甲賀奇俠: 36.危機
「噹！！！！」
克哉以不完美的手法擋下弘之助的斬擊
受力之大令虎口一時無法發力
「刷！！！」
屋漏偏逢連夜雨，蚿線已經割中克哉的腳邊
「可惡，比蚿線追擊住根本就無辦法好好對付呢個光頭佬」
「死啦！！！」
弘之助大喝一聲，薙刀揮至克哉的面前
「弊啦！」
「噹！！」
數枚手裏劍飛至弘之助眼前，弘之助只好先將其擋下
「嗡嗡嗡」
手裏劍再度反映出紗理依的幻術之瞳
「！！！」
弘之助故意將手裏劍打飛：「只要距離夠遠，就唔駛怕你既幻術啦」
「係咩」
手裏劍飛向蚿陣，馬上一分為二
「我，就係要你打走啲手裏劍」
被切開的手裏劍，均以不同的方向飛走
克哉已經發現紗理依的計謀，對手裏劍射出大量黏膠，拼成一幅大鏡
目的，就是讓弘之助的雙目無所遁形
手裏劍碎片反射出百多雙紗理依的雙眼
「哼，的確係有創意，但係...」
小次郎手一撥，一大群不同種類的飛蟲湧入車廂
飛蟲們一窩風飛到弘之助面前，遮蓋手裏劍碎片中紗理依的雙眼
「嘿！有小次郎大人既飛蟲，我唔駛再怕你既幻術啦！大小姐！咩話...!?」
接下來的事，就連華火、小次郎也感驚訝
「嘿，竟然會咁樣攻擊...」
紅龍的水珠攻擊，來到弘之助的雙目前
「水珠...反映左佢...雙眼！？」
那怕只是一秒，都足夠紗理依發動幻術！
「嗡...」
一陣紅光進入弘之助的瞳孔
「以水既各種折射、反射黎發動幻術之瞳，呢啲把戲我同紅龍已經實驗過無數次啦」
「...！！！！」
一秒也不需要，弘之助停下動作，目光呆滯，全身放軟
「吓，佢...」美波對身中幻術的弘之助大感驚奇
「佢...已經中左幻術」
克哉望向弘之助亮出紅光的雙眼
「颯！！！！」
弘之助一刀雖不能將緊韌無比的蚿線切斷，但仍能將它們撥開為眾人解困
小次郎冷笑兩聲，並且一點也不驚訝
「身中幻術，真係比死更難受呀...哈哈」
「咁總比成為『三船』既狗...黎得更有意義」
紗理依操縱弘之助，向小次郎進攻
「刷......！」
「！！」
紗理依已經察覺，弘之助似乎有異狀
「哼，真不愧為大小姐，已經發覺有問題...」
弘之助的胸口竟有一物凸出
「砰啦啦！！！！！」
一隻擁有毒蠍般尾巴的大蟲，從弘之助的心房位置爆出！
「！！！！」
克哉等四人無一不驚
「呼...睇黎嚇親大家喎...」
小次郎收回大蟲，慢慢把玩：「我響每一個百鬼眾成員身上都有放呢種毒蟲，以防有人出賣我地」
「只要我以喉嚨發出某種人類聽唔到既頻率，佢地就會馬上吸收養份，幾秒就可以由幼蟲進化成大蟲」
「好..恐怖呀...蟲本身已經夠核突，仲要比呢個人變成武器...」美波不禁感到嘔心
「華火」
「係」
華火撥出紙扇，一道火牆在自己的面前燃點起來
「颯！！！」
一群飛蟲再度湧向車廂中，但今次的目的地
竟是火堆中！
「嗡嗡嗡嗡嗡嗡嗡嗡嗡嗡嗡嗡嗡嗡」
蟲子沾上火炎後，帶著火種飛往四周
「咔！」
「咩..咩話？」
爆炸粉剛好用盡，克哉只好憑脇差反擊
小次郎利用飛蟲的掩護，向克哉射出帶刺的蚿線
「刷」
蚿線插中克哉的左手手掌
「啊...！」
克哉毫不猶疑，忍痛大叫
「殺手傘！」
美波聽起指示，馬上開傘防禦
「借黎用下啦甲賀小姐」
紗理依也先躲在傘的後面
「呢個小次郎，可以算係三船之後，百鬼眾最強既忍者」
「佢既操蟲術雖然嘔心，但非常恐怖，可以做到攻防一體，毫無破綻」
「嘭嘭嘭嘭嘭！！！！！」
殺手傘將蟲上的烈火隔開
但蟲子又豈會只從一個方向攻擊，不少已經從左右攻擊
「哇！救命呀！！」
紅龍早有準備，開出另一支礦泉水
雙手使出柔法向左右兩方潑打！
「潑！！！」
飛蟲身上的火的被潑熄，但垂死的牠們依然繼續纏擾美波
「喂呀，我無殺蟲水響身架...！」美波開始語無倫次
「唉...你真係無用...」
紗理依翻開腰包，拋出一球體
「吱！！！！！！！！！」
球體爆開一刻，發出一高頻的聲音
之後，全部蟲子自動倒下，一時無法飛行
「你既蟲...全部都怕呢種高頻架嘛，小次郎」
紗理依從殺手傘踏出，拎出苦無
「嘿，係音爆彈...」
小次郎冷笑道：「不過，你地就只係得咁既能耐咋咩？」
「喝！！」
紗理依親自出手，反手持刃向小次郎進攻
「小次郎大人！」
華火搶到小次郎前，使點燃好的紙扇擋下攻擊
「你可以埋到我身咩？大小姐」
處之泰然的小次郎放出一隻新的飛蟲，向紗理依進發
「吱嗡嗡嗡嗡嗡嗡嗡嗡！！！！」
吵人的叫聲下，飛蟲灑出金色的粉末
「呢種粉末...大家小心！」
粉末落到克哉手上，即使隔著戰衣，也感刺痛
「啊！」
雙眼沾上粉末後，紗理依和紅龍馬上痛至緊閉雙眼
「我養既黃金粉蛾，可以放出令人麻痹既粉末架」
「死啦！！！服部紗理依！！！」
似乎對粉末免疫的華火乘住紗理依停下動作，擺出紙扇準備對她祭出最後一擊！