚麼地方出錯了？
過了一小時，渠頭還未到，醫生告訴我們初步結果。
「死者年紀大，腳部傷口可能接觸工業化學既有毒用料，細菌感染發炎引起死亡，要再檢驗。」
要不是父親為我上山就不會受傷，全都是我的錯。
「madam，保重。」添說。
原來是威爺與添來到。
「有心啦。」我說。
「madam。」威爺說。
我與他走去另一邊說話：
「我知你心情唔好，又經歷一次死老豆。但唔好介意我咁講，海叔出事......我都講過佢點都會死，我經歷過成百次，佢唔死就到其他人死，你救得一兩次都係咁。
好似我老婆咁，遲早都有事，同個天冇得鬥。」威爺說。
「我已經好小心啦......始終都係咁，但我唔服。」我說。
「訓嘰笠！威爺？呼，唔好意思遲左......呼。」
看見渠頭上氣不接下氣的樣子，他又去了哪裡？
「你抖下再講啦。」我說。
「呼，筲箕......頭先筲箕搵我，話有人報料，見到同小美同賀展祥一齊，無幾耐就發現差人死屍，就快落ORDER通緝埋小美。」
難道剛才賀展祥找小美，給警察發現，於是殺人再帶走小美？
「訓嘰笠......而家小美失蹤，海叔又死左，係到都冇作用，我地要番去。」渠頭說。
「係，而家得哩個辦法，威爺......如果你唔想就算。」我說。
威爺看看手錶，回應我：
「仲有時間，我同你地去，我要知道老婆點解變成咁。」
「多謝你威爺。」我說。
「唔好多謝我，我想老婆正正常常。」威爺說。
4月3日23：45。
電塔就近地方。
居然見到啊正已經在這裡，他又有甚麼事要穿越？
「啊正？」我說。
「郭尚正，你黎做咩啊？」渠頭說。
「風，我知海叔死左你好難過，我黎係幫你，我自己都有野要解決，所以各有各穿越。」啊正說。
「你有咁好死？」渠頭說。
啊正叫喊：
「渠頭！你放心，我處理完我既野，實會搵你。威爺，我諗你都係掛住老婆好啦，我同佢地既野你唔會理。」
威爺沒有答話，看看天空，就快穿越，我想起神秘人，但環望四周並不見其他人出現。
「訓嘰笠你望咩？」渠頭說。
「Madam，唔好望啦，要現身既人始終會現身，又唔係得哩個位近電塔穿越，黎左都唔會咁容易比你見到。」
威爺知道有神秘人存在？也是的，我們在穿越過程中都不會知道誰人穿越，除了重傷的渠頭見過，以前我穿越也沒有看到威爺。
天空出現白光，分別照亮我們四人......好像不遠處還有一亮光......
2016年4月4日00：00