甲賀奇俠: 47.清理門戶

躲在克哉後的美波也十分醒目，馬上舉起吹箭對準三太夫


「吱！」



可惜的是，美波動作太大

三太夫很快就察覺到並馬上收招退後








「嘿，原來當日甲賀奇俠個拍檔就係你！」


「三太夫大人...」

拎住一台重裝機關槍的團藏，跑到三太夫身邊







「哼，估唔到仲可以響度見到你喎，三太夫」

紗理依見狀，也馬上走出接待處，跟三太夫打過招呼



三太夫撥一撥雙眼前的白髮





「大小姐..我亦都估唔到你會同甲賀奇俠合作，你仲配做伊賀首領咩？」



面對三太夫的挑撥，紗理依也笑不出來

「或者我的確係無資格做伊賀首領既...」


「但係...你地背叛我爸爸既仇，我一定要報」








「颯！！」

紗理依決定不再浪費時間，直接以刀刃說話！

一個箭步，來到三太夫面前




「發發發！！！」

紗理依近距離放出三發苦無，射向三太夫







「噹！！！」

擁有機械忍籠手的三太夫直接用力一揮，將苦無打走



「仲有呀！」

三太夫當然也作出還擊，使出金蟬之術，飛出籠手


「只係普通既金蟬之術，我會避唔到咩？」

紗理依只輕輕伏下身子就躲過籠手，但..







「咔」

籠手越過後，竟向著紗理依的背後放出吹箭！



「咩話？！」

「多得團藏發明，我既籠手都多左好多武器呀！」



「小姐小心！」





紅龍見狀，馬上擦開一支樽裝水，使出柔術製作水彈

打橫一掃將水彈拋出！



「噠噠噠！！！！」

水彈力量之大足以將吹箭打飛



「嘿，差啲唔記得左你，紅龍..」



「！！！」

三太夫及時察覺，雖然自己在戰鬥途中已經避免和紗理依四目交投，但..



多發微弱的紅光，投向自己！


紗理依的幻術之瞳，竟以水彈折射至籠手，再投射向籠手！



三太夫緊閉雙眼，以免中下幻術

「竟然已經學識用折射黎發動幻術，唔怪之得連小次郎都會比佢打敗...」



「刷！」

利用三太夫短暫失去視覺既機會，紗理依率先於三太夫沒有籠手的左臂砍下一刀



「三太夫大人！」

手抽著重型機關槍的團藏對準紗理依，扣下板機！




「吱吱吱吱吱吱吱吱吱吱吱吱吱」

無數的手裡劍射向紗理依，使紗理依只好放棄追擊退後




「呼..真係一額汗，大小姐竟然成長到呢個程度」

三太夫想到剛才的險況，也不禁汗顏



「雖然三太夫加上團藏的確比起小次郎容易應付，但呢度應該會浪費少少時間」

終於，紗理依作出一個決定



「甲賀奇俠，時間無多，你地上去先」



克哉先感到愕然

「..咁你地...」



「你唔係要救你個愛人咩？唔洗擔心，我同紅龍好快會趕到黎」

紗理依「而且，我仲要手刃三船..」



「嗯..你地小心！」

說罷克哉就跟住美波走向升降機方向




「想走？！」

團藏再度開火，對準克哉射出手裡劍



「呢部機關槍真係好煩，一定要快啲解決！」

紗理依一邊躲避，一邊向紅龍打個眼色




紅龍跟隨紗理依多時，自然知道紗理依的意思

「沙沙！！」

紅龍將兩支樽裝水灑到身前，巧手一揮，一條小水龍隨即現身



「紅龍...睇黎要認真啦」



「咩..咩話！」

紅龍的柔術竟能「造」出水龍形狀的攻擊，連三太夫也大感意外！



紅龍輕鬆接控水龍飛向團藏

「唔好以為，我剩係識整水彈呢種飛行道具...」



「砰！！！！！！！」

水龍直面擊中，產生巨大水花




「呢一招所產生既衝力，絕對可以將佢既機關槍破壞....咩話！？」


但水花散開後，卻見

不但機關槍仍在，就連團藏也毫髮無傷！



「只不過係普通操控液體既柔術，有咩咁大不了呀！」

十部無人機狀飛行物，正圍繞住團藏四周

每個更裝上一個大型風扇



「只要有呢個『風王力場』，你地既所有攻擊都唔會有效架！」



「風王...力場...」

紅龍腦內倒帶回想，水龍撞擊的一刻

水，的確是在團藏面前散開！！！




「嗡嗡嗡嗡嗡嗡嗡嗡！！！！！」

紅龍望住無人機上轉得極快的風扇，終於明白

「佢...就係用呢堆無人機將我既攻擊化解！！！」



「吱！」

紅龍思索的一瞬，團藏的機械忍犬已經來到紅龍身後，射出吹箭！



「紅龍！！！」