孤獨兄弟twilight: 1. 天塚萌

日本橫濱市 大棧橋國際碼頭




「哈...哈哈...」

坐在等待室的彌生望住手上的照片，不停傻笑






「哼..」

而彌生的女友，小優就在旁邊，以蔑視的眼神看住自己的男友



彌生就如公狗發情一樣，不停擺動自己的身體

「萌醬...真係好正呀~~~~」








一日前，東京


彌生和小優兩人拖住手，於秋葉原街頭上逛街







「彌生，點解你唔可以好似叢雲佢地咁安定落黎姐？」

小優問:「反正我地都咁有錢，響日本呢度住間屋黎住咪幾好！」


「痴線，叢雲咁撚悶實得架」

彌生笑呵呵地回答:「我就唔同啦，我天生討厭安穩，鐘意冒險，就緊係唔會定落黎啦」


小優聽到此等回答當然不滿意，甚至有點氣憤

「最弊唔只係叢雲一個係咁呢！阿德同阿昇佢地四個都過哂黎住啦！就連IID果個拓也..都為左小櫻金盤洗手啦」






「咁係佢地唔明白自由既可貴姐，不過講起..」

彌生流住口水:「小櫻妹妹樣又標致、又青春可愛，最重要..係聽教聽話，果個拓也哥就爽啦！」


「啪！」


「好痛！小優bb豬做乜打我呀...」


「因為你咸濕囉！成個腦都係性幻想！」小優怒道







「我知啦，小優bb豬你呷醋姐！」


「啪！」

小優再拍打彌生的頭頂:「呷你個頭呀！」



「小優bb豬你駛唔駛咁大力呀，謀殺親夫咩...咦？」

彌生望到街上一間影碟鋪的門外，正貼著一張海報


上面的內容大致為





「知名偶像天塚萌簽名會+握手會+合照會(可以walk in)」



「啊啊啊啊啊啊！！！！！！！！！」


「咩事呀你？！無啦啦大叫！」


「係..係天塚萌bb豬，萌醬呀！」

彌生難掩自己的興奮:「仲可以walk in，今次真係難得過九星連珠呀」





(註：萌醬=萌ちゃん，日語中有較親切的意思)



「天塚萌？乜水呀..」雖然小優如此問道，但心裡已經猜想到此人實為彌生的偶像，怒火隨即燃點起來



「佢係依家日本最紅既偶像，又唱歌又拍戲，最重要既係有拍寫真集呀，我都獻左唔少子孫比佢架！」

彌生已經不理會小優:「咁我入去報名先！小優bb豬你周圍行下啦，一陣搵你！」


「喂！喂！」

小優已經氣得面容扭曲，恨不得把彌生斬死

「死咸濕仔！！！！！！」




彌生為了參加活動，買下了五隻天塚萌最新的寫真DVD

「嘻嘻嘻，好快就有得見萌醬啦~~~~」


環顧四周，彌生發覺參加活動的人有老有少，更有多個女粉絲

「萌醬都幾多fan屎架喎，不過睇落全場...都係我最靚仔，哈哈」彌生自信滿滿



經過一個小時的等待，終於輪到彌生


果然，可愛的臉蛋、甜美的笑顏、雪白的肌膚

天萌塚就如天使下凡一樣



「啊！！你好呀！！」

一見到彌生，天塚萌馬上展露燦爛的笑容，緊握彌生的雙手


「第一次見面，你好呀萌醬，我係響香港黎架」

彌生亦以日語回應:「我由你第一本寫真集開始就J...丫係支持你呀！」



「香港！？好犀利呀！“door jei”呀！你應該係第一個黎自香港既fans呀，有機會我都想去香港玩呀」


「哈哈，咁到時記得搵我做導遊啦」


「好呀！」

天塚萌一邊簽名，一邊問:「你叫咩名呀？」


「我叫彌生呀，希望下次活動你都記得我啦，哈哈」

「嗯，我一定會記得架！」



而拍照時，天塚萌更牽住彌生，頭更躺到彌生的肩膀上

「嘩正呀！！！萌醬挨落黎呀！！！！！！」


面對後面一個個粉絲的仇視，彌生一於懶理

「sorry，靚仔就係大哂！」




「見到萌醬真人真係好開心呀，我會一直支持你架啦」

彌生道:「之後我一定會搵機會黎日本見你架！」


天塚萌亦回答

「多謝你呀彌生！下次再見啦，拜拜！」





與天塚萌道別後，一臉滿足的彌生出到影碟鋪



「我愛你呀萌醬！！！！！！！！！」

彌生仰天高呼後，猶如痴漢一樣，不嬲吻上手中的合照:「呢個世界最靚既，就係萌醬呢種充滿愛心既笑容！」

「萌醬世界第一！萌醬係呢個世界上最正既女仔呀！！！！！」


「啪！」

突如其來的一巴，摑到彌生的臉上



「望月彌生，你頭先講咩話！？」

小優指住彌生手上的相片怒道:「家陣天塚萌正啲定我正啲呀吓！」


「小優bb豬你唔好呷醋先，冷靜啲！」

被摑一巴的彌生竟毫不憤怒，依然嬉皮笑臉:「每個男人，就算結左婚都一定會有偶像架嘛！有咩問題姐！」


「即係依家想一腳踏兩船啦！」

小優氣道:「你係咪睇得連登啲故太多呀！呢條女肯我都唔肯呀！」



彌生完全無視怒心中燒的小優

「小優bb豬你頭先咪話想安定落黎既....為左可以成日見萌醬，依家我肯啦！我地黎日本住啦！」




「呀！！！！！我要殺人啦！！！！！！！」