孤獨兄弟twilight: 6. 不打不相識

山齊士將彌生的手甩開

「呢位先生，我歡迎你繼續響賭枱上尋開心，不過...出手就唔好啦」



「仲有...呢位小姐，希望你可以管好你男朋友既情緒啦」

山齊士對小優說完此話後，就和手下一同離開








「......」

彌生總覺得這人有點奇怪



「哼，咁都仲想攞尾彩」阿南對山齊士的態度感到厭惡






阿紫拍拍阿南，笑道

「唔緊要啦呀阿南，我地都叫拎返筆獎金丫...今次我地真係可以辭職嘆下世界啦」

「哈哈，都係！」








「嘩，頭先你地搞咩黎呀..」

石仔和阿玲等到此時才現身




「石仔，我地頭先贏左老虎機呀，睇下，二百萬美金！！！」

阿紫笑得非常幸福


「原本佢唔肯應數之餘仲想嚇我地，好彩有呢位先生幫我地出頭咋」








「吓...我？」彌生一頭問號



「頭先唔該哂你呀，唔係你既話我地都未必拎得返呢筆錢」阿南向彌生道謝


「哦..唔駛」

彌生心想:「仆街，我果幾十萬仲未拎得返呀」







「丫估唔到你個燈神又幾好打架喎」

「駛乜講」



「算啦彌生...我地得返一萬蚊籌碼咋，咪再賭啦..」

小優哀求:「我唔想落到船仲要行返屋企呀大佬」


「唉，小優bb豬你叫到，無計啦」

彌生指住石仔:「嗱今日我放你一馬，收手唔賭！」






「放我一馬？你調轉左咋掛！」




「既然大家咁有緣響架船撞到..不如我地請大家一齊去食飯丫！」

阿紫提議


「好...反正都有啲肚餓..」






===========================


不消一會，六人上到郵輪上層的扒房





「頭先真係多謝你幫我地手拎返果筆獎金呀，你地點稱呼呀？」

進食期間，阿紫問起彌生兩人


「我叫望月..彌生...」彌生邊品嘗牛扒邊道


阿南對其姓氏感好奇

「你係日本人黎架？」


「算係啦，港日混血，不過出世到依家都係響香港住」

彌生放下餐具，攬住小優:「至於呢位..就係我女朋友小優bb豬啦！」


小優將彌生一手推開

「死開呀，搵你既天塚萌啦！」



「..咳！咳咳！」

石仔差點將口中的紅酒噴出:「你...又係鐘意我女神天塚萌？！」


「緊係啦！前幾日先去左佢個event！」

彌生自豪地拎出自己和天塚萌的合照

「嗱，睇佢個姣樣，就知佢對我有意思啦」


「呀屌你，好想見萌醬呀！！！！！」

石仔露出妒忌的表情

「仆街，早知我唔同阿玲你條八婆去江之島玩啦」



「咪唔好去囉，我無左你又唔會死既！我仲有翼仔！」阿玲反駁




「人地翼仔唔彩你啦...！！！！」

「！！！！」

彌生和石仔，同時感應到來自周遭的殺氣




「喂燈神...」

「你都感覺到呀？睇黎你都食過夜粥喎」



十多個黑衫人，已經不知不覺包圍六人



「嘩！做..做咩呀」

阿南心知不妙，馬上攬住阿紫



「睇黎阿紫你地果二百萬仲有手尾跟喎」

彌生直接鯨吞剩下的牛扒:「屌你地老母，係要阻住阿叔我据扒」




「唉..又係你個燈神做既好事呀」

石仔站起，擺出作戰架式:「不過食完飯，做下運動都唔錯既..」