我和主人的故事: 第二十二章

今晚同Queena一齊學整cup cake,我哋食飯時,佢突然問我係咪識Edmond。

「做咩咁問?」

「佢知我今日又學整蛋糕,就問我係咪NANA二人組又有活動,我話係,佢就比咗佢張卡片,叫我比你」Queena遞卡片比我時,笑得好衰呀….

「你記唔記得之前我有同你提過,因為失戀所以去working holiday?」

「記得呀,你話個男仔有二個嘛,所以之前Michael叫我介紹Edmond比你識,我一口拒絕咗,佢太花心喇」



「佢未結婚?」

「未呀……….咦?! 唔通佢就係嗰個人?」

「嗯,不過我哋5年冇聯絡喇」

「以我所知,佢而家冇周圍玩女,我唔知今次做中間人傳話會唔會傷害你,不過佢叫我同你講,嚟緊個星期六上晝10點,喺你哋第一次見面的地方等」佢停一停,又再講「咁樣約人真係怪,佢唔怕你忘記咗個地方,失約架咩?」我只係微笑,冇答佢…因為內心已經開心到傻咗了….佢冇結婚,亦冇忘記我。

不過我哋第一次見面係八年前,會唔會其中一方真係記錯地點呢?返到屋企之後,我拎張卡片出嚟睇,原來佢已經做咗CEO了,卡片上有兩個手寫上去的電話號碼,一個係手提,一個係住宅,仲有Email同一個住宅地址,好似將所有搵到佢的方法都寫哂咁…到咗約會當日,我事前冇同Edmond聯絡,我早咗5分鐘到,隔好遠已經望到佢….佢的打扮同當年一樣,都係黑tee牛仔褲,佢四處張望時見到我,我點頭微笑,跟住佢極速跑過嚟….



「Lina！」

「好耐冇見」

「可唔可以比我攬一下?」

「下………」我呆咗,未有反應,佢已經用力攬實我.,呢一下攬咗大概兩三分鐘。佢放開我之後,我見到佢眼紅紅咁…跟住佢話：「我好掛住你」然後又再攬實我……

(待續)