陳經強baby face 恐怖靈異故事系列: Porn video
我叫山崎我係一個日本成人影片公司嘅制作人,公司大大小小嘅事務都由我負責。
我哋公司專門拍一啲素人系列嘅成人影片,咩係素人,真係搵一般平民做女優囉！點解誤搵專業AV女優,因為請一個較為有名氣嘅AV女優拍攝一部長為一個鐘嘅影片,可能就用你成50萬日圓以上,而素人通常都只係用你幾萬日圓,對我哋公司黎講,係真係慳左好多錢。
事源係咁,我間公司位於東京某條街,就係上年十月份,有一位年約廿多歲嘅女大學生A上黎我哋公司office。
佢話佢想拍AV賺外快。
A個樣普普通通,身型都算可以。每憑有女生送上門面試,只要佢哋唔係醜女,我哋一般都會接受。
於是我哋就傾價錢,最後我哋俾左十二萬日圓佢去拍AV。
本來呢部AV可以系十二月尾出售。
點知個A係某日夜晚打電話話我聽。
佢話想俾番十二萬日圓我,唔想部片出街。就當佢從來無接過。
我聽到梗係一口say no啦！話「喂!你咪傻啦！你簽左約接拍呢部AV就無得反悔,更何況條片都已經拷貝成DVD。」我笑住叫佢到時條片出街你自己唔好睇咪得囉。
佢喊住話,佢自從拍完AV之後就好後悔呢個決定,話咩驚父母親友睇到,驚未來男友睇到結唔成婚。
其實我好多時都聽到依啲電話。
我最後同佢講句咁你咪叫佢哋唔好睇咪得攞!
正當我想收線嘅時候,佢好細聲系電話嘅另一側講左句。
我會再搵你......我要你晚晚發夢見到我。
我聽到都打曬冷震,即刻收線。
第二日番工,我一入門口,同事B就走埋嚟同我罵我,同事B係負責後期影片剪片,同時都係一名汁男,汁男真係AV男優,負責同女優做愛,射啲野咁~囉！
佢話,喂!昨晚阿A打電話騷擾我,話咩唔想條片出街,我就奇怪佢都無我電話點解可以搵到我,係咪你俾左我號碼佢。
我諗番起,我自己都無俾佢手提號碼,點解佢搵到我?
唔理啦!於是乎當晚好順利完成工作,A都無打電話俾我。
某夜工作完攰透的我返到屋企打算睇朝早嘅棒球比賽電視節目,我大口大口飲啤酒,當我打開電視嘅時候,新聞台報導一單自殺新聞。
新聞講,東京八重洲二丁目一個民宿單位發現一名年約二十歲女大學生響浴缸割脈自殺,由於其屍體死後沉咗落水入面,所以屍體發脹死狀恐怖。係因為房間傳出屍臭,先被人發現。
八重洲二丁目?咁即係離我屋企好近。
之後嘅畫面更加震撼,係死者生前照片,名字同歲數,我字都未望就已經嚇破膽。
係A個樣,望埋個名。
係啊！真係佢！我第一時間諗住打俾B,想話佢聽發生左啲咩!
叮噹
我屋企個門鐘響起
頂!偏偏依個時候按起門鐘,門口出邊究竟係邊個,唔會係阿A個鬼魅搵到黎我屋企嗎？
門口響起拷門聲,而且係好大聲,好頻密。
已經嚇到無力嘅我有諗過唔開門,但係由得佢拍落去可能會搞到我比鄰居投訴。
先望下個貓眼先啦!
哦！係個快遞員！
我一打開門見到佢將頂帽壓到好低,睇唔到佢個樣係點,就係聽到佢細細聲講,你有件快遞
我叫佢等我搵個蓋章,但係當我搵到蓋章,諗住收貨嘅時候,個送貨嘅已經走左,剩低件快遞放左係門口。
係一張DVD。
我即刻鎖門,播放呢張無記號嘅DVD。
係A嘅自殺過程。
片長大約二十分鐘,但對我黎講條片好長,好似有幾個鐘,由A訓係浴缸割脈放血之後,佢就一直望住鏡頭,佢對眼就好似想同我講,我會番黎搵你。
喂啊!我根本就無做錯,係你無合約精神,點解要搞我啊!
而條片令我最恐怖嘅地方係影片最後嘅畫面,一個以黑色做背景,紅色字句嘅畫面。
寫住 已經番唔到轉頭啦!
果晚我登大對眼,係好想訓,但係唔敢訓。
翌日番工,我問同事B最近有冇啲特別野發生,因為負責製作A條A片,基本上只有我哋兩個。
佢話無咩特別野,只係最近每次起身,都覺得好攰,感覺好似搞完野咁。我見到佢個樣重要憔悴過我,我都唔敢講A單野佢聽。就係叫佢注意身體。
點知果日佢做開汁男同女優搞緊野果陣突然昏迷。
個女優重問我拍唔拍落去。
事後緊係去醫院睇下B點樣啦！
B話佢同緊個女優搞緊野果陣,見到女優個樣變左阿A,霎時嚇親,暈左。
B重問我A係咪死左,喂啊!我緊係唔會答你佢死左啦！你知道左重唔辭職,我地公司咪少左個汁男,到時邊個頂你個位呀?我呀?
果夜番到屋企,我再無收到奇怪快遞,心諗今晚應該可以訓番覺啩!
點知我收到個短訊,發件人嘅手機號碼並唔熟悉。
短訊顯示
B俾我搞你左,下一個係你啦!
吓？咩料啊？B死咗？
我咁未反應得切,手機又響起,係醫院打黎。
喂
喂？係咪啱啱送B到醫院嘅山崎先生？
係!請問咩事?
你朋友B先生心臟突然衰竭,休克而死......情況太突然,我哋院方未有......喂!山崎先生!喂!
我無聽落去,我依刻坐左係地下,個腦好亂。
下個到我,點算好?
良久,我諗到一個絕世好橋。
依家已經係凌晨,我冇去訓,反而直奔office。
我打開電腦上轉昨晚收到嘅DVD。
我打算將A自殺嘅DVD片段剪接係A嘅A條最前同最後嘅地方。
亡人AV,你知唔知呢個恐怖題材嘅AV全世界會有幾多人去睇啊！
我依家心情好high!心諗我唔死得就一定發達。
當我upload緊A自殺片段入部AV期間。
我諗到一樣野,如果A自殺死左,佢係點樣拷貝DVD再叫快遞送貨?
我一諗到就下意識望向office門口,我記得我有關門,但係太心急入黎,唔記得上鎖。
依家我見大門係打開左,咁真係......
我即刻轉身望
......
翌日新聞報導,東京八重洲一丁目XX事務所一名三十歲男子身中多刀,失血致死,實屬謀殺,警方已經從多方面着手調查,請八重洲居民加多注意身邊有冇可疑人物。