[靈異] [愛情] [我同條女敦倫外傳]我屋企養左隻女鬼...: 走馬燈(下)

「阿哥，呢次係我最後一次叫你阿哥…襯伯母佢仲搵緊個公仔，我靈魂俾左樂兒之後，你一定…一定要快啲帶佢走，佢好快就會搵到黎呢度…」

黎到阿盈為我犧牲前嘅一刻，我要睇多次阿盈係我面前消失…我唔想睇…呢次係我同佢見嘅最後一面，我以後都唔會再見到佢…

「死乜野死…哥你睇開啲，我唔係度姐…以後你同樂兒仲有好多路要行、仲有好多美好回憶創造，就當我嘅離別係成全你地兩個嘅幸福…」

阿盈我對你唔住，我冇好好珍惜你為我地嘅犧牲，最後我都冇聽你講，我唔能夠如你所講同樂兒創造美好回憶、同佢幸福咁行落去，我要先走一步…

但我總算做到左我向你答應嘅野，好好保護樂兒、唔再俾佢受到傷害、我做到左，佢冇再受傷過，亦都成功拖延時間有人黎救我地、最後用火攻將個咒消滅左，





我一直以黎都要靠你幫我，今次我終於可以靠自己黎保護左一個我身邊重要嘅人、我總算有啲用，都算係不枉此生。

「喂阿生就係你啦下話，你間屋做乜撚野啊，成撚晚係度嘈閪住晒係度喊喊喊喊乜撚啊，嘈到我幾晚都瞓唔撚到教…」

…

「好高興認識你(揮手表情) 我叫Chole 你可以叫我樂兒」

播完阿盈嘅回憶，就開始回帶返我同樂兒嘅回憶，我地最初只係陌生人，因為過黎屌我而認識大家，佢係我見過最巴渣嘅mk妹。





可能係因為緣份安排，之後我竟然係交友app再次遇到佢，從此我地慢慢從冤家路窄嘅陌生人成為朋友。

…

「笑死屌你唔好淨係掛住你碌鳩啦，peanut啊，即係花生。」

…

「我黃你老味，叫你講就講啦咁多嗲，叫得你黎幫我睇書黎托呀，明明你仲要吹到中史好撚勁咁。」





…

「又m乜撚k妹啊，講過幾多次我有名你叫。」

之後佢叫我去佢屋企教佢做功課，佢郁啲就會打我，唔知係咪打者愛也，我竟然鐘意左佢打我，仲想多啲同佢見面，

其實嗰陣我已經對呢個傻妹有意思、俾佢吸引住，可惜我就一直唔認自己係對佢有野，因為我自己都估唔到會鐘意mk妹。

…

「識野喎，係厚多士，你條撚樣又知我鐘意食嘅？你查過我呀？」

…

「你吹到自己咁專業咁就得晒，我生物野可以放心交托晒俾你。」





然後我默默為佢付出，佢叫我做咩我都肯幫佢做，就算花費幾多錢、幾攰都會幫佢完成，只要佢開心佢滿足就得，簡單啲講樂兒就係我動力。

…

「笑下啦，唔好好似死老母咁。」

我地仲一齊去迪迪尼，呢幕係我地係城堡前嘅合照，佢嗰陣冇啦啦撓住我隻手嗰下我個心仔真係跳得好快、仲同我挨得好埋，我未試過同佢咁親蜜，

到之後坐過山車佢都會撓住我隻手、全程我心仔都跳得好快，我慢慢就感受到幸福嘅味道、我好享受，經過嗰日我就確信自己係鐘意左樂兒。

…

「Chole姐，襯佢地跌低晒我地快啲跑返屋企。」





…

「我地終於出左黎，皇軍唔會再追黎架啦，你落返黎我慢慢扶你返去啦。」

「今晚真係多謝晒你，好彩有你呢個朋友係度，我好驚…我真係好驚…」

我地除左去玩仲一齊經歷過患難，有一次知佢出左事，我同阿盈都即刻仆去軍營救佢、我地俾無數個皇軍追殺、最後我孭住樂兒好唔容易先走到出去，諗返起個畫面就好似英雄救美，

呢一次之後我就知道自己有幾著緊佢，佢有咩事就算幾夜都無阻我去救佢；呢一次之後我仲見到佢膽小嘅一面，知道佢原來係俾fd拋棄、得佢一個佢好無助、好驚。

…

「點解要對我咁特別？你變態架？」

「我唔係變態，係因為…因為我鍾意你！」





然後正當佢軟弱之時問我點解對佢咁特別，我終於忍唔住向佢表白左，嗰陣我好似如釋重負咁將內心嘅說話都講晒俾佢聽。

但佢並冇接受我，而係將我趕走，原來佢一直當我係兵，知道事實之後我個心痛到好似俾人切開左，冇諗過平時成日點我做野都只係利用我，

但佢主要目的都係想趕我走覺得自己配唔起我，亦都自嗰日之後我地變得陌生，佢冇左以前嘅巴渣。

…

「浩正停手呀！唔好再打，會死人架…嗚嗚。」

後來我終於知道佢一直向我收埋嘅秘物，一切唔好嘅野都係個垃圾男朋友造成，佢竟然迫樂兒同其他男人搞野俾錢自己賺、又係咁打佢，

我睇唔過眼就出手打鳩佢，可惜我反而俾佢㩒返住黎打打到半死，而個傻妹就擔心左好耐，最後都係要搵阿盈出馬先執返一命，經過呢件事佢先知原來真正鐘意嗰個係我，正因為咁好快我地就正式一齊左。





…

「多謝你咁愛我，同你一齊之後我每一日都覺得好幸福、我先真正感受到俾人愛俾人寵係咩感覺。」

自從一齊之後，我地都去左好多地方拍拖、過住幸福嘅日子，連佢生日我都可以陪住佢過，有呢啲幸福日子我地係經歷左好多野得黎、係來之不易。