811公里: 21

但係其實呢一年半黎 聽人講都係話黑仔對詩欣唔好

本身我對黑仔就已經無咩好感 仲要比人傳呢d野

老實講我真係幾討厭佢 因為女朋友係攞黎錫既

唔係日日係咁係人地面前講 你好似豬咁蠢呀咁

但係唔知點解詩欣點都唔想同佢分手





後來先知原來每一次詩欣講分手既時候 黑仔都會苦苦哀求

然後就講下次唔會 結果都係意見接受態度照舊咁

有一次心仔同Natalie過澳門搵佢地玩果然都係咁

結果就係每一次詩欣都會心軟 唉.......

不過都係咁啦 等等下就到左我畢業既時候





又係一個別離既時候啦 大概都係一個信號啦

提示我 今次真係要放手啦

不過與此同時 其實黑仔都係要畢業

聽講詩欣同Natalie一樣 都係唔鐘意LongD

而聽黑仔最親近既朋友講 最近佢地都為左呢件事嘈左一陣





睇似有機會咁又點 我自己都要走啦

就係呢個時候 黑仔做左一個決定

就係決定申請讀研究所 我當堂呆左係到

為愛可以去到幾盡？我自問就唔太可以

最多都係番香港搵個個好過 

至於Michelle係今日都whatsapp送上左佢既祝福

再見亦朋友都唔容易 其實有時諗下食回頭草好唔好

但諗諗下都係唔好啦 人地過左一段時間先走出黎





宜家番轉頭 對人地唔好既

畢業禮完左之後 我就搵左心仔傾計

我：係時候放手啦 

心仔：過左成年幾你先黎講呢d 早就應該放手啦

你唔好同我講 你呢年半係係到等機會下話

我：可以咁講 其實我地有時傾計都會講下黑仔壞話

不過至從果次我係輸波之後發左脾氣 我地就無再講過野





心仔：唉.........比我開口中 真係兩頭唔到岸 

不過宜家講咩都無用 一切都已經完曬

我都要準備搬野 唔講住

我：駛唔駛幫手？

心仔：心領啦 野唔多自己搬都可以

心仔正如第一篇文所講 佢要延畢半年

主要都係因為佢大二下學期受情緒病所困

醫生都叫佢唔好比太大壓力自己 所以佢最後延遲多半年





而我接下來既日子 大概就係等最後一個學期既成績一出

就正式咁離開呢間學校番香港 

大學生涯人地成日講有三個必修學分

基本既係學業 其次社團活動 再者就係愛情學分
（呢個所指既社團活動係指society 不是非法活動 因為係台灣叫法 跟番姐）

學業本來就無咩問題 雖係平均GPA差少少就3.0 但都叫過得去啦

社團會動既話 都做到僑生社團副會長

 仲做多左一年顧問 超額完成啦





至於愛情學分 男校出生既我黎講 遲過人地起步 

雖然宜家無女 但叫比人好 

你睇下心仔 做用22年人都係A0

至少我宜家都係叫A1  

哈哈～好似唔係好得太多....

不過算啦 留學既生活就到此為止

再見啦 台灣

再見啦......