【真人真事改篇】《有一種距離，是HKU和IVE仔的距離。》/《初戀2000天》: 第五章上 「這個世界最壞罪名 叫太易動情」 〈無人之境〉（修訂版）

https://www.youtube.com/watch?v=9g3XXXdnjqY
第五章上 
        下午三時十五分，四位年輕人盯著眼前的電腦屏幕發呆，大家都一臉腦容量不足，404Error的樣子。尤其是Kay，彷彿一直都是待機狀態。
        眼前再談下去也不會有進展，Amy突然提議：「好肚餓呀，落堂傾到依家，飯都未食，我地食D野再繼續傾？」
過了半個月，Amy終於集齊這三粒龍珠：James、Kay和Kelvin一起傾Project。
        啊！明明都唔急，點解仲要傾落去⋯⋯James心裏抱怨著，可是步伐還是跟著大家走往Canteen。
       
        「我想食西多士配紅豆冰呀，你呢？Kay你想食咩？」Amy問道。
        「我唔肚餓，我睇住你地食得架啦。」Kay勉強撐出一個微笑。




        「傾咗成日都唔洗食，減肥定煉仙呀你？」Kelvin問道。
        James這才留意到，Kay本來白晳飽滿的臉竟變得乾瘦起來，沒有了精緻的妝容和卷髮，只有再多遮瑕膏都無法掩蓋的、浮腫的黑眼圈和扁塌頭髮，整個人看起來憔悴不堪。
        「乖啦，食少少啦，你都幾日無食點食過野，再咁落去會暈架。」Amy擔心地說。
        James馬上猜到眼前的女人究竟發生甚麼事。
        「食少少啦，你已經夠平架啦，再減就真係同男人無分別架啦。」James特意挖苦道。
        Kay盯了James一眼。
        「我委屈D，請你食啦，想食咩？」Kay沒有理他，說：「你地買呀，我去穩位等你地。」然後，徑自走到一張空桌旁。
        Amy無奈地看著Kay的背影，無可奈何地和Kelvin走了去排隊。
        只有James跟在Kay身後，拉著她的手說：「喂，食D野啦，你咁樣好難睇。」
        「唔關你事。」Kay面不改容，堅決地說。




        「點會唔關我事，你係我Groupmate，一陣你餓暈，我地份Project就凍過水！」James依然拉著她的手不放。
        「你都唔明。」Kay拽開James的手。
        James突然拿出手機，按出一套影片，橫放在Kay眼前，是她那天醉酒後，嘗試翻欄的畫面，她嘴裏還叫著：「點解⋯⋯點解佢要咁對我呀？我要跳落去⋯⋯」
        「喂！點解你會收埋D咁嘅野架！？」Kay伸手想要奪過手機的時候，James馬上收起，威脅她說：「我話過要擺上網笑9你，我講到做到。」
        Kay本無血色的臉，不知是因為尷尬還是生氣，馬上漲紅了。
        「除非，你肯食返野，我就考慮下唔擺上去。」James得意地說。
        「我想食嘅野依到無喎，」Kay擺出一張臭臉。
        「唔得，我買咗你就要食，唔理呀，我依家就去買。」James自信地說。
        「喂！我都話唔食囉。」James沒有理會Kay的說話。
 




        「依到有凍檸茶配雞脾，仲有紅豆冰配西多士，你揀一個餐食啦。」James把餐盤遞到Kay的面前讓她選。
        「都話唔食囉。」Kay還是逞強，動也不動地看著James。
        James把餐盤搬到自己面前，用刀把牛油塗滿西多士，然後淋上煉奶，切成九塊大小相若的正方形方塊，再用叉叉了一小塊，遞到Kay嘴前，張開口示意Kay快吃下去。
        眼見James這麼堅持，還體貼地替她切好，只好乖乖地張開口，咀嚼了幾下便咽了下去。
        「哇，簡直係神蹟，我叫咗佢幾日佢都唔肯食！原來James你先係治佢嘅藥。」Amy坐在旁邊簡直要拍爛手掌了。
        James見Kay吃完了，又默默為她叉上下一塊，還拿起了紅豆冰餵她喝。
        「哇，唔知以為你係佢男朋友。」Kelvin看得雞皮都快豎起來。
        男朋友三個字觸動了James的神經，快放進Kay口邊的西多士竟掉了在桌子上。
        James也不知道自己是發了甚麼神經要餵這公主病，只是看著他凹陷的臉頰，憔悴的臉，就很想看她吃東西。
        Kay看穿了James的心思，竟從James手上奮過叉子，乖乖地自己吃起來。
        不知不覺間，Kay把整個餐都吃完了。
        那天起，James每天都會陪Kay吃午飯，直至看到Kay把整頓飯都乖乖吃進肚裏，他才離開。
        一起上課，一起吃飯，一起下課，一起聊天，一起⋯⋯

        「我好掛住你呀，」Jessie撒嬌道，「不如我地今晚去睇中英劇團套〈羅生門〉囉，我睇小說戈陣已經覺得好好睇！Angel個Frd咁啱今晚唔得閒讓咗兩張飛比我，不如我地一齊去睇囉！」




        James想起上次陪Jessie看那套叫甚麼〈父親〉的舞台劇，開始不到半小時就睡著了，還浪費了一百多元，都不知道看了些甚麼。
        「呃，我今日要返工喎，你唔同Angel去睇？」James提議道。
        「邊有呀，我睇過你張更表，你今晚明明就得閒，」Jessie馬上打開Whatsapp記錄看，「你係唔係唔想睇，唔想見我啦？」Jessie故作傷心地說。
        James這才想起自己一收到這個月的更表就馬上發了給Jessie。
        「邊係呢，我記錯咗姐。睇睇睇，我不知幾想同你去睇，幾點邊到等？」James掩住自己的臉，明明是百般不情願，卻假裝興奮地說。
        「你一陣黎我宿舍接我呀！」Angel興奮地說。
        「好，我一陣落堂就黎。」James掛線後，又向和自己一起在等電梯的Kay說：「我今日唔得閒陪你食飯，你自己食啦。」
        「我今日無乜胃口，唔食啦。」Kay低著頭，看著自己的腳尖。
        佢始終都係人地嘅男朋友，Kay心想。
        「唔好咁啦，乖啦，我趕住去穩我女朋友。」James為難地看著Kay。
        「真係喎，我今朝食得好飽，都唔肚餓。」Kay抬起頭對James笑著說。
        這時的Kay雖然還是一樣瘦削，目光偶爾還是呆滯無光，也無甚笑容，但已不再像那時一樣憔悴，臉頰也不再乾瘦凹陷。
        「唉，怕咗你，陪你食啦。」James沒好氣地說。
        「真係委屈你啦。」Kay的嘴巴雖沒吐出好說話，但臉上的笑容更掩飾不了她內心的喜悦。