《任我行》: 第十二話-《學界比賽》
第十二話-《學界比賽》
又到了週一的開學天了，今天又有籃球隊的訓練，真是麻煩。一回到學校，我收到了慠龍的好消息，我託他為我準備的東西他預備好了，現在只等時機成熟。
「天月，第100球三分，射左120球，八成左右既命中率。」慠龍一直幫我記錄着，從上星期開始的所有練習我都會先射進100球三分。
「唔錯，但係未夠，出手都未夠穩定。」
「開始練習先，去訓練下團隊籃球。」慠龍指着羽熙他們
「唔洗，教練話比我地係到練就可以，我地過去只會變成個人籃球。」我一邊射着罰球一邊跟慠龍解釋着
「話時話，今年班際改左例，變左5人籃球喎，但係你都唔會打架喇，反正今年都唔報，好似轉唔轉例都唔關我地事。」慠龍練習着運球動作
「唔係喎，今年報名玩下，反正我地唔會輸，我想要獎勵。」我轉身看着慠龍
「咩話，你竟然會話你想報名?!」慠龍比我嚇到球都拍走了
「我想贏，就係咁簡單。」伴隨着這球罰球而來的是我的參賽原因
「喂，天月慠龍，過一過嚟先。」教練呼叫着我們過去
「今日計埋你地兩個係第一次練習齊人，不如嚟個自我介紹先，就等我先，我叫黃羽熙，4a班同時係籃球隊隊長，我打既位置係控球後衛。」羽熙提到
「我叫大肥，唔係真名，4a班，位置係中鋒。」一名體型較龐大，和我高度差不多的胖子說到，在那天對抗賽可以看出他籃下功夫很紮實，但進攻還有待改善。
「我係湯瑪，都係4a班，位置係大前鋒。」對抗賽那天他給我的印象是雖然有着大前鋒的身形，但卻有着後衛般的技術，而且對於掩護後的跑位有着不錯的理解
「我叫陸舞，舞蹈個舞，聽落好似女仔名，但係唔係，4a班，位置係小前鋒。」防守不錯，籃低進攻時也有打出威脅性，但可惜的是投球問題，那天對抗賽對手都放空他三分。
「我係威哥，佢地咁叫開我，4a班，位置係控球後衛。」射球不錯，中距離和三分球也有不俗的命中率，但籃下終結較差，閱讀比賽能力也較低，被人包夾時的應對能力也較差。還有四位球員，分別是昊祈，貴猗，白勵行和吳澤，除了吳澤外都是4a班的。
「好似唔見白琦既，佢去左邊?」羽熙問道
「白琦今年轉左做我既助教，我見佢對於閱讀比賽既能力幾高，同埋分析比賽有獨特既見解，所以佢今年會幫我手，等天月同慠龍自我介紹完就開始今年學界既briefing。」教練解釋到
「我天月，佢慠龍，都係4D，無固定位置。」
在簡短的自我介紹過後，來到了教練對今年學界流程圖的簡介，原來在一星期後便會迎來我們第一場的分組賽。在簡介過後迎來了我第一次的團體訓練，就是些3打2快攻，2打1快攻，5打5的練習賽，十分簡單。
一星期過後，迎來了我的第一場學界比賽，當然雪琪也跟著我們向學校請了最後兩節的早退，我們來到了灣仔的修頓球場，有不少人正在打籃球，除了我們這一場外，其餘三個場也有進行學界的分組賽，第一場的比賽，我們對上了灣仔私立中學，是16強的常客，但每次都止步於八強，實力仍然不容忽視。
「灣仔私立強既地方在於佢地控衛既傳球視野，同埋對比賽既閱讀，所以今場我地用…」
「教練唔好住，今場唔好再用雙控，由威哥打先發控衛，吳澤打得分後衛，羽熙做後備。同埋因為唔夠人既原因，所以前場三位要辛苦少少，捱到天月慠龍落場。」白琦截斷了教練的說話
「點解呢?」羽熙問道
「首先，灣仔私立強既地方無錯係佢地控衛既傳球智商，但從上一年開始佢地慢慢改成由得分後衛同控球後衛輪流控球，如果戰術打唔出，會藉住pick完switch後既miss match比身形較大既球員單打得分。羽熙如果對上左其他球員，會比佢地係單打得分方面攞到優勢，但係換上威哥同吳澤做後場既時候，佢地兩個身形上面唔會輸太多，單打既時候都唔會攞到太多優勢，但係盡量都唔好比對面有機會攞到miss match既機會，一直保持用最簡單既人盯人防守戰術。等到天月慠龍落場，只需要守好再將波傳比佢地，佢地兩個就有方法幾個波放入籃框。」白琦詳細解釋到，完全想不到白琦有這麼深入的理解，而且還分析了對方近年的比賽。
「咁就跟你既講法去做。」教練點頭回應
「又唔好咁睇得起我同慠龍。」
隨著哨子聲響起，我的第一場學界比賽開始了，雖然我不是正選出場，但還算吧。球證將球拋起，大肥成功將跳球搶過來，將球傳給威哥後開始了由白琦所創作的戰術，雖然不夠漂亮，但戰術算是能跑出來，成功將球傳到跑出空檔的吳澤手上，他也沒浪費機會，一球三分率先為我們打開紀錄。就這樣，第一節在白琦和教練的指導下，成功拉大比分，第一節就在16比9的比分下完結。
「各位打得唔錯，亦多得白琦所寫既戰術，第二節就繼續保持住咁既氣勢。」教練說到
「第二節我地既陣營會係羽熙，吳澤，陸舞，大肥同勵行既。」白琦指揮着我們
「天月，你無得落場喎，我想睇你打啊。」雪琪發着小脾氣
「我咁勁，落場咪會屈機囉，落後緊既時候自然會有機會。」我安撫着經理人小姐
「喂天月，去廁所。」慠龍拍着我的膊頭
「你唔覺得怪咩?」慠龍問我
「白琦應該睇得出，但係解決唔到。」我回答到
「灣仔私立應該仲有招未出，咁簡單既戰術都破解唔到咁個教練就真係癈左少少，同埋無理由得一招。」慠龍跟我分析着
「好快就知，唔洗咁驚。」我輕鬆回答
在我和慠龍去洗手間的時間裏，這短短的時間內，戰況改變了，大幅改變了。這五分鐘裏，比分竟然被拉開至17比25，完全想像不到會變成這樣。
「天月，慠龍，你兩個邊個想落場。」教練問道
「白琦，解釋一下。」我要求白琦給我一個有關對方戰術改變的解釋
「根據我既睇法，對面既進攻手法改左做牛角位單擋同埋4-1高位單打戰術，兩招輪流做用，但係用得比較多既係牛角位單擋，佢地用成為射手而設既horns，你等等就會見到。而防守則轉用提早switch既方法，令我所寫既戰術變成無咁多作用。佢地第二節除左個控衛無換落場之外，其他都換曬，除左中鋒外，其餘人都有外圍投射既能力。」白琦詳盡解釋到
「咁樣，我同慠龍兩個一齊落場，唔入樽，淨係三分反超，得唔得。」我提出三分雨戰術為我們扳回比分
「可以，咁就換上威哥，你，慠龍，湯瑪同貴琦。教練，下球死球個陣先嗌個time out，我要多少少時間睇清對面既啲術。」白琦說到
「可以。」教練回答道
「咇，白方仁德書院7號投籃打手犯規，黑方兩球罰球機會。」在第二節還餘下三分鐘時，終於迎來了我和慠龍的出場機會，但比分已被拉開至22比35，足足13分的差距。對方也把握了這兩球罰球的機會，兩罰全中，22比37，此時我們叫了一個暫停。
「我已經睇清楚左對面玩緊咩把戲，對面用既係14-15年快艇所用既Horns，無論係底線埋伏既射手，定係pop out出三分線既大前鋒，又或者係以雙檔比射手從weak side去strong side攞波射籃，因為我叫你地用人盯人既手法反而被對方利用，藉由唔換防既空檔將球傳到wide open。所以接下落嚟防守就交比你地既感覺，好似平時你地自己打波咁，跟到就跟，跟唔到就換，咁樣就係最好既破解方法。進攻個方面轉用3外2內既陣容。」白琦分析着
「咁我同慠龍有咩要注意?」我問道
「唔好入樽，唔好跳咁高。」白琦叮囑着我同慠龍
「咇!!」隨著哨聲響起，我和慠龍進了球場，原來在場上的感覺是真的會緊張一些，但是不會影響我的表現
開球不久，球落到了我的手上，我很想突破防守者，直接灌籃，但是我想起了白琦的叮囑，一個試探步拉開空間再一球三分，進了25比37。
「呼。」還好比賽的氣氛沒有影響我的表現，還是那麼優良。
因為不能暴露出我和慠龍可怕的彈跳力，我和慠龍被限制着，根本不能發揮出對抗賽那時的表現。隨着時間的推移，在第二節只剩下10秒的時候比分給我和慠龍我三分雨拉近至38比42，4分的差距。
10…威哥的一球上籃被封阻了，對方拿到了籃板
9…對方中峰將球傳給了位於中場的控衛，而慠龍則在後面緊貼着
8…對方控衛未跑進禁區時已被慠龍將球拍走了
7…球滾到了對方的手中
6…來不及了嗎?不會的，我跑向禁區
5…對方已跑到了三分線，我才剛剛跑到了中場
4…慠龍他跑向了對方的三分線，看來他十分相信我
3…對方球剛離手時，我賞了一記chase down block給他
2…在我拿到球那一刻，我立即將球往慠龍那傳去
1…慠龍拿到球後便立即射了出去
0…「咇!!!」隨著哨子聲響起，球進了，慠龍向着對方舉起了三隻手指放在腦袋旁邊。
41比42，只剩下一分的差距。