孤獨兄弟twilight: 10. 吸血鬼對山齊士

「碰砰！！！！！」



最後一名手下也被石仔打到大門前，並將大門轟開



「哼，有返對手就輕鬆啦」






六人走出房間，門外的走廊卻和遊輪客房外的毫無分別

「我地..應該仲響架船上面既..」



「咁依家我地點做呀？」阿紫見形勢穩定，開口問






「仲駛講，緊係拎返你地筆錢，再打柒果個山齊士啦」

彌生皺眉道:「而且...我想知道佢點解會問起吸血鬼公會既野...」



一講起吸血鬼三字，石仔等四人馬上彈開退後


「屌你，一陣你會唔會吸我地啲血架...」石仔擔心







「痴撚線，當我有沙士咩家陣，要吸就一早吸左啦！」

彌生將自己的手機拋向眾人，道:「吸血鬼既野，你地睇返『孤獨兄弟』第一季咪知囉」



石仔接過手機

「你講咩呀..」







四人望住手機螢幕數十秒，總算了解吸血鬼的由來




「...哦...原來係唔吸血既吸血鬼，嚇死人咩」阿南道


「唔止，仲係隻好爛賭既吸血鬼tim」

小優冷冷道:「唔怪之得叢雲都想避開你」


「哈哈今次都係輸左三十幾萬姐...」








「不過...我地點知山齊士響邊先？」

阿玲問:「佢如果死都唔出現我地都無佢符架喎...」






「嘿，咁快就出到黎呀」

踏破鐵鞋無覓處，山齊士終於從走廊盡頭中現身







「你條仆街，出老千呃鳩人錢都算，仲要搵埋堆基佬搞鳩我？仲衰過響英超呃人工果個山齊士！」

彌生一見到山齊士就無名火起:「雖然我唔知你問吸血鬼公會既野到底有咩企圖，但今日我點都要打到你落太平洋餵鯊魚！！！」



「因為....我地一定要消滅你班吸血鬼，以報滅族之仇！！！」



「消滅乜撚呀？我都無....」







「我...係人狼！！！」


「登！」

話未說完，山齊士雙手的指甲伸長至十多厘米，攻向彌生




「人..」

彌生大驚:「人狼？！」





面對攻擊，彌生當然立即進入作戰狀態，左右閃避

「嘩屌你老母，指甲仲長過啲撩耳屎既廢老！」


「死啦！」

山齊士的速度不下如彌生，繼續以利爪攻擊


「人狼..咁熟既？」

迴避攻擊的同時，彌生憶起以前和叢雲的對話




「彌生，你知唔知道人狼既事？」


「人狼..？哦！！！！」

彌生一邊玩住電玩，一邊回應:「唔知喎，乜撚野黎？」


「根據老豆所講...『人狼』響公元一世紀時就已經出現，係一種有特別能力既人類」

叢雲語重心長道:「人狼既外表就同普通人類無分別，但佢地都擁有超強既力量同身體質素，仲有可以伸長，非常鋒利既爪」

「更危險既係..佢地響月圓之夜會變成好似電影果種既人身狼頭生物，四周食人」



叢雲飲口熱茶後，將事件娓娓道來

「1999年，吸血鬼公會號召所有吸血鬼，對響世界各地作惡既人狼發動左一場...獵殺行動」

「雖然人狼數量比我地吸血鬼多十倍，但由於戰鬥能力既差距，我地吸血鬼總算將大部份既人狼消滅」

「自從果次之後，人狼呢個種族就響世上銷聲匿跡..依家都只係間中出現目擊到人狼既報告」



叢雲露出臂上的狼型紋身

「至於我地呢個紋身..」


彌生搶先回答

「呢個我記得，係我地18歲果陣老豆要我地整架嘛...因為我地由細到大都未去過吸血鬼公會，佢話有呢個紋身，公會既人先會認得我地係望月嵐個仔..」


「無錯，因為老豆當年係有名既人狼屠夫，所以佢先會話整個狼型紋身比我地」





「仆街，原來就係我地啲老襯人狼！」

彌生面前不停揮動的利爪，只能閃避


「刷！」

山齊士利用距離優勢，成功擊中彌生的手臂，馬上流出血來


「嘩屌，啲指甲利到刀片咁喎！」





看著彌生陷入苦戰，小優苦惱想著

「如果呢個時候...彌生有把槍既話就好啦...」




「石...石狗！你唔係好犀利既咩？快啲幫手啦！唔係我地都會死架！」阿玲叫道


只見石仔沒有理會阿玲，一直觀察兩人的戰鬥

「對面呢個山齊士既速度拍得住燈神，但係佢又話係咩人狼...究竟乜鳩野黎架」

「不過依家最重要既..都係救左燈神先！」




「嘿，頭先既氣焰去左邊呀？」

山齊士加快爪擊速度，將彌生逼到絕境



彌生雙臂亦已被斬中數爪

「再係咁都唔係辦法...頂硬上啦」

彌生雙臂成叉，忍住爪傷衝向山齊士



「以為可以埋到我身？天真！」

山齊士控制手上的長爪，完全不給予彌生埋身的機會



無力硬碰的彌生只好轉攻為防

「屌那星！再係咁實比佢片撚死！」


「死啦！！！」

山齊士伸出左手，準備以突刺向彌生拖出最後一擊