[愛情] 放不下的·雙子座女孩: 第十章 間接表白

由於我唔夠膽直接同佢表白，所以我上網搵到一個方法——就係間接表白。琴晚我已經諗到點樣同佢間接表白啦，依家就淨係等一個機會。

返到課室之後，我第一時間唔係搵樂瑩，而係去壁報板睇下我同阿祥有無入選籃球隊，不幸的是，只有我入選了籃球隊，阿祥入唔到。我立即同阿祥講呢個消息，不過見到佢失魂落魄嘅樣，就知道佢已經知道自己入唔到籃球隊。

不過佢依然笑住咁同我講「記得差我一餐飯呀！」

「知啦...好兄弟！入唔到籃球隊唔好灰心呀！起碼你有女朋友呀嘛！」

「分咗手啦！」佢用慘淡嘅聲線說...





「吓！點解嘅？」

「因為佢鍾意嘅師兄同佢表白！」

「佢直情當你係後備男朋友，真係離晒譜！」我望向他，他的樣子好像藏了很多煩惱...

「唔好咁話佢啦，佢應該有苦衷！」

「佢都飛左你啦，你仲對你咁好！」





「唉......」

然後我返回座位，樂瑩拍了拍我膊頭問「李健祥個樣點解咁唔開心嘅？」

「無計啦！佢俾女朋友飛咗。」

「即係.......」

「失戀啊！咁你都唔明，你真係單純！」我苦笑地說...





「我就係單純呀，咁點啊？」

「咁......你估下我鍾意邊個？」我引開話題...

「莫恩情？見你成日同佢傾計嘅。」

「唔係呀...我鍾意嘅人係你！」

「咪講笑啦！」

「真㗎.......！」每次望住佢清澈嘅雙眸就令我不自覺地說出了心底話...

她紅着臉地看着我，我以苦笑回答她。

「唔知道佢明唔明白我嘅意思？希望佢明白啦，好似我對住佢真係有一種心動嘅感覺，要唔要問下我個前女友Katie的意見呢？」