《EU超時任務》續作: Chapter 1：4月4日新開始
2015年4月4日0800
「死渠頭......」
「訓嘰笠，早晨啊。」
我從床上起來，聽了多次用她聲音作的響鐘才關上，看著我和她的「合照」，就這樣已經足夠。
今天是新的一天，應該想想以自己能力多做有意義的事。
還未下床，聽見外面傳來拍門聲，還有籮斗的聲音：
「渠頭哥，開門啊！」
「一早咁嘈，唔好再拍，黎啦。」我說。
一開門，只見籮斗與喊爆緊張的進來。
「我洗面，一間再講。」我說。
「唔係呢，渠頭哥......」籮斗說。
有時真的沒他們好氣，生人不生膽，筲箕能蟹得多，不過他任務完成當回警察是值得高興的。他們跟隨我這個村長一段時間，情同
手足，我總不能就這樣一走了之，不捨得錦發圍的人事，嘻嘻哈哈過一天，金融才俊已成過去，相信JOYCE都會重新開始。
「咩事啊？晨早咁既樣。」我說。
「姐....姐係咁....」籮斗結巴說。
「籮斗你抹汗先啦，喊爆你講。」我說。
「渠頭哥，而家賀生比人拉左，筲箕又走埋，咁我地之後點？」喊爆說。
「車！仲以為你地做咩，賀生比人拉左咪到我上位囉，我去搵周生傾傾，做硬三鄉鄉委會主席，大把世界，能唔能蟹先？不過睇野真係唔好咁細，仲有好多野可以做。」
喊爆同籮斗輕聲說：
「最近渠頭哥好似好唔同.....」
我躺在梳化上開電視看，有段新聞報道：
「前三鄉鄉委會主席賀展祥販毒案，Icac與警方經調查，今早將懷疑有關聯的總警司郭偉誠拘捕......」
今次打怪獸成功， 不知道郭偉誠的寶貝仔郭尚正感受如何？相信他現在才得知真相，沒有辦法再做壞事保護郭偉誠了，訓嘰笠的心情又會如何？
「嘩，原來MADAM個未來老爺係黑警，MADAM點面對？」喊爆說。
「點面對我唔知，我而家去飲茶，行未？一間仲要同啊媽跳舞。」我說。
「行！渠頭哥請。」籮斗說。
在茶居，看見了風一家，她著急地不斷打電話，相信是找郭尚正。
「早晨啊，海叔，一家飲茶咁樂融融，MADAM咩事咁既樣啊？」我說。
沒有人回應，風怒視我，說道：
「死渠頭，收聲。」
「MADAM，緊係擔心男朋友啦，容咩易冇得結婚，我地村長唔錯，做村長夫人有得諗.....」喊爆說。
海叔樣子反感，幾乎想打喊爆，還在風面前火上加油，我只好打個圓場。
「仲唔去搵位？」我說。
「死渠頭，我話過唔想再見到你。」她說。
「好啊，今日唔見，聽日都會再見。海叔，慢慢飲，光仔，快啲正經搵女朋友等海叔開心下。」我說。
光仔莫名其妙看著我，我們離開找位置坐下，看著她煩惱與低落，我如何幫助？
這時我的電話響起，是媽來電。
「媽子，飲緊茶，一間打包野比你，跳完舞食.....咩話？整親腳入左院？咁唔小心，我而家過黎。」我說。
「你兩個食多啲啊。」
我放下錢，馬上前往醫院。
沿路上想起愛惜家人的威爺，希望他與威嫂好好過活。
到了醫院，老媽怨道：
「又話有野食。」
「一聽見你有事就快過保特咁飛黎，唔好嬲，最多落去買野食比你。」我說。
去到canteen，見到外面有熟悉的綠色風衣身影坐在這裡，我上前看，果然是威爺，但他似乎心情不佳。
「威爺。」我說。
「啊......村長，咁都見到。 」威爺說。
「聽講你今日請假，威嫂呢？」我說。
「佢.......琴晚同你傾完，一番去開門就見到佢換燈跌落黎，入院而家仲未醒，我都叫等我番去換。」威爺說。
如果不是我阻到威爺，他一早回去，威嫂不會跌倒，我無意引起蝴蝶效應？難道威嫂命中注定出事？
「對唔住，本來你可以早番去，威嫂就唔會......」我說。
「唔關你事既，今日唔換燈，遲早都換，其實我都有哂心理準備，同佢過得一日得一日，我話過世界上冇野可以天長地久，遺憾先
係最刻骨銘心.....」威爺說。
他這個眼神語氣，好像最後一次穿越和我道別的時候，他說過？難道威爺也對以前的事有記憶？
「威爺，你記得同我講過哩句野？」我說。
他站起來，無奈說道：
「咩啊？你琴晚話我同你講過，所以你又同番我講，邊個講都好啦，我明白.......」
「遺憾唔會刻骨銘心，希望先係天長地久，希望在明天，威嫂冇野既。」我說。
「哩句你講定我講？唔講啦，我番去銷假，老婆唔想我唔番工。」威爺說。
「咁保重啦。」我說。
「有心啦，村長。」威爺說。
他離開，哎呀，老媽正在等待我。
「咁耐啊。」老媽說。
「要排隊啊。」我說。
看見她沒有大問題後，我離開醫院回家，想著訓嘰笠在做甚麼。
自從穿越時空之後，這方面引起我的興趣，現在對市場上上落落的數字不感在意。
在網上找尋有關穿越時空的有趣事，發現最近電視台有開拍劇。
「睇過先....暫名ICU超時任務，王浩信，朱千雪，男角色：關家明，佢有冇家姐啊？女角色：靈格風，學外語咩？邊夠我同訓嘰笠
穿越時空既愛情能蟹啊？」我笑了。
閒著沒事做，就打電話給筲箕，看看他工作如何。
「筲箕，點啊你，做番差人忙唔忙，郭偉誠比人拉左咁高興，今晚出黎飲杯。」我說。
「今日我地再去賀展祥屋企帶走啲野，我諗單野唔只郭偉誠一個幫手販毒咁簡單，仲查緊。好啊，飲杯囉，唔知之後仲有冇時間。」筲箕說。
「小心啲啊你，我冇得睇住你，喊爆同籮斗有提起你啊，得閒番黎四兄弟打牌。」我說。
「渠頭哥，我都冇搬，不過講開，你恢復身份仲係到做村長真係唔話得。」筲箕說。
「我唔做村長比你做啦。唔好講哩啲啦。」我說。
「郭偉誠出事，佢個仔唔知點呢，madam ling又點。」筲箕說。
「咁八既，你已經唔係uc啦。今朝見madam佢黑哂面囉。」我說。
「佢唔對你黑面至奇啊，唔講啦，今晚再傾。 」筲箕說。
「bye。」我說。
夜晚，我到了酒吧，今次不會再見悍匪出現，不久筲箕來到。
「筲箕，能蟹啦，立大功。」我說。
「都係渠頭哥幫我，先咁快解決單CASe，敬你，飲！」筲箕說。
「講哩啲，大家都能蟹，飲！」我說。
過了一會，聽見外面熟悉的聲音：「唔好理我！我尊敬既啊爸，我一直以佢為目標.....佢居然係黑警，同賀展祥有關！啊風點睇
我？」
是郭尚正，他不理會風的電話，跑來飲酒，還是男人嗎？
「我通知啊風。」水晶梨說。
原來還有水晶梨在這裡。
「唔好......我面對唔到，我地走，Crystal，走。」
水晶梨扶郭尚正離開，我就知道他們遲早出事，上次是因為他結婚引起水晶梨不快，最後變成當街接吻，再進一步......
今次是因為郭偉誠，不同的蝴蝶效應下，結果也是一樣。就算出於私心或正常，我也不會阻止他們，風遲早會知道的。
「水晶梨同MADAM條仔。」筲箕說。
「咪理人啦，要發生點都會發生。」我說。
我們回到村，看見風一個在漫步，她還是不開心。
「筲箕番去先，我飲完慢慢行下。」我說。
「幾時咁唔飲得？咁你早抖啦。」筲箕說。
筲箕離開，我想上前關心她，但我的身份是討厭的死渠頭，而此刻的郭尚正和另一個女人一起，真不應該。
「訓嘰笠，保重。」我輕聲說。
2015年4月5日0000
我與風每次穿越時空都會記錄應該解決的事，雖然現在過了4月3，但難保以後不會再可以穿越，要記錄這刻所有大小事，引起的蝴
蝶效應，萬一之後發生大件事的話，到時回去都知道如何解決。
1：4月3晚因阻到威爺回家，威嫂跌倒。
2：4月4早上老媽整親腳入院。
3：4月4早上拘捕郭偉誠
4：4月4晚與筲箕飲酒，水晶梨同郭尚正一齊。
想著就頭痛，出現睡意......
2015年4月5日0830
今日手機沒有響，原來無意較了震機，睡多了半小時，看手機，十幾個筲箕的未接電
話，發生甚麼事？
「筲箕，搵我咁急，咩事？」我說。
「小美屋企出左事。」筲箕說。
「又會咁既？我而家過黎。」我說。
本來以為拘捕了賀展祥與郭偉誠，就不會再發生事情，但看來又會是另一個開始，不
過我不會再讓風去冒險，她要平安生活。
到了小美家外，警察在調查，看見風正在陪伴小美，筲箕過來。
「渠頭哥咁唔知醒啊。」筲箕說。
「頭痛啊，平時飲都冇野。小美發生咩事？」我說。
「佢冇野，起身見成間屋亂哂，我諗係有人入屋搵好緊要既野。」筲箕說。
「你地應該帶走哂啲野啦，除非啲野唔係證物到，或者唔太重要，賀展祥仲有後著，
而班人心急想搵番。」我說。
「咁你要搵賀展祥傾傾啦，難保下次小美冇事，佢咁著緊個妹。」筲箕說。
「我探完媽子去探佢監，過去搵小美先。」我說。
一在風眼前出現，她自動變臉，說道：
「死渠頭，又跟黎，有咩居心？」風說。
「Madam，講道理好WO，啊小美係賀生個妹，我黎問候都唔得啊？」我說。
「就係因為你地啲人做埋咁多唔見得光既野，害到小美。」風說。
「諗清楚先講野，咁話賀生，小美係到啊。」我說。
小美帶點無奈，風說道：
「sorry。」
「唔緊要。」小美說。
這時，水晶梨同郭尚正一起來到，風上前。
「正，我搵左你成日.......你地？」
「我地係村口撞到，知道小美有事咪一齊黎。」水晶梨說。
「風，對唔住，我琴日需要一個人冷靜，要你擔心。」郭尚正說。
他們真是懂得講大話。「死渠頭，你做咩係咁望我地？」風說。
「Madam，知人口面不知心啊，小心。」我說。
「風，唔使理佢，我地去睇結婚用既野。」郭尚正說。
「世伯咁，會唔會唔係咁好.....」風說。
他一說到結婚，身邊的水晶梨很不是味兒，筲箕撞撞我，說道：
「渠頭哥，唔係話探伯有咩？仲唔行。」
「係......」我說。
郭尚正，風遲早知道你同水晶梨的事。
到了醫院探完老媽，離開時又看見威爺。
「威爺。」我說。
「村長。」威爺說。
「威嫂有冇咩特別？」我說。
「冇，都係未醒。唔講啦，我番屋企。」威爺說。
看見威爺的背影，我想他的世界裡面除了威嫂之外，還有沒有其他人？朋友也沒多個，我與風都算是他出生入死過的朋友吧。
本來想去找賀展祥，周生打電話來。
「村長，有冇時間傾收地單野？」周生說。
「啊，唔得閒住，唔好意思啊，下午再傾OK？」我說。
「好既，我等你，發展都唔係一日既事。」周生說。
「係。」我說。
現在我又要關注賀展祥的事情，到底你還有甚麼秘密？
在監獄外等了很久，才見到賀展祥，他看著我的表情有點殺意，笑裡藏刀，是我緊張嗎？
「賀生。」我說。
「我諗左好耐，到底邊個報串拉我同郭偉誠，渠頭，你覺得係邊個呢？如果要我諗，你最有本事，係唔係？」賀展祥說。
「咁我都唔需要再扮啦，賀生，我只係想講，今朝小美幾乎出事。」我說。
「咩事？小美點？」賀展祥緊張說道。
「小美冇事 ，你間屋就比人反轉.......」我說。
他低頭尋思，自言自語，再說： 「你幫我睇住小美。」
「賀生，咁唔係辦法，人地係要搵野，你一日唔交番出黎，小美都好危險。」我說。
「我唔交係黎保命，你知幾多？」賀展祥說。
「我咩都唔知。」我說。
賀展祥望望四周的獄警，再低聲說：「佢地帶走我部電腦，實消毀不利證據，不過我早就KEEP哂係usb到，利益記錄，有埋其它秘
密生意資料，佢地唔知，可以發展到好大層面，我唔會有事住。」
「你一早就唔好同我講咁多啦，今次到我麻煩啦。」我說。
「總之睇住小美同我啊媽。冇必要都唔好再搵我，為你著想，正常做番村長，代我同周炳仁 合作，你知點做唔會有事。」
他不再和我聊，回到監獄，既然他這樣說，我還是不要理會好了，不想沒有命見風。
2015年4月5日16：00
我約了周炳仁與亨叔見面。
「好在有你同亨叔，差D比賀展祥害死。」周炳仁說。
「放心啊，周生，我做得三鄉鄉委會主席，一定好過賀展祥，加快新界發展。」我說。
「後生仔有本事，要睇住我地D老野啊。」亨叔說。
「亨叔，唔好咁講，要向你地前輩學野！」我說。
「哈哈，大家齊齊搵錢！」亨叔說。
2015年4月6日08：00
「死渠頭......」手機響鐘。
「訓嘰笠，早晨啊。」
今天來到第三天了，又有甚麼等待我呢？希望大家平淡是福。 我外出找籮斗與喊爆，
卻一早不見了人，這時媽子打電話來。
「媽子，早晨啊，今日想食咩？」我說。
她在哭泣？話也說不清，發生甚麼事？
「媽，唔好喊住！咩事？咩冇腳啊？咩死啊？我過黎先講。」我說。
我馬上前往醫院，就近門口，聽見有人大叫，看清楚，原來是威爺，他行為瘋狂般向
路人叫喊：
「有冇見過我老婆啊！佢唔見左啊！有冇見過啊！我老婆係邊？點解我老婆唔見左！
佢明明未醒！點解唔見左......」
威嫂不見了？是誤會還是意外？照道理威爺是個局外人，沒有人會傷害他們，難道又
是我引起蝴蝶效應而不知？ 我只好上前阻止威爺發瘋。
「威爺！冷靜啊！係唔係佢醒番行開左啊？」我說。
「冷靜！點冷靜啊！我老婆唔見左啊！佢身體唔好！醒番行得去得邊啊？你知咩，你
有試過冇左重要既人咩？冷靜！你搵番佢我咪冷靜囉，村長！唔好阻住！」
我試過失去風，這種感覺是明白的，但失憶比失去更難捱。
「報警啦，等佢地搵。」我說。 威爺繼續叫喊，四周問人。
「你睇你而家似咩？失哂控咁！威嫂講過叫你唔好做魔鬼，要做番自己啊！你為左佢
變成咁，佢知道一定唔安樂！」我說。
他停下來看著我。
「你唔好再煩我......」
警察來到，向他與醫院人員了解事件，我也沒有辦法幫他，要生要死的老媽在等著。
病房外，醫生給我說明老媽的情況，原來她不只是一般腳痛，經檢查後發現有壞死，
如果不切除，不久會影響全身，怪不得她如此痛哭，為生命，我只能要她做手術。
「仔！切腳啊！我唔切！以後點跳舞啊......」
看見她這模樣，痛在我心，難得她生性不再賭博，我抽時間與她跳舞，現在發生這種打擊。
我擁抱她，說道：「媽，命仔緊要，一定做手術，聽我講，冇得跳舞咪做其他野，啊仔我做你單腳。」
「仔........」
經我多番說話，她才接受，我與醫生安排好，待老媽冷靜下來睡著之後，就離去，依
然看見威爺呆坐在這裡，手拿紙鶴，此刻，我和他也是擔心家人。
2015年4月5日20：00
回到村，看見小美和光仔一起。
「光仔，估唔到個日我叫你搵女朋友，你咁快睇中小美？WOO！」我笑說。
「唔好講笑啦，光仔好好人。」小美說。
「咩.....咩啊，家姐話小美暫時住係我地到，啊爸啊媽又唔係香港，要出黎食飯。」光仔說。
「咁MADAM呢，唔同你地一齊？」我說。
風應該與郭尚正去買結婚用品吧。 「家姐同啊正哥嘈交，叫我地買外賣。」光仔說。
我心暗喜，看來風可能發現郭尚正與水晶梨的關系。
「咁你地小心啦，冇咩都唔好出街。」我說。
「光仔，咁我地番去啦，你家姐等緊。」小美說。
「我同你地一齊番去啦，賀生話睇住你」我說。
「啊哥佢點？」小美說。
「佢關心你。其他既唔使問唔使知。」我說。
來到風的家外，她在小花園打理植物，似沒心機，沒有為意我們回來。
「家姐，外賣。」光仔說。
「你放埋一邊先，小美你都要抖下啦，今日咁多事發生。」風說。
今次她見到我沒有叫死渠頭，沒有理會我，坐在一邊看植物，見她這樣，我還是忍不著開口：「Madam，保重啊。」
她眼角看看我，說道：「你係唔係知道咩事？今朝講咩知人口面不知心。講！」
「你要我照直講啊，咁我講啦，琴晚同筲箕飲酒，見到水晶梨同郭尚正一齊，之後就唔知啦，講完。」
她沒有太大反應，相信已經知道得比我多。
「係WO，死渠頭你咁關心我有咩企圖？想我唔針對你？」她說。
「訓嘰笠，你終於覺得你係針對我啦？關心你，其實呢......你巧，我巧，警民關系巧，錦發圍巧，海叔巧，光仔巧，巧唔巧？」我說。
「好啊，都唔知你講咩，不過......而家你個樣冇咁黑人憎既。」
風苦笑，自她沒有記憶之後，第一次對我笑，這是個好開始，以前我也是這樣和她不打不相識，是歡喜冤家 。
「笑番就巧，Madam串我唔緊要，我冇對手好悶。」我說。
「見你睇住小美份上，以後你好好地，我諗我會改觀啲啲既。」她說。
「巧，咁Madam你小心.....早抖啦，訓嘰笠。」我說。
「你都早抖啦，死渠頭。」她說。
我笑著離開，今晚比昨晚好過得多。
2015年4月6日00：00
記錄：
5：4月5日早上，遲起身，筲箕通知小美家中出事。
6：4月5日早上 ，醫院探老媽，看見威爺。
7：4月5日中午，探賀展祥監，知道USB。
8：4月5日下午，同周炳仁與亨叔傾新界發展。
9：4月5日晚上，保護光仔小美回家，知道郭尚正與訓嘰笠嘈。
10：4月5日晚上，與訓嘰笠談心。
我打電話給筲箕，問他有沒有線索。
「威爺老婆係醫院失蹤，點睇？」我說。
「我頭先先知，其實唔只佢，接報其他醫院都有咁既情況。」筲箕說。
「居然係咁？會唔會係人口販賣啦，大陸東南亞好興。」我說。
「要調查，咁威爺點？」筲箕說。
「頭先係醫院嘈，而家先冷靜番，我都未冷靜完？」我說。
「咩事？」筲箕說。
「媽子 腳有壞死情況要切。」我說。
「啊......今日咁多野發生，保重渠頭哥，問候伯有，我有時間去探佢。」筲箕說。
「唔阻你啦，BYE。」我說。
我也想不到還發生這些事情，人生無常，未必是穿越時空可以解決的。
2015年4月6日11：00
剛回到村口，就見到籮斗與喊爆，他們好像做過辛苦工作的模樣。
「你兩個死野，一早唔見人，去左邊？成身汗咁，做咩啊？」我說。
「渠頭哥，我地好比心機做野啊，今朝幫人運野去大鼎物流。」籮斗說。
「係啊，渠頭哥，不如我地做埋運輸生意啦，配合埋新界發展，有得諗！」喊爆說。
他們有如此改變，是我意料之外，平時要我帶領先去做，現在自己懂得找機遇。
「係能蟹左WO，你兩個咁生性，我好安慰。」我說。
「渠頭哥，我地請番你飲茶。」籮斗說。
「不過下次先啦。」我說。
「咁.......」喊爆說。
當下我心情不佳，甚麼都不想做，要回家安靜。 回家的路上，風迎面而來。
「死渠頭。」
「訓嘰笠。」
「做咩咁既樣，唔似你。」她說。
我不能讓她看見這模樣，馬上裝活躍。
「咩咁既樣啊，一樣咁型，有冇鍾意我既感覺？」
我靠近她，她回應： 「冇。」
「係啊，我係醫院見到威爺，威嫂失蹤。」我說。
「威爺有打比我請假，唔知威嫂發生咩事。」她說。
「筲箕話其他醫院都有咁既情況，懷疑人口販賣。」我說。
「有可能，希望威嫂冇事啦，威爺好著緊佢.....係呢，個日聽到你話伯母入院，冇咩事？」她說。
「腳有壞死情況要做手術切左佢。」我說。
「啊.......個個屋企人都有事，小美，威爺，你，如果發生係我身上都唔知點算。」她說。
你已經歷過，為了拯救至親真的會迷失，不理一切，直至失去更加多。
「你......保重，唔講啦，啊正有野搵我傾。」她說。
難道郭尚正還以為可以與風繼續？我相信不可能的， 訓嘰笠與我才是最真心一對。你如何做也改變不到。
「再見，MADAM。」我說。
我們走在相反方向，但終有一天會回到大家身邊。
2015年4月6日15：00
小美過來找我。
「渠頭，可唔可以同我去一個地方？」小美說。
難道她想去探望賀展祥？但為免有事，我答應過賀生以後不去找他，小美都不可以去。
「去邊？」我說。
「探啊哥親生啊媽，哩樣係我可以做既野。」小美說。
他知道賀生不是親生哥哥？說起來賀展祥也想我代他探姚麗婷 。
「你知道？」我說。
「我一早就知道，行啦。」小美說。
不久來到老人院，姚麗婷 一看見我就說：「祥仔，黎搵啊媽傾計啊，食野啦，你記唔記得好鍾意食哩啲.....哩位係？啊仔，女朋友
啊？」
她當我是賀展祥，不要緊吧，好好就老人家意思。
「媽，係啊，你又知既，小美啊，佢話同我一齊探你。」我說。
「伯母你好啊...展祥，你不如帶佢出去行下，哩到好亂，我執下。」小美說。
「好既，你慢慢執。」 我與姚麗婷出花園走走，一邊聽她說賀展祥的小時候。
「祥仔，話要買大屋比我住，不過無所謂啦，啊媽知你辛苦，所以成日見唔到你......」姚麗婷說。
我以前只管金融數字與joyce，也是缺乏與媽子相處，她一個人悶才去賭博，現在她要做手術，才覺她真的年老，媽，對不起，我想
著想著自然的流淚。
「祥仔，做咩喊啊？啊媽冇怪你啊，唔好咁！我理解你。」姚麗婷說。
我抹抹眼睛，說道：「冇....冇野......我以後會多睇你。」
以前的我都不會這樣感性，關心別人，與風相處過才改變了我很多。
「祥仔，快D結婚啊，唔好怪老人家長氣。」姚麗婷說。
「得啦得啦，我同佢結婚一定請你。哩到風大，都係入番去啦，慢慢行。」我說。
如果有天和訓嘰笠結婚的話........我想想也笑出來。 小美在收拾，比之前還要亂。
「嘩，小美，你到底有冇執啊，平時掛住玩唔做開野啦。」我說。
「一齊幫手啦。」小美說。
我們留在這裡很長時間，到了晚上才回村。
2015年4月6日20：30
「多謝你抽時間。」小美說。
「咩說話，我答應賀生睇住你兩個，我地快番去啦,madam會擔心你，光仔會掛住你。」我說。
她輕拍我，說道： 「你又搵我同光仔講笑，正經啲啦，你唔搵番個女朋友。」
「我好高要求啊，唔係咁容易搵，而且我有心上人，一齊出生入死好多次，可歌可泣啊，講你都唔明。妹妹仔唔好知咁刺激既野，我答應賀生睇住你，一間你有咩事，賀生叫喪Q 哥越獄行家法啊。」我說。
「講到喪Q 會殺你咁刺激，邊個比你睇上啊？有咩來頭？我識唔識？係唔係村入面既人。講比我知。」小美說。
「咁八掛做咩？講比你知，你都係同光仔傾計，光仔知，訓嘰笠知，成個村知。你搵男朋友我咪講，等價交換。」我說。
「又講光仔，唔理你啦，我番去先。」
小美跑走，這時我收到Natalie 信息：「Joyce出事！速到酒店。」
Joyce不會又出賣自己吧，我趕到酒店，看見她與Ivan Lee先後離開。
「Joyce。」我說。
她看見我錯愕的樣子，說道：「你黎做咩？」
「我黎做咩？我咪比左錢你，叫你重新做人囉，做咩你又....同Ivan Lee....」 我氣急敗壞，她居然這樣說：
「錢......你都係比錢我就咁走左去，仲要得咁少算咩啊，nothing，我要上番位啊，你做你既村長，咪煩我。」 她不理會我，上了的士離開。
唉，為何事情始終都會發生，只是早晚問題，今日所有事情都很不如意，開始覺得自己無能為力，只有風安慰令我好過。
記錄：
10：4月6日早上，媽子腳有壞死情況要切。
11：4月6日早上，威嫂失蹤，懷疑人口販賣。
12：4月6日早上，籮斗與喊爆幫人運野去大鼎物流。
13：4月6日下午，與訓嘰笠談心。
14：4月6日下午，同小美去探祥媽。
15：4月6日晚上，Natalie 通知，Joyce同Ivan Lee.在酒店。