孤獨兄弟twilight: 15. 夏櫻
另一邊廂，彌生四人就在另一邊的街道
「有冇問題架，你地掉低阿玲佢地兩個唔理...」小優問
彌生只顧食住串燒，笑道
「少擔心啦，祭典係溝女聖地黎架！佢地實會搵返拍拖果陣既熱情既」
「咁熟呢啲野既...你係咪以前用過呢啲橋追女仔？！」
小優一聽到此話，頓時變得生氣
「嘻嘻，緊係無啦，但係如果小優bb豬你唔係咁易溝到手，我實會帶你黎呢度表白，睇煙花再返酒店，哈哈！..丫好痛！」
小優用力扭下彌生右耳
「咁你即係話我隨便啦！咁易就溝到！」
「唔係咁既意思呀喂！好痛呀！」
這一切都被阿紫和阿南看入眼中
「雖然佢地兩個好似成日嘈交咁，但彌生真係好錫小優呀..」
「嗯，不過阿南你對我都已經好好架啦！」
阿紫留意到街上的小攤檔:「丫！果隻熊仔好得意呀！」
「吓..但係...」
阿南指住正拎住玩具槍射向公仔的遊人們:「呢啲好似係要射中先有得拎架喎」
「唔~~~我好想要呀~~~~阿南~~~~」
猶如小孩般撒嬌的阿紫，不斷搖着阿南
有些女人雖然平日會裝作堅強，但有時也會想向人撒嬌的
「呃...好啦，我試下丫」
遞上三百圓，阿南就拎起玩具長槍，對準公仔們
「砰！」
第一下，竟然射了個空
「砰！」
第二下擊中擺放公仔的層架
「差少少咋阿南，加油呀！」阿紫肉緊道
「唉南哥，眼界咁差點溝女呀」
彌生暗地裏執起一枚玩具槍的膠子彈
「幫下你手啦」
「砰！」
第三發子彈射出之際，彌生將手上的子彈彈出
「叮！」
兩枚子彈撞擊的聲響本來已經微弱，再配上現場嘈吵的環境
根本無人察覺到彌生出招
「嘭」
子彈擊中阿紫心儀的熊公仔
「鈴鈴鈴！！！」
老闆馬上敲打銅鐘:「恭喜！你中左獎啦！」
雖然中獎，但阿南依然不太相信
「...吓？」
「唔該老闆！」
「阿南，你好叻呀！」
阿紫一臉幸福接過熊公仔後，再親吻阿南的臉頰
「啜！」
「呃..哈哈，阿紫你開心就得啦！」
阿南雖然大感奇怪，但被阿紫一吻後
一切都無所謂了
「哈哈...阿南真係犀利啦！咦...」
彌生留意到小優正對自己露出懷疑的眼神
「小優bb豬，做咩呀？」
「肯定..係你暗中幫阿南啦」
小優叉起雙手
「...呃..哈哈，邊有呢，阿南眼界好姐！」
「唔覺，頭先阿南根本無可以射得中，一定係你出手架啦」
小優苦笑:「不過，彌生你又幾好人既..」
「熊仔好得意呀..同阿南你一樣咁可愛！」
睇住前面開心得上飛般的兩人，彌生也眉飛色舞
「嘻嘻，我份人就不嬲有雷氣既，幫到手足氹女既實幫架，不過如果佢氹既係小優bb豬你呢，就恕我幫唔到手啦！」
「哼，我比人追關你咩事呀，你搵你果個天塚萌啦」小優作勢轉身，裝作生氣
彌生從後抱住小優
「萌醬點同小優bb豬你比呀！小優bb豬又靚女、對波又大、又細細粒，老虎蟹都揀你啦！」
「哼！口甜舌滑..」
話雖如此，但其實小優內心卻感甜蜜
「鈴鈴鈴！！！」
「恭喜哂！呢位哥哥仔射三槍都中哂！」
老闆將三個公仔遞到後面的青年手上
「嘩！拓也你好叻呀！」
「邊係呢..只係好彩姐...」
「把聲...咁熟既？！」
彌生和小優同時轉頭
「拓也...同小櫻妹妹？！！！」
這兩日，正是一年前和彌生共同保衛香港的拓也和小櫻
「咦，係小優姐姐你地呀！」
他鄉遇故知，小櫻也難掩興奮之情:「你地都特登黎天神祭呀？」
「又唔係話特登既！不過遇到啲意外，咪黎左天神祭咁囉，哈哈！」彌生尷尬得摸摸頭
阿南和阿紫見狀，也走上前來
「彌生，佢地係...」
「阿拓也哥同小櫻妹妹係我響香港啲朋友黎架..至於佢地呢，就係阿南同阿紫，前幾日響郵輪度識既！」
喜愛熱鬧的彌生為雙方介紹
「但係...彌生哥哥你地...坐郵輪？係咪果架緊急停泊既波塞冬號呀？」記憶力強的小櫻問
「無錯呀，小櫻妹妹你真係好記性啦！」
彌生一提起船上的事就怒火中燒:「屌佢老尾，響架車無啦啦比果隻『人狼』..」
「！！！！」
一道雷光從拓也腦中閃過，將他頭痛一下
「呀..究竟咩事....」
「實驗品三十五號：拓也」
「拓也...你果然係最完美既傑作」
「拓也！」
小櫻將拓也叫回現實
「嗯？做..做咩事呀？」
體貼的小櫻馬上取出手帕為拓也抹去額上的汗水
「拓也你..係咪唔舒服呀...」
「唔係..只係頭先有少少暈姐..」
拓也為令小櫻放心，當然不會道出真相
「頭先既..唔通係我以前既記憶」
聽到拓也都這樣說住，小櫻才放心過來
「嗯..拓也你要記住呀，有咩事要同我講呀！」
「知啦...」
當然，拓也只是為了小櫻安心才這樣說著
「你遲早..會..記得...『失控既感覺』！哈哈哈....」
上次因為韋德的一番說話，令拓也再次夢見童年時擔任殺手的事
「咦..」
彌生望到，垂頭喪氣的石仔，正向自己既方向走來
「...點解阿玲唔響石仔隔黎既？」
「哼..死石狗！衰人石狗！」
阿玲獨坐在附近的公園上，凝視住手上的兩條金魚
「對我好啲...真係咁難咩？」
「踏...踏...」
一陣腳步聲越走越近
「捨得搵我啦咩，死石狗」
阿玲依然以為，行到身後的是石仔:「但係我仲未嬲完你喎」
誰知一轉身..