我和主人的故事: 第十六章 失約

(一兩年後)

而家同主人keep住每個月見一兩次,每次都係佢搵我,夾到時間佢就會上我屋企,有時會做,一次起兩次止,唔似開始時,每晚3,4次,甚至有時只係攬住一齊瞓。

Sex方面我滿足到,但就成日覺得好悶同空虛,有時被問到有冇拍拖,我都唔知點答,又因為我搵主人好難,我又想見佢,所以同事或者普通朋友約我,我都會推,因為怕主人突然打嚟搵唔到我,有時節日自己出街,見到一雙一對的情侶,又覺得好失落…雖然想搵個男友,但有男友就要放棄主人呢個SP………………..

我知道咁樣好傻,亦係傷害緊自己,但我真係唔捨得呢段關係,唉………..下個月就係我生日,想起三年前我同主人第一次在戲院見面,都覺得甜蜜又搞笑,舊年生日,主人陪我去台灣玩咗三日,因為嗰三日太開心了,令我覺得可以接受平日的寂寞,唔知今年生日,我哋會點樣過呢?

由於主人今年好忙,冇時間去其他地方,我生日正日佢都唔得閒,只好提前一日食餐飯,之後再補祝啦。我哋約咗6點,佢嚟我屋企接我再出去,我同朋友就LUNCH去玩~5點幾才結束朋友的聚會,我即刻打比主人,因為我唔想遲到,但冇人聽….我只好返屋企等啦……….然後我望住個電話,一直等到八點….幾乎每兩分鐘望下MSG,其實咁耐以嚟,我好怕搵唔到佢,唔係介意佢失約或者忙,而係怕佢有意外。



等到九點,佢SEND MSG過嚟SAY SORRY,話今晚臨時有事,行唔開,唉…佢冇事就得喇,我決定去買件小蛋糕自己慶祝下。

去到蛋糕店,見到ERIC,又想起當年在日本時,主人呷醋的舉動,所以一個人食生日蛋糕都好甜蜜呢。ERIC話送我返屋企,但我拒絕了,佢之前言語間暗示過想發展,所以我唔會令佢誤會的,保持距離好D。

返屋企途中,老套的情節出現了,我在一間餐廳門口見到主人,佢攬住個女仔,身邊有幾位長輩,似係剛剛完結的家庭聚餐,雖然我一直都有想過現實係咁,但真係見到時,又覺得難以接受,特別係我生日時…我匆匆行過佢哋身邊,因為我只想返屋企喊,我選擇在主人的背後行過,聽到其中一個亞伯同佢講：

「Edmond,而家你哋算係訂咗婚架喇,好好咁對Amy呀,老婆嚟架喇」

「我會架喇！」係主人把聲…我呆咗…腳步亦停低咗,大概半分鐘後先回神繼續行,可能係我的動靜好古怪,主人望過嚟…我知佢已經見到我,我急步走開,因為我完全唔知道點樣面對佢。