陰霾密佈令人不寒而慄《慾望共胴體》18+: 第27章 - 恐怖命案

在傅探員安排下，洛杉磯警局派來直昇機作夜間高空搜索，終於在一個距離觀景台五公里範圍內的山坳附近，發現一名男性屍體，屍體各處出現屍斑，並惹來大群昆蟲出沒，男子雙眼反白，鮮血由頸部的一條大型傷口湧出，令附近一帶草叢染成一片血紅，死狀恐怖。傅探員抵達現場後，證實死者是簡紀明。驗屍官初步檢驗指出，簡的身體曾遭動物多次啃咬，但最嚴重的致命傷出現在頸部，估計他是被狼狗活生生咬斷咽喉導致斃命，死因經斷定屬於被動物襲擊致死。

“It seems that the victim was killed by the dog when he was alive, it's so terrifying.”說話的人是Billy。
「死者死前一刻估計已經遍體鱗傷，但點解隻狗仲要主動攻擊？」傅探員看著簡紀明頸部被狗牙咬扯撕裂所造成的創口，由於附近的皮肉和軟組織等結構遭吞噬喪失，頭部與身體僅餘下頸椎連接。
“It's hard to tell. In my view, the man was cursed.”  

翌日，簡紀明屍體被發現的消息由傅探員在警局內正式通知潘瑋晴。在得知消息的一刻，潘瑋晴面容木訥，雙眸空洞，就如受到嚴重打擊摧毀其意志一樣。下一秒，潘感覺一陣暈眩，腳步差點站不穩。傅探員見狀，立即以手攙扶。
「依種咁嘅人根本唔值得妳去同情。有我一日，我都會支持妳。Keep fighting!」平素冷酷的傅探員面上展露出難得一見的笑容。
「明白.......」潘瑋晴強忍著淚水，勉強擠出笑容回應。
「其實，我細個嗰陣試過被繼父搞，後來個仆街被警察拉咗，嚮佢判監嗰日我同自己講，長大之後一定要做差人，拉晒班衰人。」


「多謝妳關心.......我會照顧好自己嘅。」潘瑋晴自失憶後未試過被陌生人如此關心，一時感觸之下，眼角垂淚。「其實我上次暈咗遇上妳救返嗰日，我去過Monica住過間屋，仲見過佢養母，妳哋可以去攞下線索，我希望可以知到佢生死。」
「請妳放心，我哋會繼續跟進Monica單case，話時話，妳打算幾時返香港？」
「等我辦妥紀明喪事之後........」
「明白，有需要就搵我。」

潘瑋晴離開後，傅探員跟Billy開會。
「估唔到咁就close file。」傅探員對未能找出真相一直耿耿於懷。
“Anyway, that guy is not a good person. I think he's not innocent. 佢同個綁匪都係抵死......”
「但我哋始終搵唔到Monica本人。Billy, 你同我去調查一下Monica個養母，我想你問下佢關於佢個女嘅野。」