甲賀奇俠: 9.伊賀的刺客

東京，千代田區的一座大宅內


「講，收埋左卷軸響邊？」

說話的人身高六呎，眼神凌厲，身材結實，再配上一身運動裝

要不是手中帶血，大概會被人認為是專業運動員






而躺在他面前的眼鏡男人，身上卻流住鮮血

「講左好多次...咳...我唔知呀...」



「嘭！」

運動服男將眼鏡男踢開






「哼，仲咁口硬？」

運動服男亮出苦無，道：「睇黎你唔受少少苦頭都唔會講」


「我...真係...唔知...」







「颯！」

運動服男正要出手的一瞬間

手上的苦無竟被格下



「！」

運動服男退後兩步，重新裝起架式








「邊個！」




身穿幪面朱紅戰衣的克哉，顯現在運動服男之前

「呢個人手拎苦無，佢係...忍者？」




「啡紅色既衣裝，我知啦...」

「你...就係甲賀奇俠！今次真係山水有相逢啦，咁都遇到我地既死敵！」







「咩意思？」

克哉眼見運動服男手上的血，不敢放鬆


「我係百鬼眾，遠雷！」

遠雷踏出第一步，持苦無反手對克哉橫砍


「叮！」





克哉硬硬用前臂的籠手擋下攻擊


「百鬼眾...就係果班背叛伊賀既忍者」克哉道


遠雷轉眼間閃到克哉背後，再度發動攻勢

克哉面對遠雷突如其來的攻擊，拔出脇差，俯身擋下此擊



「點解要對呢個人下毒手？」

克哉轉守為攻，不斷以直刺攻向遠雷的下盤






「因為呢個人知道卷軸既下落！」

遠雷繼續退後，從容應付克哉的攻擊


「噹！噹！」

兩人的兵器互相碰撞，刷出火花


雙方爭持不下，難以於短時間分出勝負

克哉睇準時機，用力向上一揮，將遠雷手上的苦無打飛


「就係...相傳記載當年幕府秘寶地圖既卷軸？！」


「無錯！」

遠雷彈到牆前，拉出腰間的環狀裝置

「只要攞到果筆寶藏...」



「風魔手裏劍！！！」

遠雷按下機關，裝置彈出四塊大刀刃



「去死啦！」

風魔手裏劍飛出，向著克哉的方向不停迴旋