【奇幻愛情】異世界編年史: 第十七章

「落堂，各位可以放飯啦……記住四點返嚟禮堂集合。」

X老師在步出課室的前一刻頓了一下，説：「一陣唔使再上堂，記得買齊通告上面嘅物資。」

不知道今晚的活動會是什麼呢……

説期待，又不是期待，畢竟也是麻煩的事情，還極有可能會丟了小命，反倒說是希望活動不要太過困難吧。

別搞什麼有的沒的，大概也可以活著……吧？

不清楚呢。

我們一行人走到D班，叫迪斯與西蒙一起到飯堂。

「你哋班有冇收到風話今晚搞咩啊？」海爾特爾人邊問邊吃著炒麵。

「冇，啲同學粒聲都唔出，零交流。」迪斯用叉子叉起了牛肉粒。

「其實呢收到風都冇用，因為呢啲都係一陣間嗰個抽獎決定嘅，所以呢啲諗都冇用，隨緣啦。」

愛麗絲看著西蒙道：「抽獎？我冇聽過喎。邊度聽返嚟架？」「本人親身經歷。」

……嗯？

彷彿心有靈犀，眾人都把視線從餐盤上的食物轉往西蒙身上。

「咩喎……」他的臉像火燒般迅速爆紅，「歧視留級生啊？」

「吓……？」楓月目瞪口呆，過了幾秒後道：「原來有留級生架？」

「你去邊度讀書都會有架啦……」西蒙別過臉。

「對唔住啊我遲咗少少！」艾莉在飯堂的入口跑過來，提著餐盤，手臂夾著一個文件袋。

她坐在了艾爾文身旁，旁邊的西蒙目不轉晴看著她。

「做咩事啊？」艾莉歪頭問道。「冇……冇嘢，我覺得……你好得意啫。」

哇……哇？

「……誒？」

「啊……啊……」盛著飯粒的匙子從艾爾文手中墜下來，表情由震驚轉變為臉頰通紅的激動「喂喂喂！你你你想做咩！」

「咩啊……我讚佢得意咋喎，咦……你……係咪佢男朋友啊……？」西蒙的臉慢慢靠近艾爾文，夾在中間的艾莉顯得不知所措。

「唔……唔係啊！」艾爾文稍微向後移，可視線卻還在與西蒙角刀，緊緊不放手。

「點算，我食緊木糠布甸都覺得好酸。」坐在我旁邊的楓月無奈道，光頭仔也説：「醋味十足。」

「咳咳，我要避避戰，返去叉叉電唞下先。」愛麗絲離開了飯桌。

「我去買啲食物同埋子彈。」海爾特爾用布擦拭著手中的狙擊槍。

「咁我都返去瞓陣覺先啦。」我伸了個懶腰，離開了椅子。

楓月叫停了我們，説：「一陣間我哋四點之前自己到禮堂啦，唔使集合咁麻煩。」

説完，大家便從飯堂走出去了。

「我……有啲啲緊張。」在回宿舍的路上，斯特對我們三人說。

「有邊個唔緊張啊。」阿尚回話。

「還……還好啦。」杏奈其實緊張得已經開始手抖。

「本人已佛系，死就死，唔死就唔死。」擔心太多也對自己沒有任何好處，何況想擔心也擔心不來，時也命也。

為什麼突然有種自己已經超脫凡世雜念的感覺。

回到宿舍，呼呼大睡了三小時，便要回禮堂集合了。

「各位同學好啊～呢幾日大家過得點呢，有冇認真上堂呀？」教務主任的聲音從舞台上響起。

「而家我哋會進行實戰測驗題目嘅抽獎，首先呢，我哋會喺抽獎箱裏面抽一個學生上嚟，幫大家抽出題目～」

現在就是看看誰有狗屎運的時刻了。

主任把她帶著黑色手套的手伸進白色的抽獎箱內，抽出了一張印有學生名字的紙條。

「好啦～本日幸運兒係……」

雖然我近來的運氣真的是有夠衰，但我相信隔壁班絕對有人比我更加衰！

「係……睇下先……」

吃狗屎吧！！！

「噢～係1B班嘅墮神 千迴同學！」

蛤……？什麼？

喔幹。

「出去啦你。」坐在我旁邊的斯特忍笑忍得快瘋了。

我一言不語地走上台階，祈禱著一會兒不要抽到什麼狗屎題目。

搞不好我還能抽到些好的題目，然後眾人感謝。　

「同學，請你喺左邊呢個題目箱裏邊抽出一條題目啦～」

我伸手抽出紙條，在準備打開的時候，卻被主任一手拿去。

「今年嘅題目係……叢林夜行～」

台下的人以鄙視的眼神看著我，我知道自己要被所有人圍毆了。

幹他媽的。

我以整張臉也是黑著的姿態返回座位。

「咁我哋而家先講講叢林夜行係做咩架啦～

一陣大家喺飯堂食完晚餐之後，八點鐘大家會喺學校後山集合並且分組，每組唔多於五個人，每個人都會帶上計分手帶，咁入到去又要做咩呢？

由於後山非常大，入到去會畀半個鐘大家分散同埋計劃行動，準時九點考試就會開始，

啱啱講過佢計分手帶係十分重要架，計分方式就係殺一個人得一分，」

幹……我死定了。

「去到考試結束，即係朝頭早五點嘅時候，分數維持係零分嘅同學將會被淘汰。」這次是來真的了。

我看左看右，大家的表情都呆若木雞，頭上寫了個「黑人問號」。

「大家有冇問題啊？」「有。」愛麗絲舉起了手。
「同學請講。」

「主任，我想問下而家總共有幾多個學生啊？」

「而家有六百幾人左右。」

「唔該曬。」

六……六百？！

這幾天……到底死了多少人啊……

時間快轉至飯後時刻。

大家都魂不守舍地前往學校後生集合，我們一群人圍在那裏，商討分組。

「我哋呢度有十四個人，最佳分組係四五五。」奧柏倫說。「我地應該唔會同其他人合作啦？」

「咁我、千迴、斯特同杏奈一組啦。」阿尚先拿去了四人組的位置。

「我同迪斯、楓月、七門，仲有奧柏倫一組，剩返嘅西蒙、艾莉、蘿拉、艾爾文同海爾特爾一組o唔ok？」

「好。」眾人一致贊同，考試亦即將開始。






做曬功課luu
希望下個禮拜唔好再俾野我做

不定期更新，盡量每週一次。如果你中意我寫嘅文，想知道更多更新情況同埋人物設定嘅話，歡迎你過嚟追蹤我嘅IG：@night.star000
Thx for your support（*＾ワ＾*）