當香港人可以用一人一票投票係午餐食乜野時: #5

 
天意弄人，去到呢個位，本小說主題係講食午飯，但係而家都唔駛返辦公室住，就算返都未必會一齊食，點會去投票食飯呢？就好似要拍無女優既AV咁，最敝係連正題都未入，真係唔知篇小說點寫落去。
 如果無女優的AV你地會點拍？咁唯有叫男優向度＿＿＿？而家我地個Group雖然每日都大量信息，但就無一條同午飯有關。即係個午飯「議會」功能無左，不過我地個真立法會功能都係無左架啦，所以呢，又無話「誰比誰更不堪」。
 中午有人轉發左個所謂「IT公會」罷工信息，見到有項「按章工作」，對於我地T仔來講，都唔知比乜野反應佢好。先唔講個「公會」唔知代表邊個無代表性啦，「按章工作」呢，其實有部份T仔本身工作就比出面輕鬆，「按章工作」迷即係仲要搵野做？當然，大部份T仔都係多野做，但都係合理範圍，當我地成日都話張Tcon會約係「不平等條約」時，出面要你做到晚晚九點又無OT錢，呢度起碼準時收工。
 香港既顧主，沒有最無良，只有更無良。
 又講深入啲個罷工目的本身啦。從政府角度來講，其實佢己經「回應」左醫護罷工，雖然我自己都唔認為政府封部份關有效。但現實係，香港好多經貿活動啲人要過關，例如走水貨供應全國咁。另外就係，香港好多人住深圳，再高層次啲睇，香港呢個城巿運作成本係好高既，如果停頓下來並唔係表面咁話唔開工住就掂，包括老闆佢地唔做生意都要交租，整個樓巿同股巿命脈都向度，呢樣野己經令香港好難同大陸完全一刀切割，亦係有部份藍絲既利益所在。
 所以你要政府完全「封關」，唔好話背後有陰謀論唔比佢封呢樣野，單係對本身經貿民生影響都頂唔住，基本上真係做唔到。當然，我只係個打雜唔係「政務司」，唔係要幫政府講野，香港走到今時今日，唯有等社區大爆炸，自求多褔，希望自己唔好中招。講到呢度，一套無女既AV，當然唔少得個男優除褲自己表演啦。我都開始慶幸自己讀書唔係最叻考到讀醫科，而家諗，做IT都唔錯，起碼唔會自己交叉感染電腦病毒，又唔駛見客，VPN返公司做野又可以繼續有糧出，呢個咁既亂世，可以咁你仲想點啫？

待續