811公里: 1

811公里 是香港與台北之間的距離 1小時又20分鐘的飛機行程

看似早上出發的話就可以在台北食中午飯

看似唔太遠既距離 但係我心目中 呢811公里和香港到歐洲一樣遠 

因為我不在你身邊..... 而我又想念你了......

呀 唔記得左自我介紹 我叫明仔 我岩岩係台灣讀完四年書番香港





作為一個廢青邊有咁快可以搵到工做 所以暫時都係做住無業遊民先 

就係我做緊廢青既一晚深夜時份，我同緊台灣識既舊同學打機既時候，

突然有一個電話打黎比我

xxx:　「阿明 點解當初唔同我一齊喎 我有咩唔好 我咁善解人意又得意 點解呀 我問你呀」

我「........小姐你無野下話 你係咪飲醉左呀？」





xxx:「我無飲醉，我無......飲醉，.......我.......無......」

突然間我學弟搶過電話同我講 學弟：「對唔住 ，打錯打錯」

然後就即刻收左線 我心諗 打錯？大佬你打過黎開曬我名鬧我咁喎 打錯？

佢咁飲法 我個心唔知點解有d痛 點解佢會攪成咁 雖然我知佢同佢男朋友最近有 d拗撬 但係都唔駛飲成咁下話

唉.........飲酒可以解決問題咩？ 越諗越唔對路 都係決定買張機票番去睇下佢好過





當係比個機會自己 究竟我係咪仲係對你有感覺........

望住枱邊既鐘顯示著0300 都係即刻執好野 馬上上網訂聽朝既機票 即刻番過去台灣 

雖然我既身份只係普通朋友 但係我真係唔想見到你變成咁.......