香港人撐住: 香港人撐住
運動持續咗半年
唔係每一個人
都可以撐咁耐
有人 每日一放工即刻衝去
有人 每日放學亦都即刻衝去
有人衝喺最前
有人 做後勤
有錢出錢 有力出力
佢哋只係為咗守護呢個地方
每一個人就係想出一分力
無論嗰份力有幾細
只想爭取我地想爭取嘅野
同埋唔會辜負到前線嘅手足
但係 正如我開頭所講
時間長咗 真係會爆煲
我有個朋友 佢叫阿t
佢好鬼鍾意爬山 呢個係佢嘅興趣
當初 啱啱開始呢做運動嘅時候佢啱啱好唔喺香港
呢件事令到佢無比甘後悔 點解當初 冇留喺香港
為自己居住嘅地方而戰鬥 所以 接落嚟每一場運動 佢都幾乎會去佢沖得好前 所有人都好擔心佢
雖然有幾次小意外 不過都係皮外傷 但係 今次唔係身體上嘅事 而係心靈佢長時間失眠要食安眠藥先瞓得落覺
但係正如有一句嘢 香港人永遠只會遲到 唔會唔到 佢每一日都到
但係前幾日
我哋一班 人從來都冇見過佢咁軟弱嘅一面 佢邊喊嘅寫咗一封信(算係遺書)
之後想自殺 好彩 有人拉住咗佢
而家 已經冇事
件事令到我哋好多人都好 震撼
我相信好多人已經承受唔住壓力
但係請撐落去 我哋唔可以失去任何一個你
各位攰就抖下啦 我哋會等你返嚟 繼續向我哋嘅目標進發
光復香港時代革命