甲賀奇俠: 34.幻術的恐怖
「紗理依...點解...你會響度既？！」
死裏逃生的美波，上氣不接下氣
「嘻嘻，你地成功引出百鬼眾，我當然要出黎啦～」
紗理依繼續保持輕恌：「今次...全靠甲賀奇俠咋」
「你明知百鬼眾會先揾森川八郎，但你冇選擇自己去」
克哉開口道：「反而利用返百鬼眾比我既提示引我地入局，先同百鬼眾交鋒，再乘機出黎向百鬼眾使出致命一擊」
「我冇估錯丫嘛，服部大小姐」
「嘻，真不愧為甲賀奇俠！」
紗理依扁嘴笑道：「不過頭先甲賀小姐太危險啦，我忍唔住要出手幫佢啦！」
紗理依非常聰明，當然不會透露克哉和美波的身份
「哼，堂堂伊賀大小姐竟然要親身黎東京，睇黎伊賀眾真係好唔掂喎」
說雖如此，弘之助的心卻是流出冷汗
「伊賀既瞳術需要雙目交投先發動到，但頭先佢只係靠玻璃反射就做到...呢個靚妹進步左唔少...」
兩名百鬼眾忍者猶如中邪一樣，竟向弘之助衝過來
「噹！！！！」
弘之助橫架薙刀，以一敵二
「死啦！！！」
運勁將兩人推開後，弘之助馬上正手持刀橫砍！
兩名百鬼眾胸口被斬中，隨即倒地
「嗚...」
但即使身中要害，兩人卻再度站起
「發...發生咩事呀？點解頭先果兩個百鬼眾忍者...會幫我地既」天真的美波問
「因為我頭先對佢地兩個，使出左幻術」
紗理依自信滿滿道：「幻術，唔單止可以令對方出現幻覺幻聽，仲可以令對方敵我不分，變成為自己賣命，失去意志既戰鬥機器」
「講得淺白啲，即係現代既催眠」
「噹噹噹噹！！！！」
兩名忍者竟無視自身傷勢，攻得更猛烈
「中左幻術既人，係無辦法靠自己破解幻術」
紗理依竟笑道
「依家既佢地，就只能成為我既『劍』，呵呵」
「刷！！！！」
薙刀一口氣向一忍者的頸喉砍下，血如泉湧
「哼！中左幻術姐，呢啲忍者既武術根本唔係我既對手！」
另一忍者亦有所行動
「踏！！！」
「想偷我雞！？」
弘之助飛出臂上隱藏的鐵鈎，刺穿忍者的心房
「嗚...」
血腥的手法，讓美波也覺不安
「哼！就只係識玩呢啲把戲咋，大小姐？！」
「弘之助！！」
華火竟大叫：「你下面！！」
「！！！」
克哉竟襯住弘之助對付兩名忍者之間，繞到身下的死角位
如此接近的距離，華火也無法使出火球攻擊
「吱吱吱！」
克哉施放電壓，擊向弘之助的左小腿
「哼！你呢種電壓，我頭先已經習慣啦！ 」
「係咩...」
心臟被刺穿的忍者，竟然再度活動
更對弘之助飛出手中的配刀！
「噹！」
雖然有點分身不暇，但弘之助也能擋下此擊
「佢...施放電力既目的，就係為左拎果個忍者再度活動，原理就好似心臟起搏器咁..」
華火身在一旁心想：「佢地就係知道我出手會傷到弘之助，所以不斷用咁近身並且密集既攻擊」
「吱吱！」
克哉瞬間拔出腰間的槍狀物，對弘之助的雙手各開兩槍
白色膠狀物黏住雙手，使弘之助的動作沒再那麼靈活
「呢啲程度...你以為我會怕咩！！！」
「撥！！！！！！」
一瞬間，被割喉的一忍者竟對弘之助噴出口中的血水
弘之助萬萬想不到，一個本應該已死的人，竟還能作出此等活動
「咩...咩話！！！」
血濺到弘之助的雙目前，使其視力受到影響
「呵呵~~弘之助，你係咪完全估唔到呢？」
紗理依依舊保持輕恌的心情，不停在來回散步
「我既幻術，可以令受者完全麻醉所有痛楚，而且...我仲可以向佢傳遞指令」
「嘻嘻，係咪...好犀利呢？」
「呢個紗理依....真係好恐怖....」
美波看得汗顏
「係機會..」
克哉襯弘之助一時間停下動作，馬上反擊
「刷！」
一刀先砍中弘之助的大腿前，使他先蹲下
「呀！！！甲賀奇俠！！！！」
弘之助一邊抹去眼前的血水，一邊亂揮
「噹！噹噹噹！！！！」
兩把冷兵器多番相撞
但今次，明顯是弘之助處於下風
華火似乎也終於忍不住，點起紙扇
「無辦法啦....」
「颯！！！！」
紙扇一撥，數十枚小火球射向四人面前
「！！！」
克哉只好放棄追擊弘之助，先避下火球
「哇！！救命呀！！」
美波馬上打開殺手傘，擋下火球
「紅龍」
「係」
紗理依一聲指示下，紅龍開出一樽普通至極的礦泉水
雙手靈活地控制撥出的水
「沙沙沙沙.......」
水就如一個防護罩一般，將火球擋到紅龍和紗理依前
「係...伊賀既柔法...將氣聚於手掌中，就可以隨意操縱所有液體...」
這種忍術，克哉也知道了
「喝！！！！」
紅龍一聲，水全部化成粒狀，射向華火和弘之助
「砰砰砰砰！！！！！」
每粒水滴都就如子彈一樣，猶能將肉體射穿
「區區既柔法...」
華火燃點起紙扇：「只要將佢蒸發左，就得啦！！！」
「發呀！！！！！」
火焰一掃，就將水滴蒸發到空氣中
「嘿嘿，睇黎你地兩位既功夫都無退步到喎」紗理依仍非常淡定
「當然啦，畢竟...三船大人，唔似你爸爸一樣咁懦弱」
弘之助一邊清去克哉的白色膠狀物，一邊忍痛擠出笑容
一提起「爸爸」兩字，紗理依頓時收起笑顏
而且表情變得
異常恐怖