《任我行》: 第六話-《出生》
第六話-《出生》
接下來的1小時都是繁複沉悶的書面工作，順帶一提就是慠龍的住宅地址也是填了我的家，原因是因為他是住酒店的，所以要將信件寄往我的家再帶給他。
「各位同學，記得11點準時帶埋書包落禮堂，宜家就休息。」蕭sir說完後便轉身離開班房。
「天月，跟我嚟啊，有野同你講。」雪琪拖着我到走廊的盡頭
「咩事?」
「烙兒佢…」
「我知啊，你想講佢屋企既事?」
「你一早知架?」
「我識左佢幾耐，你識左佢幾耐，你知佢既野我會唔知?」
「咁你有冇幫過佢架?」
「無，人地既家事我唔會理。」
「你放學同我講清楚佢咩事啊，你唔好周圍去。」
「得喇，咁長氣，點會走左去。」向雪琪做完簡單的交代便帶她到禮堂參加開學禮
時間來到天月出生的一天，那一天是香港被十年難得一見被超級颱風襲擊的時候，在這風雨交加的日子，一位滿頭大汗的男士跑了十多層樓梯終於回到自己的家中，剛進到家門便看見自己的妻子正躺在地上
「老婆，你點呀，有無野啊!」
「我…我諗我…就生…喇…」
「宜家咁既天氣，仲要停電，救護人員好難上黎啊!」
「白…白太…搵佢…」
那位男士急忙跑到隔壁找鄰居的白太幫忙，白太得知後找上自己的老公幫忙接生
「雷生，唔該你幫我攞…」
時間暫時先回到現在，在沉悶的開學禮過後雪琪帶我到那天她和烙兒被人找麻煩的機鋪
「天月，你宜家好同我講清楚烙兒係咩事，如果唔係，一個星期…」雪琪說到一半便停了下來
「一個星期咩?」
「一個星期你要做曬所有家務…」雪琪搖了搖頭，手指指着我的後方，我回頭一看是一群小混混。他們推開了我，圍着雪琪
「妹妹仔，上次我地比面慠氏先放過你同你朋友，今日你又返嚟，睇嚟你好想哥哥陪下你。」這個小混混的老大說完後便打算對雪琪毛手毛腳，雪琪一直向後走，小混混便一直跟上，直至走到盡頭
「妹妹，你無路走喇。」說完便以他的髒手摸雪琪的臉頰，雪琪眼泛淚光，淚水快要流出來
我上前把小混混的手捉緊，另一隻手將雪琪抱入懷裏，輕聲對她說「無事喇」。
「細佬，你邊位啊，做…啊!!!」他的叫聲響遍整間機鋪，因為我把他的手指一隻一隻拗斷，直至我拗到第三隻手指，他的手下才意識到要上前救他
「救我喇，你班…啊!!!」第四隻，我鬆開了他的手，但我已經被他們包圍了，我依然抱實雪琪
「你死梗，兄弟，打到佢殘廢，之後帶條女返去好好享受。」
「雪琪啊，你等我一陣，嗯…一分鐘就夠。」說完我便摸摸她的頭，放開了她，以迎擊姿勢對着那群小混混
突然，慠龍出現了，他叫我和雪琪先離開，他說他會處理好，我便拉着雪琪到附近的一個公園休息。
「天月…我…我…對唔住啊…我好驚啊…鳴…鳴…」雪琪抱着我哭，我把她緊緊抱緊
「無事喎，唔好喊喇，唔靚架。」我一邊對她微笑，一邊以雙手為抹乾眼淚
「我…我…對唔住啊…鳴…鳴…」
時間再回到天月出生的那天，在經歷分娩後，一名小男孩出生了
「恭喜你啊，係男仔嚟。」白太對蕾生說
「老婆，老婆，聽唔聽到啊，係男仔啊。」
「老公，你未…未改名」
「係喎，叫咩名好?」
「天…月?」白太突然的一句話點醒了雷生
「唔錯喎，但係點解?」
「天上既月亮，永遠係人地唔知既情況下默默照耀着。」
一段時間過後，雪琪終於止住了眼淚，我果然對女仔喊的抵抗力是零
「返屋企囉，好無?」我站起來伸出手
「嗯。」雪琪拖着我的手
在回去的途中，雪琪都緊握着我的手，害怕我會離開，我亦珍惜這一段短路程的時光。
「天月啊，烙兒佢其實有咩事啊?」
「佢屋企有問題。」
「咩問題?」
「佢老豆有飲酒習慣，而且經常賭錢，頭家其實係烙兒自己一個頂住，佢老豆借錢個邊我其實偷偷地叫慠龍幫左一下，佢仲有個細佬，今年岩岩上左小四，烙兒仲要幫佢賺補習錢，同時要幫自己搵生活費，最重要既一點係佢d錢成日比佢老豆攞左去還錢或者賭錢。」說完這些後都己經回到屋企樓下
「咁你可唔可以幫下佢，烙兒佢好可憐。」
「返上樓先講。」
「死女包，你害老豆我又被人打左一身，你搵左d咩人去攪班黑社會啊。」烙兒老豆拿出衣架打烙兒，她為了她的弟弟只能啞忍
老豆出完氣後便回到房間睡覺，留下烙兒一人。
「要捱到幾時…先會完…」
「人地既家事我唔可以理。」
「但係佢係你朋友，由細識到大，由小學到中學，咁都唔理?」如果我要幫烙兒又有何難度，但是她不接受，由細到大她都討厭接受別人的施捨，她希望所有事都是靠自己。
「諗下諗下。」
「天月天月，幫下佢喇。最多我錫你一啖…」雪琪紅着臉說出這一句話，看得我都小鹿亂撞
「一啖，你講架，淨係幫一次，無下次。」
「嗯…你係幫至好啊。」
「一定一定，為左你既一吻。」
「我瞓返一陣先，今日好攰，我…」說到這裏雪琪她又想哭了，我走過去，以公主抱的方法將她抱起帶入房間中
「瞓喇，換埋衫先好瞓啊，今晚先叫你起身食飯。」
「鈴….鈴….鈴…」家中的電話響起了，我把房門關上再到大廳聽電話
「喂，天月。」電話另一頭傳來慠龍的聲音
「係唔係攪惦曬。」
「呃…出左少少意外，青狗幫佢地搵左新靠山，李氏集團，你自己小心d，定你要開始翻返工作部，咁樣就會比你保護。」
「不了，宜家雪琪係到，工作部會帶比我地一定危機。」
「咁好，你同我小心d，雖然你同李氏無咩恩怨，但係青狗幫都要提防下。」
「得喇，咁鬼婆媽。」