《任我行》: 第四話-《慠龍》

第四話-《慠龍》

經過了個半月的暑假，距離開學還有大約一星期，我發現自己一份功課也沒有開始完成，而雪琪已經全部完成，我決定把自己閉關在家中直至完成功課。但這雪琪小朋友……

「天月天月，陪我出街喇。」

「天月天月，陪我去玩喇。」

「天月啊，我好悶啊啊啊啊啊啊啊!」啊!!!!!做咩功課啊!甚至沒有一剎是寧靜的。





「比我做埋功課先好唔好?」

「唔好，陪我陪我啊!」

「你去搵死人烙兒陪你喇。唔好煩我啊!!!」我後悔自己說出的這一句

「係喎，仲有烙兒喎，等我係佢口中搵你既秘密出嚟先。啍，唔理你。」說完後好便直奔5座，拉也拉不住

(雪琪視角)
「叮…叮…叮…」





「雪琪?有咩事?」

「天月唔肯陪我，佢要做功課，所以我嚟搵你。」

「入嚟先喇。」

「你自己一個住架?」

「唔係，仲有個細佬，佢去左補習，老豆係房瞓緊。」我看到烙兒緊握着拳頭，似乎有不可告人的秘密





「不如我地出去先講，唔好留係屋企。」烙兒…

「啊!!!上帝啊!!!比答案我好冇?我唔想做啊!係喎，等我攞雪琪既嚟抄咪得囉，我真係聰明。」我立即跑到雪琪的房間尋找one piece的存在

「叮…叮…叮」門鈴響起，我暫停了找尋one piece的工作

「邊位…係你啊，白琦，搵我做咩。」白琦算是三奇之中最正常的一位，也是三奇之中我認識得最久的一位

「天月，功課。」似乎他也陷入了功課的煩惱

「入嚟先喇，我有得抄。」有好野當然要和朋友分享

我帶了白琦進家後回到找尋one piece的工作，在我尋寶狂人的能力下，區區一個one piece又豈會是問題。





「我搵到喇，白琦。」

「天月，之前個女仔係邊個。」似乎白琦已經發現了雪琪的存在，我只好跟他說出所有的事情

「所以個女仔會同你同居，仲會同我地同一間學校。」

「嗯，無錯無錯，你唔好同其他人講喎。」我相信白琦會替我保守秘密的

「可以，答案。」白琦為人過份理性，我沒有見過他失控的樣子，一次也沒有

(雪琪視角)
烙兒帶我到了附近商場的快餐店中，我好不好問她發生甚麼事呢，但我像和她好像認識沒有太深…

「食咩啊你?」





「3號餐要可樂。唔該曬。」

「唔洗…」

怎樣才能令烙兒跟我說她的事呢，如果我可以幫忙就好了。

「食完之後可唔可以陪我去個地方啊，雪琪?」

「梗係可以喇，等你帶我走圍去玩㗎。」這好像是一個機會增進我和烙兒的關係

這裏好像是機鋪?我在國外有到過類似的地方，烙兒真的想帶我到處遊玩，認識一下周圍。

「唔該曬天月，我走先，我仲有野做。」白琦向我道別後便離開了我的家

「白琦走左，等我做埋作文就差5篇閱讀報告，打個電話比雪琪等佢買個下午茶比我食先。」





「你已經被接駁到6xxxxxxx的留話言信箱……」又會係留言信箱，那我只好自己去買下午茶

「天色多昏暗，嘈雜的三五成群…」電話突然響起，是白琦打來的

「喂，白琦，打比我做咩。」

「雪琪，烙兒，機鋪比人捉住。」為什麼雪琪這麽會給我添麻煩

「唉，即刻嚟。」換好衣服後我便立即趕往機鋪

到達機鋪後，白琦在門外等我。

「白琦，入面咩料。」





「自己睇。」裏面的境況是一大班人圍着雪琪和烙兒，是不懷好意的人，但我看到一個熟悉的身影，似乎不用我出手了。

「走喇白琦，我差佢一個人情，佢會嚟搵我架。」我帶着白琦走到快餐店食下午茶

「佢返左嚟咩?」

「邊個知，但係唔洗我地出手就得喇，反正佢每次返嚟都係咁，唔同我地講。」

「等等洗唔洗返去望下?」

「佢會攪惦所有野，仲有烙兒係到，只可以怪班人搵錯對象。」我對他有100%的信心

「你食咩啊，白琦?」

「5號餐飲雪碧。」

「睇嚟攪惦曬喎，真係有啲想睇，但係餓啊。」我看到人群散開便知事情完結了，他真的是我最信任的人

「天月，你係點樣咁相信佢，我做唔到。」

「你想知咩?」

「嗯。」

「遲啲先喇，總有一日你會知既。」甚麼時候告訴白琦好呢?

「喂，垃圾，大佬返嚟都打招呼?未死過啊。」突然有一個人站在我面前

「咩啊，垃圾，返嚟都唔講聲。」是他…

「你知㗎，我既到來永遠都係神出鬼沒既。Hello白琦，你都係到。」

「小朋友，啱啱你認為自己有無好好咁解救兩個女仔?」我問道

「應該得90%，問唔到個靚女電話係令呢件事上唔到完美既原因，咁你知唔知烙兒隔離嗰個靚女係邊個?」

「唔知，無野喇，我差你一個人情，唔洗我出手。」

「慠龍，你去左邊度?」白琦問道，我雖然已經知道，但就不要讓白琦知道好了

「秘密嚟㗎，唔會同你地講，走先，開學見」說完後慠龍便離開了，但我想知的是他完成功課了嗎?

「喂，小妹妹，你老豆仲未還錢喎 不如…你同你朋友嚟服侍一下我地就當無數。」其中一名大漢說道

「烙兒，你老豆爭人錢咩?」

「嗯……」似乎烙兒也不想說的

「不如…」突然一名男子的出現打斷了我的說話，亦令全場陷入沉默

「慠龍，返左嚟喇…」烙兒開口說道，打破了沉默

「hello烙兒。」

「細佬，你邊個啊，做架兩?」慠龍從袋中拿出了一件類似令牌的物件，那些人看見後表現得十分驚訝，之後便立即離開了

「慠龍，你打左招呼未。」烙兒這樣問道，但向誰打招呼呢?

「未喎，等等去，但係靚女你電話幾多號?」慠龍走到我面前，他比我高約一個頭

「唔要喎，嘻，烙兒，我地走。」說完後我便拖着烙兒離開了機鋪，雖然不知要到那裏，總好比留在那裹好