我和主人的故事: 第十八章 半年後

半年後

工作空檔期間,Edmond如常咁打電話,呢半年內,打呢個電話號碼的次數冇1000次都有800次,每次都係”未能接通”,但佢都繼續堅持,得閒就得,彷彿打多幾次,就可以彌補對LINA的傷害同埋減低思念,雖然唔想承認,但佢知道自己已經沉船。

「閣下剛才打嘅電話號碼已經停止服務」

聽到呢句,Edmond隨即低語：「佢真係咁狠」

一直覺得Lina很傻氣,天真,隨遇而安,好適合做女友,SP,情婦,但唔適合做佢老婆,因為佢的老婆人選要係生意上幫到佢,家庭背景或者工作能力,而LINA只係適合做小女人,普通師奶仔,幾十歲人都繼續睇少女漫畫,然後佢老公仲會覺得佢好可愛。Edmond甚至想過,LINA一直做情婦,而AMY就做老婆,唔係因為愛AMY,只係佢做生意的手腕幫到佢,而AMY亦只係想創一番事業,唔會計較佢有幾多個女人。



但今次LINA咁決絕,EDMOND初時介意佢打亂咗自己的計劃,但一個月都搵唔到LINA時,佢開始有D驚,自懂事開始,佢從來未怕過,所有事都係佢計劃之內,直到識咗LINA,人生第一次失控,就係在日本旅行時,見到LINA同第二個男人有講有笑,好開心咁食蛋糕,佢睇得出呢個係正經的普通男人,亦睇得出佢鍾意LINA,只要LINA接受咗佢,佢哋絕對會組成幸福小家庭,所以當時佢只想綁住LINA在身邊,唔比佢同其他男人接觸。

呢半年來一直搵唔到佢,EDMOND考慮過搵私家偵探,但搵到佢又點呢?自己都比唔到將來佢,都係放手啦。諗通咗之後,佢決定回復返認識LINA前的放縱生活。去到酒吧,憑住佢迷人的外表,半個鐘內已經溝到女去開房。

又過了四年

EDMOND繼續放蕩生活,亦都同未婚妻AMY分開了,原因係某個女職員同佢上床時,拍咗段片嚟要脅佢,EDMOND搵咗多年死黨MICHAEL將條片CUT走自己個樣,跟住SEND比兩個同事,好快就全公司都知道,個女職員就自己離職。Amy覺得好冇面，所以要分手。而EDMOND亦唔想再比機會公司D女用呢D招數,所以就好無賴咁同所有DEPT HEAD講咗,夜晚七點後有機會就搵公司D女上床,而唔會負責任。佢原本以為呢樣嘢冇人信,但結果連MICHAEL都信,每晚準時送秘書QUEENA走。見

到QUEENA,就會想起LINA,佢兩個的性格好相似,相處時會令人感到輕鬆同溫暖,既然同LINA冇結果,就想同QUEENA一齊…



(待續)