《任我行》: 第二十七話-《陳叔》

第二十七話-《陳叔》

因為雪琪也想不到吃甚麼，所以今天我帶她到我經常去的一間小店吃午餐，這間店座落於偏僻的後巷，如果沒有認真探索過周圍是不會知道這間店的。

這間店主打街坊生意，我也是有一天無聊在學校附近走來走去發現了這間店的。

而且這間店的食物價格親民，雖然我不介意這筆錢，但這裏給我的感覺就是友善。

「呢到有咩好食?」雪琪看着餐牌問道





「咩到好食，老闆，照舊。」我向老闆落單

「天月，帶埋女朋友仔嚟，咁開心。」老闆回應道

「唔係。」我和雪琪異口同聲表示

「哈哈，好好好，咁唔洗要女朋友仔揀食咩喇，幫你嚟兩份。」老闆是一個和藹的大叔，我們都叫他陳叔

「好，就咁，唔該曬。」我說到





食物很快便送到，我就開始慢慢品嚐，而雪琪她像普通女生一樣食物來到第一件事便是打卡，我到現在也不明白這件事的意義。

吃飯的時候最好就不要說話，但是有雪琪在又頗難的，她一邊吃一邊在跟我說學校的是非，我也只好勉為其難地聽。

「老闆，埋單啊。」我舉手說到

「天月，見你帶埋女朋友仔嚟食，唔想你洗咁多錢，打個折頭比你。」老闆笑容滿面說到

「到話唔係女朋友。」我和雪琪再一次反駁到





「係係係，收你齊頭80蚊算數喇。」老闆發了一張單給我

「80蚊，同食左你隻「車」有咩分別，都係收返我150蚊好。」我拿出兩張100元給老闆

「你仲係學生，又要拍拖，得喇得喇，唔好同我計呢d小錢，收你100喇。」老闆只拿了我一張100

「咁…」在我不知怎樣算的時候，雪琪替我打了圓場

「睇下你女朋友仔幾識做，點稱呼啊?」

「叫我雪琪就可以。」雪琪微笑回應

「下次嚟叫我陳叔就得，拜拜。」老闆揮手跟我們說再見，我們也揮手道別後便離開了

在回校的路上，我記起了我約定了貓貓要跟牠二人世界的，所以我叫雪琪自己一個先回學校，我去超級市場買貓糧給貓貓。





「貓糧貓糧…邊種好…」我從未養過貓，所以不知道那種貓糧比較好

「天月同學，你做咩係到睇貓糧?」我回頭望，發現是夏美同學

「夏美同學，你又睇貓糧咩?」我問道

「唔係唔係，我只係路過，咁啱見到你。」她搖頭回應到

「咁你知唔知邊隻貓糧比較好?」我拿着兩包貓糧問道

「你確定要買咁大包返學?我建議買呢一包，我屋企隻貓到係食呢一隻，同埋建議你順便買一個兜。」她拿着一包迷你，綠色包裝的貓糧給我，還有一個可載水和食物的二合一食物盒給我

「唔該曬你。」我拿着她給我的物品到櫃檯埋單