甲賀奇俠: 52.卷軸的真正秘密

一年前，宮城縣某大宅



「半藏大人，我覺得...」

「唔可以！三船！」

書房內，兩男正爭吵不斷






「但我地伊賀眾...已經有好多成員同意將伊賀眾殺手集團化，復興我地伊賀！」

較年輕的一方咬牙切齒叫道：「半藏大人，唔通你願意呢一世都響度咩！」

「我三船，一定要為伊賀眾拎返失去左既名譽同地位！！！」









「..總之，我唔同意！果樣野只會抽起戰爭！」

在三船眼前的白髮男也不甘退讓：「三船，唔准再講呢件事！」



「...半藏大人，你一定會後悔....！」







這一切，都被坐在鄰房，還年輕的紗理依聽到

「到底..三船佢口中講既殺手集團化..係咩黎....」




數日後，身穿制服的紗理依返到大宅，卻發現

「爸....爸爸！！！！！」


紗理依的父親，滿身鮮血，泊在地上





而僕人紅龍，同樣受傷昏迷



「紗理...依」

「爸爸！振作啲呀！爸爸！！」

紗理依不斷把打父親，但他似乎已經無力回天


「係...三船...！三船...將我...！」

「紗理依...咳！！記住！！三船好大機會...係...咳咳...去揾『果樣野』...」







「『果樣野』...？」


「唔可以...比三船...破壞呢個國家多年既和平！！！」







父親死去的一幕，對紗理依而言依然歷歷在目





就算沒有發動幻術之瞳，雙眼，已經紅透

「點解當日..要咁做...？」



「..好簡單姐，你爸爸，響對伊賀眾未來既立場上同我有唔同意見」

「你爸爸認為伊賀眾應該繼續歸隱，維持日本既和平」


「而我，就認為...」









「要復興伊賀，將我地伊賀眾改革成現代既殺手組織」




「我無辦法，如果繼續以你爸爸既方向，伊賀將會失去昔日既尊嚴」



「颯！！！！！」


紗理依已經無法忍耐三船的辯駁，直接揮刀過去


「噹！！」

三船直接以打刀與紗理依硬碰


而且克哉，就借紗理依的掩護，以縮地步法，閃到三船的身後

「嗯？想夾攻我？」


三船一記運勁，將紗理依打飛


「響力量上，你點都唔會夠我黎架，大小姐...」


「係咩...」

紗理依同時飛出另一手中的鐮勾


「！！」

鐮勾反映住紗理依的幻術之瞳，使三船暫時避其目光


「你以為...我係攻擊你咩？三船」

鐮勾飛向的位置，竟是三船身後的克哉



「咔！！！」

克哉拔出脇差，在砍向三船的同時將鐮勾打回去

三船同時間，面對克哉和鐮勾攻擊


「！！！」

鐮勾和克哉手中脇差的刀身都反映出紗理依的雙瞳

三船下意識避開目光，卻為克哉帶來機會



「刷！！！」

克哉再次砍中三船前臂




「哼，只係區區幻術...」

三船吃下一刀後沒有減速，反而更快來到克哉的身後反擊


「你既空隙太大啦」

位置上，三船在克哉之上，仍未收招的克哉完全冇辦法在這位置以脇差相搏



「無辦法啦...」

克哉竟按下按鈕，以爆炸粉護身！


這次克哉特意增加爆炸粉份量，足以使自己炸飛

「砰呀！！！！！」



「嗚！」

克哉這一擊猶如自殺，連自己也被爆風轟開數米，




而爆炸造成的熱力配上高空的強風，竟使美波腳上的白橡膠吹熔

「老...老師..我..我郁得返啦！」



「山內！小心呀！！！！」

鐵鍊斧從濃煙中飛出，直飛向美波



「噹！！！」

雖然紗理依及時以鐮鈎擋住，但衝力使自己彈開數步



濃煙慢慢散去，在三人面前等待著的，卻是個驚人的事實！



「咩...咩話...？！」

爆炸，根本對三船毫無作用





「呼...雖然你地既配合係唔錯，但對修練左氣功既我..」

三船扯起嘴角，撥掉肩上灰塵


「頭先既爆炸..只係好普通既熱風黎咋」





「氣...氣功？」


克哉腦內已經浮出不祥的預感

「氣係一種從丹田運行而成既能量，高階修練者既能以氣加強身體既反應同力量，又可以將氣『具現化』..」



「不過..氣功使用者會發生強大既氣，變相會令自己既隱蔽能力降低，所以一般忍者係唔會修練...」

紗理依握緊的鐮鈎，已經滴出手汗

「三船..你...到底...係何方神聖...」



「由我懂事起，我一直都好想令伊賀重新強大起黎，而唔係一直苟且偷生落去」

三船今次沒有作出攻擊，反而傾說起自己的內心世界


「但係，當時作為忍者既我地，根本無辦法同現代既武器相比，令我地無辦法轉型為傭兵」

「所以我瞞住你爸爸，半藏大人，將我地伊賀眾現代化，引入科技同機械，希望可以與時並進」

「不過，你爸爸一知道就反對我地呢個舉動...仲殺左眾內幾個忍者」



「所以..呢個就係你地背叛既理由！？」紗理依激動起來也減不下聲浪


「我無辦法唔咁做，我地伊賀眾接受唔到，自己退出戰爭既舞台」

「為戰爭而生，或者呢個就係我地忍者既宿命啦」




三船指住克哉的外套

「響伊賀眾既果段日子，我翻查幕府時代既經書，終於知道..」

「卷軸收藏既..就係人類突破界限既秘密！」






「果樣野就係『江戶怪物』既...骨灰！」





「『江戶怪物』既....」

「骨...灰...？」

對克哉三人而言，腦海中從未出現過「江戶怪物」四個字，大感驚愕



「十五代將軍德川慶喜時期，江戶出現左一個連環殺人犯，佢雖然有人型既外觀，但雙手生出鋼爪，皮膚異常堅韌，被稱為『江戶怪物』」


「幕府派出當時依然服待德川既伊賀眾，聯合新選組，包圍『江戶怪物』」

「新選組同伊賀眾一方犧牲左三十人、死傷數更近百人...最後都未能將佢生擒，只能將佢當場處決」



「可惜既係，當時既醫學同解剖學未足夠分析佢身體構造，最後只能將佢燒成骨灰，但係...！」


「只要我得到骨灰，以現今既科技，就有可能搵出當中既秘密！！！！」




「....嗯...」

而，旁邊的由紀，開始回復意識