【真人真事改篇】《有一種距離，是HKU和IVE仔的距離。》/《初戀2000天》: 特別篇2
特別篇2
「Angel，我搵咗你好耐呀，快D跟我黎！」Angel剛踏出房間，便被她的莊員Winnie攔住了。
「去邊呀？你做咩着得咁正式嘅？」看着一身西裝的Winnie，Angel疑惑地問道。
「你唔記得咗啦？今日係最後一次pre諮，仲有十五分鐘就開始啦，快D跟我落黎啦，」Winnie拉着Angel的手，正準備走之際，卻發現Winnie還穿着一身運動衫，「你套suit呢？」
「我以為係下星期，所以我無準備到，Sorry呀⋯⋯」Angel雙手合十地，抱歉地說道。
自從成莊以來，Angel經常都只睡了三、四個小時便起來上課或做莊務，偶爾還要安慰失戀的Jessie，這種日夜顛倒的日子使她經常忘記或記錯了很多事情。
「唉，你早D講呀嘛！」Winnie着急地說道。
「一係你話我病咗黎唔到？」正所謂狗急跳牆，為了不被恐怖的上莊和老鬼罵，Angel竟忘了自己明明剛去了女籃的練習，怎可能突然就病了呢？
Winnie靈光一閃，突然想出解決方法。
「呀，我醒起，我Roommate佢過兩日都要比人諮，佢應該有suit，你地身形差唔多，借佢嗰套黎着住先啦！」未待Angel回答，Winnie已把她拉走了。
點解我要上莊？媽呀⋯⋯Angel開始後悔踏上了這條不歸路。
好不容易換上了西裝，卻發現Angel的腳比Winnie Roommate的剛巧大了少許，雖然仍可勉強擠進去，可走不了幾步便疼得Angel忍不住皺起眉頭。
「你無野呀嘛？」Winnie擔心地問道。
「有少少頂趾姐，我諗無野嘅，行啦，無時間啦。」Angel不想拖累她的莊員捱罵，忍着痛跑了出去。
來到會議室，近門口的位置有一排長桌和十來張椅子，坐滿了Angel的莊員，而對着長桌的是一排又一排的椅子，椅上坐滿了上莊和幾個老鬼，包括Jacky、Raymond、Bonnie等。
看着他們嚴肅的神情，Angel馬上低着頭，怯怯地走到自己的座位。
「我係Engine Year2 嘅楊俊諾，請問你地下年會搞咩自選活動？我想啱啱遲到入黎嘅嗰位莊員答。」坐在前排的Jacky問道，特別強調「遲到」二字。
「好⋯⋯好多謝你嘅問題，我地嘅自選活動係⋯⋯係⋯⋯」Angel椅子都還未坐下，便被Jacky點名答問題，儘管慌張的她霎時忘了他們的自選活動，可還是馬上站了起來，可站起來的瞬間，雙腳傳來的痛楚使她更是忘得一乾二淨。
「自選活動係由我負責嘅，或者交比我黎答，我地今年嘅自選活動係⋯⋯」Angel的一位男莊員正想拯救Angel時，卻被Jacky打斷了。
「依家條問題係問緊出設，唔係你。」Jacky聲量渾厚，嚇得Angel更是緊張。
究竟係咩？明明我地prep過咁多次，點解我會唔記得架？Angel不斷回想過去開會時的片段，可愈是緊張，就愈是想不到答案。
那位男莊員馬上尷尬地坐下來，把手上的「貓紙」悄悄地傳到Angel那邊。
「係⋯⋯係麻雀比賽，我地會以淘汰制進行，預計會進行兩日，⋯⋯」Angel也不敢拿起那張「貓紙」來看，只敢不時偷看一下。
「唔該你地，以後任何活動，尤其係諮詢，都必須要準時，知道未？」Jacky瞪着Angel的臉說道。
Angel沒看過這麼兇的Jacky，馬上膽怯地點點頭，正準備坐下時，Jacky竟追問道：「你未答我問題，我依家係問你知道未？」
「知道，我以後都唔會。」Angel嚇得又馬上站起來，挺直腰板回答道。
洗唔洗咁惡呀？Angel心想。
終於，Jacky沒有繼續追問下去，總算勉強過關。
就這樣，Pre諮由十時多，一直持續到清晨五時多，大至莊名、自選活動、宿舍規條等，小至哪層哪間廁格不能沖廁、每層Pantry有幾張椅子，都鉅細無遺地問了一遍，好不容易才捱到最後一條問題。Angel以為只要VP答完這條問題就真的完了，不禁鬆懈了起來，打起了呵欠。
豈料，這時Bonnie竟發言，問道：「有人話見到上莊嘅P 呀Jacky同下莊Angel錫錫喎，唔知你地莊員對上莊同下莊拍拖又有咩睇法呢？」
坐在Bonnie旁邊的Jacky馬上瞪着叛徒Bonnie，其他人也跟着起哄。
「吓，真係架？邊個講架？」Yanki八卦地問道。
「我都有聽過雞哥講，佢叫我唔好同人講佢嗰日唔小心入咗Jacky間房，房裏面無開燈，佢隱約見到Jacky錫咗Angel一啖！」眼見大家這麼興奮，Kelvin索性他所知的都和盤托出，「不過依到講依到散，大家記得唔好話比人知呀！」
「Jacky犀利喎，咁都溝到下莊！」
「頭先仲對人咁惡，Angel真係慘！」
「幾時開始架？⋯⋯」Jacky的莊員七嘴八舌地問道。
死雞哥，等我返去你實死緊！Jacky心想。
聽到有人在說自己，Angel瞬間睡意全無，張大了眼睛看着臉紅紅的Jacky。
「多謝上莊嘅問題，上莊同下莊可以有多D交流係一件好事黎嘅，只要處理好莊務，我地唔會干涉任何一位莊員嘅私人感情。」Winnie馬上站起來替Angel解圍。
「我係Nursing二年級嘅張穎茵，請問出設你對Jacky有咩感覺呢？你接唔接受到男朋友矮過自己呢？希望出設可以答我嘅問題。」Bonnie繼續追問道。
聽到這問題，Jacky竟也跟着緊張起來。
「我⋯⋯佢⋯⋯err…」Angel尷尬得臉都紅了起來，卻不知該怎樣回答。
「唔洗緊張架，照直講得架啦。」Bonnie說。
「err…多謝上莊嘅問題，我⋯⋯我覺得Jacky係一個好好嘅上莊，至於高度，⋯⋯我覺得依個高度幾好呀，幾⋯⋯幾可愛呀。」Angel回答完這問題後，馬上坐下來，臉頰上泛起陣陣紅暈，腼腆得很。
看着這樣的Angel，Jacky竟不禁覺得她很可愛。
眼見Bonnie還打算繼續追問下去，Raymond搶先說：「今日都諮得差唔多啦，雖然仲唔係好熟，但都就快五點啦，睇黎正諮前仲要Pre多一日先得，下次開會再約個時間啦。」
「係囉，今日黎到依到啦，大家返去抖下啦。」Jacky馬上跟着Raymond打圓場說道。
Pre諮完結後，Angel借故要去一趟洗手間，而沒有跟莊員一起回去，而實際上，她只是想避開那些八卦的上莊。
待人都走光後，Angel才從洗手間偷偷地走出來，沒想到Jacky竟在洗手間前等着她。
看着Jacky，剛才尷尬的畫面再次浮現Angel的腦海，使她巴不得掘個洞竄下去。
「終於出黎啦。」Jacky走上前對Angel說。
「你做咩仲係到嘅？」
「都就快天光，不如我地去睇日出？」Jacky問道。
「去邊睇？」
「跟我行就知！」Jacky笑着說。
然而，走不了兩步，Angel的腳終於疼到她忍不住停了下來。
「做咩呀？」看到Angel突然停下的步伐，Jacky緊張地問道。
「無，套Suit同對鞋都係問人借嘅，唔係好啱着，仲要係高踭鞋我着唔慣，有D痛。」Angel皺着眉頭說。
Jacky想了想，竟脫下自己的波鞋，遞到Angel面前說：「你着我對波鞋啦。」
「吓，咁你着咩？」Angel驚訝地問道。
「我呀，我着你對高踭鞋啦。」Jacky說着，竟真的穿上了高踭鞋，雖不太合腳，但若勉強擠下去還能穿。
「得唔得架？不如返去換鞋先啦。」Angel擔心地問道。
「唔得，咁就會miss咗個日出架啦，得啦，唔洗擔心喎，行啦行啦。」Jacky拉着Angel便走。
看着Jacky那奇怪的步姿，Angel差點就笑了出來。
Jacky拉着Angel乘坐電梯，來到一棟教學樓的天台，也許是時間太早，這裏只有Angel和Jacky二人。
「依到⋯⋯我地可以上黎架咩？」步出電梯，是Angel從未來過的地方。
「點解唔得？係平時少人會黎依到咋嘛。」Jacky說。
「點解嘅？」Angel問道。
「因為⋯⋯」Jacky故意抬起頭，靠近Angel耳邊，說道：「依到就係傳說嘅跳樓聖地，好多人都係到撞過鬼。」
聽到這裏，膽小的Angel馬上想逃。
「喂喂喂，都就日出啦，唔洗驚喎，快D向前行啦。」說罷，Jacky推着Angel往前走。
抬開玻璃門，再往前走一小段路，來到一個更空曠的位置，這裏有個呈半圓狀、共三層的寬闊的白色石階，可供人躺在上面仰視天空，是觀星的絕佳地方。
不過，Jacky這次並不是帶Angel來看星，而是看日出。
對着石階，是一整片海景，雖然有些鐵絲網圍着，而且天色尚暗，可還是能清楚看到一望無際的海景。
「哇，依到好靚，你點知依個地方架？」Angel坐在石階上，托着下巴，看着眼前無垠的海洋讚嘆道。
「好多人都知架，係你唔知咋嘛。」Jacky雙手撐在石階上，身體往後傾，閉起雙眼享受微風的溫柔。
「係呀係呀，邊夠你叻，頭先仲好惡咁話我添。」Angel挖苦道。
「你頭先遲到喎，就算我唔話你，班老鬼都一定會話你，仲會話埋我地唔識教下莊，分分鐘鬧得仲甘呀，比我話總好過比佢地話啦係咪？」Jacky解釋道。
聽着Jacky的解釋，平日像天使一樣體貼的Angel竟沒甚麼反應。
「唔係咁就嬲咗我呀嘛？」
Jacky往前傾，想看清Angel的表情，Angel卻故意別過臉，不讓Jacky看到。
眼見Angel仍在生氣，Jacky從背包裏掏了個東西出來，遞到Angel面前。
「哇，係多啦A夢Figure！」多啦A夢模型在眼前一晃，Angel頓時笑逐顏開。
這是Angel心心念念了好久的一款模型，常常掛在口邊，可是又嫌太貴捨不得買，沒想到Jacky竟買來了，還替她拼好了。
可是，Angel開心不到三秒，又把模型扔回給Jacky，說：「唔得喎，你仲未話我知，你究竟係幾時偷錫我架？做咩偷錫我？嗰個係我初吻黎架！」
Jacky以為剛才的尷尬已過去了，沒想過Angel竟會問自己這問題，也不知道該如何回答她才好。
唔通真係要話比佢知我偷錫過去？萬一佢嬲咗我咁點算？Jacky心想。
這時，旭日剛好漸從水面浮起，照得海面閃閃生輝，像鍍了層金似的耀目，偶爾還有幾隻海鷗在海面盤旋，美得不像話，倒像一幅油彩畫。
「哇，日出啦。」Jacky為了分散Angel的注意力，指着眼前的美景說道。
順着Jacky指着的方向看，是一片旭日初升、海天一色的美景，看得Angel也不禁沉醉其中。
Angel看日出，而Jacky看的卻是Angel。
看着Angel這可愛的模樣，Jacky逐漸漸靠近她的臉蛋，蠢蠢欲動地想要吻她，向她告白，可是快要到達她的臉龐時，卻又不敢再接近了。
剛巧，Angel回過頭，和Jacky的臉只有一厘米不到的距離，嚇得她瞳孔都放大了。
Jacky終於鼓起勇氣，抬起頭，親吻Angel柔軟的的雙唇。
Angel瞪大眼睛，看着幾乎連Jacky臉上的毛孔都能看得一清二楚，心跳馬上加速，如小鹿亂撞。
這是Angel第一次和男生靠得這麼近，緊張得她完全不懂反應，身體都僵硬起來。
過了良久，Jacky才願放開Angel的嘴唇，然後深情地盯着Angel微紅的臉龐。
對望了數秒，Angel才想起Jacky還未回答自己的問題，又問道：「你都未答我，你究竟幾時錫過我架？」
Jacky呆了呆，心想：咁都比你記起？
「邊有呀？你唔好聽佢地亂講啦。」
「哼，唔認就算！」Angel故作生氣地別過臉。
「係啦，係啦，你第一次黎搵我打機嘅時候，我忍唔住錫咗你一啖。」Jacky被Angel尋根究底的精神屈服了，終於承認了那晚的事。
聽到Jacky的話，Angel的嘴角不禁向上揚。
「你終於肯認啦咩？我一早知啦，做咩偷錫我呀你？」Angel露出勝利的笑容，看着Jacky問道。
「你點知架？你唔係訓着咗架咩？」Jacky驚訝得張開了口。
「呀，你係真係覺得我咁蠢呀，定睇電視劇睇多得滯？咁錫落黎有乜可能無感覺？」Angel笑着說，「你未答我，做咩偷錫我呀你？」
「我⋯…我…⋯鬼掩眼掛。」話說到嘴邊，Jacky還是說不出口。
「咁算啦，返去啦。」Angel嘟着嘴巴說。
然而，當Angel站了起來，轉身準備走時，Jacky卻抓住了Angel的手腕。
陽光灑在Angel的頭頂，像在她頭上戴了個天使似的光環，耀眼得Jacky瞇起了眼。
Jacky站了起來，順勢把Angel擁入懷裏，說：「因為我鍾意你。」
終於如願地從Jacky口中聽到這句話，Angel得意地笑了出來。