一個在召喚師峽谷相遇的故事: 畢業之後

我，終於考完dse，唔洗問緊係開始打機打到天昏地暗，我，要，上，金，牌！ 成為左我當年既目標，雖然到而家都仲未達成。。。
有一日突然見倒一個熟悉既朋友online 左，係yoshi，我好自然感send 左個msg me比佢 
「play？」 
然後我就收倒一個invite，就係感，每日係召喚師峽谷約會已經成為左我地日常，由果時開始我地慢慢開始多左講嘢雖然對話都只係局限於
「play?」
「next game maybe」
「how long ？ waiting u 」 
後來有一日，有個朋友講起grad trip，佢地話plan 緊去歐遊，我不經意感問左句。。。
「唔係去日本咩？」
佢好頹感講左句，




「散左喇」
雖然我果陣係有男朋友，但係我不得不承認果一刻我開心左一秒，ok唔止一秒。。。
yoshi 突然問左句：「你呢，grad trip 去邊」
我話：「未plan 啊，都唔知去唔去得成」
突然yoshi 一半講笑一半認真感問左句：「感不如你同我地一齊去啦」
我當時好求其感答左句：「可能我入唔倒香港啲大學要過英國join 你地呢哈哈，如果入到大學我就問下啊媽得唔得啦，哪有錢啊！」
過左一輪jupas 終於放左榜，我如願以償，入倒香港某間大學，果晚我好興奮感登陸左召喚師峽谷，等左yoshi 好耐，好耐，但係我始終都係等唔倒佢，果左幾日係ig 見倒佢地已經開始左個grad trip，我望住佢地d 相，深深感嘆左一口氣，係我地個group chat is度問左佢地一句：「幾時返黎召喚師峽谷meet 我，等緊你地開game」
yoshi 仍舊覆左我一句：「嗯」。
考完dse，放完榜等開學既日子，我去左一間甜品舖做part time，慢慢同男朋友感情越黎越淡，果時男朋友已經開始左o camp 日日chur 到天昏地暗，忙到連msg 都唔會有機會覆我，而我每日放工都會收倒yoshi 既一個msg ：「home？play？」當時我好傷心點解果時個男朋友可以上左大學就感唔care 我，我每日都用打機同翻工黎麻醉自己，
到左一日yoshi 突然問我：「其實你翻咩工？」




我淡淡然感講左一句：「xx地鐵站附近間甜品舖啊，你不如黎探我，你都無嘢做」
yoshi 依舊感講左一句：「嗯」

第二日我翻翻下工，見倒yoshi 真係出現左係我舖頭門口，果次，係我地第二次見，我地眼神對望左一下，我以為佢會入黎坐低食d 嘢，點知佢突然攞起左個電話講左兩句就無再翻過黎，果晚放工翻到屋企涼都味沖我就跑去打開部電腦，好快感同yoshi 開左個game， 個skype 通左第一句我就問佢：「你今日真係特燈黎睇我嘎。」
我以為yoshi 會答「嗯」，
點知佢話：「我住附近行開咪過黎望下咯，我係見有幾隻罕有pokemon 我先行過黎。 」
三年前pokemon go 隻game 真係好hit！果個暑假只要有一隻卡比獸出現，成條街都會係人，
我就話：「咦？你都有玩啊，聽日講呢坐叮叮可以孵蛋又可以一路捉pokemon 嘎，你有無試過啊？」
yoshi 話：「無喔，得閒搵日我地一齊試下啦」
就係感，我地既約會就由召喚師峽谷變左去現實世界。





續。。。。