我靠男人 買咗第一層樓

我今年27歲，而家係匯璽交樓處驗樓。踏入新屋第一步，好震撼，呢十年嘅努力，終於有回報。我即刻索咗一大啖空氣，係屬於呢個單位嘅味。

而今日，我就係呢個單位既主人 。

呢十年，經歷咗好多野，做咗好多自己唔想做既事，做咗好多後悔既決定，但見到呢個單位，我先知 我冇做錯到。

我出生係一個好功利既家庭，係屋企冇錢就冇say。所以我好早知道搵錢既重要性，點樣討好啲老嘢，點樣好好利用自己女人既魅力。

但我屋企一啲都唔窮，甚至有兩三個單位揸手，不過我都冇因為咁而頹廢，反而更加想靠自己買層樓，證明自己。





以前既我，從來冇諗過行呢條路，自從遇到第一個佢，又或者我天生啱做雞。我天生有個好清純既樣，唔差既身材，識嗲人，又樂觀開朗。啲有錢佬睇驗咗啲整容樣，特別中意我呢啲樣。哈哈，我要分享我既故事了。

-

「今餐譚仔$80，每人40蚊。」

Peter同我講。佢係我第一個男朋友，係中學識，已經拍咗兩年拖。雖然佢冇乜錢，但對我好好，擺我係第一位，當我公主咁錫，所以同佢一齊好幸福，好開心。但原來最簡單嘅愛情，都敵唔過物質嘅誘惑。

「生日快樂！」佢棒住一個係聖安娜買既魔鬼蛋榚俾我。





「多謝呀b！呀b又知我想食呢隻既？」

「點會唔知呀？傻豬。」

「生日禮物呢？」

「考DSE，要用好多錢，我唔夠買禮物俾你...sorry。」

我好唔開心，好失望。碌下ig，全部都係喺酒店慶祝生日，我都好想好想可以影相放上ig曬命。





個刻，我扮無嘢，扮理解，扮體貼。同佢講 「我好開心，多謝。」

由個日開始，我對佢既耐性降低，我少少事就發脾氣。直到有一日，家姐同我講：「我啲friend想識你喎。」

於是，我跟咗佢出去食飯。

係一間打邊爐嘅樓上鋪，總共3男3女。佢地約莫三十頭到。

May(家姐friend) Joe. Devin


我 家姐 Tommy

「hi妹妹！」Devin同我打招呼先。





「hello，終於見到大家啦！」