[愛情] 放不下的·雙子座女孩: 第十二章 情報

根據Katie嘅意見，我決定莫恩情打探一下關於樂瑩嘅消息。我拍了拍莫恩情的膊頭，她轉身望向我。

「咩事呀...？」

「我想問吓你......」

「問我啲咩啊？」

「關於樂瑩嘅嘢...」





「哇......叫佢樂瑩咁親切，睇你個樣就一定係鍾意咗佢啦！所以先問我攞關於佢嘅消息，咁收你平啲，$50啦！」

「問嘢都要俾錢啊...？」

「唔想俾錢咁咪唔好問囉！」

「我俾囉...！」

我抱着不捨的心情從銀包裏拿出一張$50紙幣給她。





「快啲講有咩消息啦.快啲講有咩消息啦..！」

「暫時未太多...講住少少俾你聽先啦...」我立即從書包裏拿出一張紙同一支筆，把情報抄下來。

「使唔使咁認真呀...不過都好。首先呢，仙樂瑩都算係有錢嘅，佢成家人租左間獨立屋住，佢最鍾意嘅就係研究星座，所以你就可以用星座同佢打開話題。對於鬼故來講，佢係又驚又想聽嗰種。所以盡量唔好講太恐怖嗰啲唔係佢就會受唔住。暫時係咁多......遲啲有多啲就再同你講啦。」

「好......」我滿頭大汗地放下手上的筆...

就係呢個時候，樂瑩拍拍我的頭，說「你同莫恩情喺度做啲乜嘢？你同佢究竟係咩關係？」





「你誤會咗啦...我同佢無乜關係，只係興趣相同，講多幾句姐。」

「咁你又用筆抄低啲嘢嘅...」

「佢話講啲溫習重點俾我聽咋嘛！」

「咁...可唔可以俾我睇？」她一面天真地看着我...

「唔可以！」

「點解姐？」

「我話唔得就唔得啦！唔好再問啦！」我立即把桌上的紙收到書包裏...

看到我這個動作後，樂瑩立即鼓起腮子，別過面不看着我。