【奇幻愛情】異世界編年史: 第六章
其他病人都目不轉睛地看著電視機：
「尼爾帝國城牆已經被未知組織所攻破，同盟國向所有國家發出最高級別警報，鄰近國家都需進行嚴密戒備。」
「吓！唔係掛……打咗唔係好耐咋喎……」
「明明軍隊人數相差成十二倍咁多，點解仲會輸！」
「一場小衝突，大佬人哋只係派咗千幾人去打，帝國出埋精英部隊都打唔贏？」
現時醫院其他病房的病人也爭相發言，環境十分吵鬧。
「依家交比喺現場嘅戰地記者艾蕾西·卡爾作報導。」
「目前尼爾帝國正處於劣勢狀態，敵方派出嘅一千多名精英已經擊潰帝國所派出嘅一萬二名士兵，城鎮被大肆破壞，城牆更加已經倒塌，滿地都係士兵同市民嘅遺體，目前並冇消息來源指出帝國會派出更多支援軍隊，至於目前敵軍嘅身份依然未能確認，亦都無法確定佢地會唔會派出更多嘅軍隊……啊啊啊！咳……咳……啊啊！」報導員的胸口從背後被魔物的利爪貫穿，血液瘋狂噴灑，她的雙眼反白，面目猙獰，直播畫面頓時變得一片黑色。
「艾蕾西！目前報導係咁多，請待會再繼續收看！」女主持淚哐滿盈，匆忙地關掉了報導。
顯然剛剛報導員遇害的畫面實在血腥，嚇壞了不少小孩子，病人們的討論聲加上小孩子的哭泣聲，嘈吵的聲音實在令人喘不過氣來。
「係咪墮神千迴小姐？」「係。」「依家需要轉房做檢查，做完就可以出院嘅喇，同埋你個朋友仔都喺樓上。」「哦……佢冇事呀嘛？」「你應該比較需要擔心自己先。」
護士姐姐把我的病床推到升降機裏。
「護士姐姐，請問啱啱電視上邊講緊啲乜嘢？」「哦，講緊尼爾帝國同人打仗呀。」「但係唔會太誇張咩，成個國家有可能連打仗打邊個都唔知咩……」「可能係軍事機密……啩……」
我的病床經過走廊，在盡頭處檢查堂外的長椅上看見斯特的身影。
「司……千迴！你冇野呀嘛？」我的病床停在長椅前，斯特站了起來。我向他擺了一個'Ok'的手勢，病床就被護士姐姐推進檢查室內了。
「你係度等。」護士姐姐用厭惡的態度向斯特説，比起説，語氣更接近指責，老實説我也被嚇倒了。
進到檢查室，逗留了半小時左右，當中做了不少檢查，結果雖然令人震驚，但我早就預料到：
「小姐，攻擊你嘅人係吸血鬼，你雖然冇被感染，但係要一直帶住檢測器，防止有突發事情發生。」醫生在我的脖子上套上一個黑色的圈，上面有一塊紅色的細小裝置。
我猜沒有被感染，也算是不幸中的大幸吧。
「出院手續嗰個人同你做咗，你走得啦」「唔該曬。」
我步出檢查室，護士姐姐向我説：「萬事小心。」
「千迴，我地行啦。」同樣戴上檢測器的斯特向我説。
踏出醫院後，我和斯特走到一間餐廳內吃晚餐。沿途，路人們都用著奇怪的眼光看著我們，我們倆像是怪物似的。
斯特一言不發，直到我們走到餐廳內。
「不如你解釋一下究竟發生乜事啦。」我向斯特問道。他依然繼續保持沉默。
「喂，你答下我好啲喎。」
「冇啦……冇啦……冇啦……」
「乜嘢冇呀，你答下人啦！」我不耐煩地向他喝了一聲。
「你知唔知呢樣野代表咩？」他指著他頸上的檢測器。
「我咁多年一直收埋自己，依家一切都白費哂啦！冇啦！」他怒吼著，其他食客都望向我們的方向。
「你細聲啲，唔好大叫，冷靜，解釋。」
「哈……你地人類根本唔會明，共容社會？唔好講笑啦，黑暗生物一直都比人批鬥，歧視……」
「批鬥，歧視？」
「你睇下出面……」斯特指著窗戶外的城鎮，仔細去觀察，大街貼上了很多富有種族歧視意味的海報，原來異世界也盛行這種不良風氣啊。
「咁……其他人呢？你啲朋友、屋企人呢？咁多年嚟得你一個人？」
「嗯。」他低著頭，別過臉説。
「對唔住……」我向他遞上一張紙巾。
「其實，我一直都呃緊你，我今年已經107歲。一直用緊『人類』嘅身分去生活，但係我係吸血鬼，同埋嗰件事……你可唔可以……原諒我？」
「算啦，過咗去就過咗去，不必介意，我又冇被感染。」我回答道。
飯後，我們沿著街道走回家。但在街道中，我們看見一群人在吵鬧，便走了過去湊湊熱鬧。
「你班仆街穿越者同我地躝開！搶哂我哋啲資源！」
「原住民多得你哋唔少！」在該處聚集的人越來越多，開始擠得水泄不通。
突然，斯特便一手把我從人群中拉走，他帶我跑到旁邊的小巷。
「做咩咁突然啊……哈……哈」我喘不過氣來。
「嗰度唔係太安全啊嘛，反穿越者……嗯……咁我咪拉走你囉。」
「照咁睇，我都唔係好你好多啫。大家都係同路人，差唔多，哈哈。」事實如此，唯有接受。
「點解會咁架……我哋咩都冇做錯……」
「世界根本就係咁唔公平架啦，現實始終係現實。你改變唔到班人嘅想法，咁咪嘗試調節自己，入世啲囉。唔緊要，我地兩個相依為命，大家有個照應都好。」
「好彩……有你係度。」
我們抄了另外一條小道回家，在家中洗完澡之後，我躺在床上，舉起了右手，看著上面的印記遙思著。
「唔知道呢種生活，仲會持續幾耐呢？」
可能去到第九、十、十一章先有嘢睇哈哈哈哈
不定期更新，盡量每週一次。如果你中意我寫嘅文，想知道更多更新情況同埋人物設定嘅話，歡迎你過嚟追蹤我嘅IG：@night.star000
Thx for your support（*＾ワ＾*）